კონტენტ მარკეტინგი: მარიამ ფიფია კურსის შესახებ

blog-detail-img

ადამიანები მათი ყოველდღიური ცხოვრების საკმაოდ დიდ დროს ციფრულ სივრცეში ატარებენ. ამიტომ კომპანიები მათი ბიზნესის ცნობადობის გასაზრდელად და ახალი მომხმარებლების მოსაზიდად აქტიურად მიმართავენ სოციალურ ქსელებს. ამ სივრცეში კი ყველაზე ეფექტურ სტრატეგიად კონტენტ მარკეტინგი ითვლება. იგი სრულად მოიცავს პოპულარულ ციფრულ აპლიკაციებს, რითაც მარტივად აღწევს სამიზნე აუდიტორიამდე და ზრდის ერთგული მომხმარებლების რიცხვს.

თუ მარკეტინგის სფეროში მუშაობ ან ამ მიმართულებით გსურს შენი კარიერის წარმართვა, ეს ბლოგი დაგაინტერესებს. მარიამ ფიფიამ commschool-ში კონტენტ მარკეტინგის კურსი გაიარა, ახლა კი მიღებული გამოცდილების შესახებ მის შთაბეჭდილებებს გაგიზიარებს.

გაიგე მეტი კურსის შესახებ

მარიამი უკვე 6 წელია, რაც გერმანიაში ცხოვრობს და ღონისძიებების დაგეგმვისა და მენეჯმენტის მიმართულებით მუშაობს. მუშაობის პროცესში რამდენჯერმე ჰქონდა შეხება მარკეტინგის გუნდთან სოციალური მედიისთვის კონტენტის შექმნასთან დაკავშირებით. სწორედ ამ დროს გააცნობიერა, თუ რამდენად დიდი გავლენა აქვს სწორად დაგეგმილ კონტენტს ბრენდის წარმატებაზე, რამაც ინტერესი გაუჩინა ამ სფეროს მიმართ. ამიტომ გადაწყვიტა, კონტენტის მართვის მიმართულებით ცოდნა გაეღრმავებინა.

"commschool-ის შესახებ მეგობრებისგან გავიგე, რომლებსაც ძალიან კარგი გამოცდილება ჰქონდათ. მათი რეკომენდაცია და პროგრამის პრაქტიკულობაზე ორიენტირებული მიდგომა გადამწყვეტი ფაქტორი აღმოჩნდა გადაწყვეტილების მიღების პროცესში."

რას ისწავლი კონტენტ მარკეტინგის კურსზე?

კურსმა მარიამის მოლოდინები ნამდვილად გაამართლა. მისთვის განსაკუთრებით მნიშვნელოვანი იყო პრაქტიკული დავალებები, რომლებიც რეალურ სამუშაო გამოცდილებას ჰგავდა. პროგრამის ფარგლებში შეიძინა კონტენტის სტრატეგიული დაგეგმვისთვის, Copywriting-ისა და ბრენდისთვის შესაბამისი კომუნიკაციის შექმნისთვის საჭირო უნარები.

მარიამისთვის კურსის ყველაზე საინტერესო თემატური ნაწილი TikTok-ის პლატფორმის განხილვა იყო. მისი მომხმარებელი არასდროს ყოფილა, ამიტომ ეს აპლიკაცია მისთვის ახალი და უცხო იყო. მარიამისთვის საინტერესო აღმოჩნდა TikTok-ის ალგორითმისა და ტრენდების მუშაობის პრინციპების გაგება. შედეგად, ბევრად უკეთ გააცნობიერა, თუ რამდენად დიდი მნიშვნელობა აქვს კონტენტ მარკეტინგს ბრენდის წარმატებისთვის და როგორ შეიძლება მისი გამოყენება ბიზნესის გასაზრდელად.

მარიამი აღნიშნავს, რომ კურსი კარგად იყო ორგანიზებული და პრაქტიკაზე ორიენტირებული. მან საფუძვლიანად შეისწავლა კონტენტ კამპანიის დამოუკიდებლად დაგეგმვა და აღსრულება, მისი სხვადასხვა სოციალურ არხებში ჩაშლა და მათი მონიტორინგი. ისწავლა კომპანიის სამიზნე აუდიტორიისთვის სწორი კონტენტ სტრატეგიების შერჩევა.

ფინალური პროექტი

ფინალური პროექტის ფარგლებში კონტენტ მარკეტინგის კურსის სტუდენტები მუშაობენ მათ მიერ შერჩეული ერთ-ერთი ქართული ბრენდის კონტენტ სტრატეგიის შემუშავებაზე. მარიამმა ამ დავალებისთვის ბლუტაბლა შეარჩია. მისი თქმით, ეს ბრენდი ბევრისთვის ემოციურ და ნოსტალგიურ მხარეს – აფხაზეთს უკავშირდებოდა. მარიამმა შთაგონება ბავშვობის მოგონებებიდან აიღო, როცა ამ რეგიონის შესახებ მისი ბებია და ბაბუა ესაუბრებოდნენ. მუშაობის პროცესში ძალიან დაეხმარა ლექტორის უკუკავშირი და საბოლოოდ, წარმატებით შეძლო კონტენტ სტრატეგიის დახვეწა.

მომავალ სტუდენტებს მარიამი გირჩევთ, რომ მაქსიმალურად ჩაერთოთ ყველა აქტივობაში და გამოიყენოთ თითოეული შესაძლებლობა, რომელსაც მათ კურსი სთავაზობს – ეს გამოცდილება რეალურ სამუშაო პროცესში აუცილებლად გამოადგებათ.

"commschool-მა ნამდვილად მომამზადა რეალური სამუშაო გარემოსთვის. კურსმა მასწავლა, როგორ შევქმნა სტრატეგიული და ეფექტური კონტენტი, როგორ დავგეგმო კამპანიები. განსაკუთრებით ღირებული იყო პრაქტიკული დავალებები და ლექტორების უკუკავშირი, როდესაც სხვადასხვა პლატფორმისთვის კონტენტ კამპანიებს ვქმნიდით."

ამჯერად, მარიამი უკვე მზადაა ახალი გამოწვევებისთვის კონტენტ მარკეტინგის სფეროში. ის აპირებს, რომ უფრო მეტად განვითარდეს ამ მიმართულებით, შეიძინოს მეტი პრაქტიკული გამოცდილება და კრეატიულ სააგენტოში განაგრძოს მუშაობა. 

ასე რომ, თუ შენც გსურს, უფრო ახლოს გაეცნო კონტენტის დაგეგმვისა და შექმნის პროცესს და ამ კრეატიული პროცესის აქტიური მონაწილე გახდე, commschool-ში გელოდებით. ახალი და საინტერესო თავგადასავლებისთვის კონტენტ მარკეტინგის კურსზე შემოგვიერთდი!

გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

დამწყები
1200₾
Creative Advertising
რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.
11 ლექცია
33 საათი
საშუალო
1500₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
ექსპერტი
1300₾
Sense of Branding
თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება