ამბები Data Analytics-ის კურსიდან - თამარ ვარშანიძე

blog-detail-img

მოგეხსენება, 21-ე საუკუნეში, სამყარო მონაცემების გარეშე წარმოუდგენელია. მონაცემებია ის, რაც საშუალებას გვაძლევს თვალყური ვადევნოთ და ვმართოთ ჩვენი ყოველდღიურობა, გავეცნოთ სხვადასხვა მნიშვნელოვან ინფორმაციას, დავნერგოთ უკეთესი მომავლის მისაღწევად საჭირო გზები. სწორედ მონაცემთა ანალიტიკაა ის სფერო, რომელიც გვეხმარება დავამუშავოთ ჩვენს ხელთ არსებული ნედლი მონაცემები და მოვახდინოთ მათი ვიზუალიზაცია, რათა შემდგომ ეტაპზე საფუძველი ჩავუყაროთ როგორც ბიზნეს, ასევე ცხოვრებისეულ მნიშვნელოვან გადაწყვეტილებებს.

თუ გსურს მონაცემების ფართო სფეროს შეუერთდე, ვფიქრობ, ეს ბლოგი შენთვის საინტერესო იქნება, რადგან გაგაცნობ თამარ ვარშანიძეს, რომელმაც მონაცემთა ანალიტიკა Commschool-ში შეისწავლა და ახლა თავის განვლილ გზაზე გვესაუბრა.

2016 წლიდან თამარი აჭარა ტექსტილის თანამშრომელია წარმოების სისტემისა და ხარისხის მართვის ხელმძღვანელის პოზიციაზე, ასევე რეპორტინგის მიმართულებით. მის მიერ დაკავებული პოზიციის ფარგლებში, როდესაც ყოველდღიურად უწევს მონაცემებთან ურთიერთობა, მათი გადამუშავება, დახარისხება, ვიზუალიზაცია და შედეგების როგორც CEO-სთან, ასევე დამკვეთებთან წარდგენა, გადაწყვიტა, რომ ამ საქმიანობისთვის მეტად პროფესიონალური სახე მიეცა და შეესწავლა SQL და Power BI.

მიმდინარე საქმიანობისთვის უფრო აკადემიური ფორმის მიცემისა და სამომავლოდ კარიერული წინსვლის მიზნით, კი გადაწყვიტა Google-ის საშუალებით მოეძებნა ისეთი პროგრამა, სადაც პროფესიონალურ დონეზე შეისწავლიდა მონაცემთა ანალიტიკას. საბოლოო არჩევანი კი Commschool-ზე შეაჩერა.

ძიების შედეგად შემხვდა არაერთი კურსი, თუმცა გადავწყვიტე, არჩევანი გამეკეთებინა Commschool-ზე, რადგან მომეწონა და დავინტერესდი სილაბუსით, შემოთავაზებული პირობებით, ლექტორის გამოცდილებითა და კომპეტენტურობით, პრაქტიკაზე დაფუძნებული სწავლებით და ასევე, რაც ძალიან მნიშვნელოვანია - სკოლა კურსდამთავრებულებს სთავაზობს მხარდაჭერასა და რეკომენდაციას პარტნიორ კომპანიებში დასაქმების კუთხით, რასაც არ გვთავაზობენ სხვა კურსებზე და რაც, დამეთანხმებით, უდიდესი კარიერული შანსია.

თამარის თქმით კურსმა სრულიად გაამართლა მისი მოლოდინები, რადგან ამომწურავი ცოდნა მიიღო ყველა იმ საკითხთან დაკავშირებით, რაც აუცილებელი წინაპირობაა მონაცემთა ანალიტიკაში კარიერული წინსვლის მისაღწევად. კურსის განმავლობაში სრულყოფილად შეისწავლა SQL და Power BI, რაც ყოველდღიურ საქმიანობას ბევრად ამარტივებს. 

ეს სწორედ ის კურსია, რომელიც შესაძლებლობას გვაძლევს, ვისწავლოთ, თუ რა მნიშვნელობის მატარებელია მონაცემები, მათი დამუშავება და ვიზუალიზაცია. კურსის განმავლობაში, ჩემთვის ყველაზე ღირებული ნაწილი იყო SQL-ში Join-ის, Power BI-ში კი DAX-ის პრინციპი. ამ პრინციპების გამოყენება უკვე დავიწყე ჩემს სამსახურეობრივ საქმიანობაში, რამაც დამიზოგა დრო, დამეხმარა სხვადასხვა მნიშვნელოვანი დეტალის მიგნებაში და გამიმარტივა გამოთვლების საფეხური.

