გაიცანი Webflow-ს კურსის ლექტორი, დიმიტრი გვიანიშვილი
ბიზნესის ციფრული ტრანსფორმაციის კვალდაკვალ მნიშვნელოვანია, რომ კომპანიამ სამიზნე აუდიტორიას შესთავაზოს ინტერაქციული, დინამიკური და მომხმარებლებზე მორგებული ვებ-გვერდი. ამ საკითხის ეფექტიანად გადაჭრის შესაძლებლობას Webflow ტექნოლოგია წარმოადგენს. ეს არის თანამედროვე პლატფორმა, რომლის დახმარებითაც შეგიძლია კოდირების გარეშე შექმნა შენთვის სასურველი დიზაინის ვებ-გვერდი სწრაფად და მარტივად.
თუ ვებ-დეველოპმენტი გაინტერესებს და გსურს, ისწავლო ვებ-გვერდის შექმნა კოდის წერის გარეშე, commschool-ში ახალ საინტერესო კურსს აღმოაჩენ Webflow-ის სახით.
მანამდე კი გაიცანი ლექტორი, დიმიტრი გვიანიშვილი, რომელიც ამ სფეროზე უფრო დეტალურად მოგიყვება.
დიმიტრის 12+ წლიანი გამოცდილება აქვს დიზაინისა და ტექნიკური მიმართულებით.
ის წლების მანძილზე, სხვადასხვა პოზიციებს იკავებდა: უფროსი დიზაინერი, კრეატიული არტ დირექტორი, ანიმატორი თუ Front-End დეველოპერი. კარიერის განმავლობაში, არაერთ B2B და iGaming კომპანიასთან თანამშრომლობდა.
მათ შორის იყო Google, სადაც ქმნიდა დიზაინ სისტემებს, UI/UX დიზაინს, ბრენდინგს, 3D/2D გრაფიკასა და ვიდეო ანიმაციებს.
რა არის Webflow და მისი მთავარი უპირატესობები?
Webflow არის თანამედროვე no-code პლატფორმა, რომელიც აერთიანებს დიზაინის თავისუფლებას, დეველოპმენტის მოქნილობასა და კონტენტის მართვის სიმარტივეს. ეს ინსტრუმენტი იდეალურია როგორც UI/UX დიზაინერებისთვის, ასევე დეველოპერებისთვის, რომლებსაც სურთ, სწრაფად და ეფექტურად შექმნან მაღალი ხარისხის, ინტერაქციული და ოპტიმიზირებული ვებ-გვერდები.
ეს ტექნოლოგია მრავალი უპირატესობით გამოირჩევა:
- დიზაინის სრული კონტროლი – გთავაზობს ვიზუალურ დიზაინ სისტემას, რომელიც მუშაობს CSS-ისა და HTML-ის პრინციპებზე. ეს დიზაინერებს აძლევს შესაძლებლობას, კოდის დაწერის გარეშე, სრულად აკონტროლონ ვებგვერდის სტრუქტურა და ვიზუალი;
- No-code, მაგრამ კოდის თავისუფლება – მიუხედავად იმისა, რომ Webflow no-code პლატფორმაა, ის ასევე გაძლევს საშუალებას, გამოიყენო Custom Code, რაც აძლიერებს ვებგვერდის ფუნქციონალს და მას უფრო მოქნილს ხდის;
- CMS (Content Management System) – ჩაშენებული CMS სისტემა იდეალურია დინამიკური კონტენტის სამართავად, იქნება ეს ბლოგი, პროდუქტის კატალოგი თუ პორტფოლიო;
- ინტერაქციები და ანიმაციები – პლატფორმა გაძლევს საშუალებას, შექმნა რთული ინტერაქციები და ანიმაციები კოდის გარეშე, რითაც ქმნი ვიზუალურად გამორჩეულ და ინტერაქციულ ვებგვერდებს;
- Responsiveness და SEO ოპტიმიზაცია – Webflow ავტომატურად ქმნის დინამიკურ დიზაინს ყველა მოწყობილობისთვის და უზრუნველჰყოფს საუკეთესო SEO პრაქტიკების მხარდაჭერას. ეს ვებგვერდს საძიებო სისტემებში უკეთესი პოზიციების მიღებაში ეხმარება;
- სწრაფი hosting და უსაფრთხოება – გთავაზობს სწრაფ, უსაფრთხო და სანდო hosting-ს. ეს ნიშნავს იმას, რომ შენს ვებგვერდს არ დასჭირდება დამატებითი სერვერების ან plug-in-ების მართვა.
ვისთვისაა Webflow?
- UI/UX დიზაინერებისთვის – ვისაც სურს თავისი დიზაინი კოდის გარეშე გადაიტანოს ვებ-გვერდზე;
- დეველოპერებისთვის – ვინც ეძებს მოქნილ no-code პლატფორმას, მაგრამ სჭირდება დამატებითი ფუნქციონალის ჩაშენება;
- ბიზნესებისთვისა და სტარტაპებისთვის – ვისაც სურს, სწრაფად და ეფექტურად შექმნას მაღალი ხარისხის ვებგვერდი, დამატებითი ტექნიკური რესურსების გარეშე.
Webflow დეველოპერის კარიერული გზა და პერსპექტივები
როგორც დიმიტრი აღნიშნავს, მსოფლიო მასშტაბით სწრაფი, მოქნილი და ვიზუალურად მიმზიდველი ვებგვერდებისა და ციფრული პროდუქტების საჭიროება მუდმივად იზრდება, რაც პროფესიონალებზე დიდ მოთხოვნას ქმნის.
ამასთანავე, არსებობს დისტანციური სამუშაოს მრავალფეროვანი შესაძლებლობაც – Webflow დეველოპერებს მარტივად შეუძლიათ დისტანციური ან ფრილანს პროექტების პოვნა Upwork-სა და Fiverr-ზე ან/და სტარტაპ კომპანიებში.
რაც შეეხება ქართულ ბაზარს, საქართველოში ეს ტექნოლოგია ჯერ კიდევ ახალია და პოპულარობა თანდათან იზრდება. არაერთი კომპანია ეძებს ამ ტექნოლოგიას, რათა შესაბამისი ვებგვერდები საერთაშორისო სტანდარტებს მოარგონ.
მაღალია ფრილანსისა და ინდივიდუალური პროექტების შესაძლებლობა – ადგილობრივ ბაზარზე ჯერ კიდევ მცირეა კონკურენციაა ამ მიმართულებით, რაც იმას ნიშნავს, რომ შეგიძლია სწრაფად მოიპოვო კონკურენტული უპირატესობა.
Webflow-ის პოპულარობა მუდმივად იზრდება, ხოლო no-code და low-code გადაწყვეტილებები სულ უფრო მეტად იკავებენ ბაზარზე ადგილს. შესაბამისად, ამ სფეროში ცოდნის გაღრმავება და პროფესიონალიზმის ამაღლება საქართველოსა და მსოფლიო ბაზარზე დიდ კარიერულ პერსპექტივებს აძლევს ყველას, ვისაც სურს ციფრული ტექნოლოგიების ინდუსტრიაში მუშაობა.
დიმიტრის თქმით, კარიერული გზა საკმაოდ მრავალფეროვანია. Webflow-ის შესწავლის შემდეგ შეგიძლია იმუშაო შემდეგ პოზიციებზე:
- Webflow Developer/Designer;
- UI/UX დიზაინი და Webflow – დიზაინერებისთვის ეს შესანიშნავი გზაა, რათა თავისი პროექტები თავადვე გადააქციონ ფუნქციურ ვებ-გვერდებად;
- Webflow + JavaScript (Custom Code) – დამატებითი კოდის ცოდნით შეგიძლია, შექმნა უფრო რთული და უნიკალური პროექტები;
- სტარტაპებისა და ციფრული პროდუქტების შექმნა – შეგიძლია, მარტივად შექმნა და მართო ციფრული პროდუქტები, რაც შესანიშნავი შესაძლებლობაა საკუთარი პროექტების რეალიზებისთვის.
კურსის შესახებ
ახლა კი დეტალურად მოგიყვები Webflow-ის ახალი კურსის შესახებ.
პროგრამა მოიცავს როგორც დიზაინის, ასევე პროგრამირების ელემენტებს, ამიტომ მნიშვნელოვანია, რომ სტუდენტებს ჰქონდეთ შესაბამისი საფუძვლები. მის ეფექტურად შესასწავლად საჭიროა როგორც ტექნიკური, ასევე კრეატიული უნარების განვითარება.
დიმიტრის სწავლების მეთოდი დაემყარება პრაქტიკას, რეალურ პროექტებზე მუშაობასა და სტრატეგიულ მიდგომას, რათა სტუდენტებმა არა მხოლოდ ისწავლონ ინსტრუმენტი, არამედ შეძლონ მისი გამოყენება კარიერული წარმატებისთვის.
კურსის ფარგლებში შენ შეისწავლი HTML & CSS-ის კონცეფციებს, გაეცნობი Webflow-ის ინტერფეისსა და ფუნქციებს, UI/UX პრინციპებს, CMS-ს, ინტერაქციებსა და ანიმაციებს, Responsiveness-სა და SEO-ს.
კურსის ფარგლებში, მიიღებ კარიერულ მხარდაჭერას – გაიგებ, როგორ შექმნა პორტფოლიო, მოიძიო Webflow-სთან დაკავშირებული სამუშაოები და დაიწყო ფრილანს კარიერა. სწავლების ბოლოს, სტუდენტები შექმნიან საკუთარ ფუნქციურ ვებგვერდს, რომელიც იქნება მათი პირველი ნაბიჯი პროფესიულ სამყაროში.
კურსის დასრულების შემდეგ, გახდები Alumni კლუბის წევრი და გექნება წვდომა commschool-ის პარტნიორი კომპანიების მიერ გამოცხადებულ ვაკანსიებზე.
კურსი მაქსიმალურად ადაპტირდება სტუდენტების საჭიროებებზე და უზრუნველყოფს, რომ მათ შეძლონ Webflow-ის ცოდნის პრაქტიკაში გამოყენება და კარიერული გზის დაწყება.
შთაგონებისთვის გაეცანი Behance-ის, Dribbble-ის, Awwwards-სა და Webflow Showcase-ს, რათა ნახოთ საუკეთესო ვებ-გვერდები - კრეატიულობა და ინოვაციური მიდგომა.
დიმიტრის რჩევით, ამ ტექნოლოგიის უკეთ შესასწავლად, კარგი იქნება, თუ წინასწარ გაეცნობი HTML, CSS და UI/UX დიზაინის ძირითად პრინციპებს.
კურსის განმავლობაში, რეალურ პროექტებზე მუშაობა, დაგეხმარება ცოდნის გაღრმავებაში.
ასე რომ, თუ მზად ხარ ციფრულ სამყაროში სამოგზაუროდ, ეს კურსი შენთვისაა.
შემოგვიერთდი Commschool-ში და დაეუფლე ერთ-ერთ ყველაზე მოთხოვნად ციფრულ პროფესიას, პროფესიონალ ლექტორთან ერთად!
შესაძლოა გაინტერესებდეს
დამწყები
საშუალო
საშუალო
შესვლა Google-ით
შესვლა Facebook-ით