ფინალური პროექტი, სადაც სტუდენტები ახდენენ კურსის განმავლობაში მიღებული ცოდნის რეალიზებას, თამარისთვის სასიამოვნო გამოწვევა აღმოჩნდა. თამარის მიზანი იყო პროექტი ყოფილიყო მაქსიმალურად მრავალფეროვანი და აუდიტორიისთვის მარტივად აღსაქმელი. ამისთვის მან SQL-ში დაწერა სკრიპტი, ხოლო შემდეგ მიღებული ცხრილები გადაიტანა Power Bi-ში, სადაც ვიზუალიზაციის უკეთესი შესაძლებლობა ჰქონდა. შედეგად კი მიიღო წარმატებული, მარტივად და ლოგიკურად აღსაქმელი, ვიზუალურად გამართული მონაცემები.

ლექტორისა და კოორდინატორისგან მიღებული უკუკავშირის გათვალისწინებით შემიძლია დავასკვნა, რომ ჩემმა პროექტმა მათი მოლოდინები გაამართლა, კურსმა კი ჩემს მოლოდინებს გადააჭარბა, რამაც თვითმოტივაციის ამაღლებაში დიდი როლი ითამაშა.

სწორედ ლექტორის გამოცდილების, კოორდინატორების ოპერატიულობისა და სასწავლო პორცესის ხარისხის საფუძველზე, თამარი მონაცემთა ანალიტიკით დაინტერესებულ პირებს ურჩევს:

კურსზე მიღებული გამოცდილებიდან გამომდინარე, მონაცემთა ანალიტიკის მიმართულებით დაინტერესებულ პირებს მინდა ვურჩიო, რომ აუცილებლად შემოუერთდნენ თბილისის კომუნიკაციის სკოლას, რადგან პროგრამის ფარგლებში, სრულყოფილი და ამომწურავი სწავლების შედეგად მიღებული ცოდნა გახდება სამომავლოდ მათი კარიერული წინსვლის გარანტი.

შეისწავლე მონაცემთა ანალიტიკა Commschool-ში!

მე კი გეტყვი, რომ თუ დაინტერესებული ხარ მონაცემთა სფეროთი, Commschool-ის მონაცემთა ანალიტიკის კურსი დაგეხმარება სიღრმისეული ცოდნა მიიღო ამ სფეროში და ერთგვარი გზამკვლევი გახდეს შენს კარიერულ წინსვლასა და დაგეგმვაში. შემოგვიერთდი!

გაუზიარე მეგობრებს

შესაძლოა გაინტერესებდეს

დამწყები
1200₾
თანამედროვე ტექნოლოგიების ეპოქაში ხელოვნური ინტელექტი (AI), განსაკუთრებით მისი გენერაციული ფორმა, გახდა მნიშვნელოვანი ინსტრუმენტი, რომელსაც შეუძლია გააუმჯობესოს, გაამარტივოს და უფრო ეფექტური გახადოს როგორც პირადი, ისე პროფესიული ცხოვრება.გენერაციული AI არა მხოლოდ ამარტივებს და აჩქარებს ყოველდღიურ პროცესებს, არამედ ეხმარება ადამიანებს რესურსების სწრაფად მოძიებაში, კვლევის ჩატარებასა და ანალიზში, შემოქმედებითი იდეების გენერირებაში, სამუშაოების ავტომატიზაციასა და კომუნიკაციის ხარისხის ამაღლებაში.კურსის მიზანია, მონაწილეებს მიაწოდოს პრაქტიკული ცოდნა და გამოცდილება, რათა შეძლონ AI ტექნოლოგიების ეფექტურად გამოყენება ყოველდღიურ საქმიანობაში, რაც მნიშვნელოვნად დაზოგავს მათ დროს, გააუმჯობესებს პროდუქტიულობას და დაეხმარება თანამედროვე ცხოვრების სწრაფ ტემპთან ადაპტაციაში.
9 ლექცია
22.5 საათი
საშუალო
1400₾
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
12 ლექცია
36 საათი
საშუალო
1700₾
თანამედროვე სამყაროში ნებისმიერი ციფრული პროდუქტი ან მომსახურება არ ითვლება სრულყოფილად, თუ მას მობილური აპლიკაცია არ აქვს. მსოფლიოს მობილური მომხმარებლების დაახლოებით 86% კი ანდროიდის მომხმარებელია,  რაც მას ყველაზე პოპულარულ მიმართულებად ხდის მობაილ დეველოპმენტში.მობილური აპლიკაციები პროგრამული უზრუნველყოფის ერთ-ერთი სახეობაა, ამიტომაც კურსის საწყის ეტაპზე აქცენტი კეთდება პროგრამირების ენებისა და მიდგომების შესწავლაზე. ამის შემდეგ გადავდივართ ანდროიდის სპეციფიკური ფრეიმვორკის, ინსტრუმენტებისა და აპლიკაციის შექმნის პროცესზე.
24 ლექცია
72 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება