გრაფიკული დიზაინი: კურსდამთავრებულთა შთაბეჭდილებები
ხშირად ვიზუალური კომუნიკაცია მომხმარებლებთან ურთიერთობის პირველი წყაროა. ამიტომ მნიშვნელოვანია, რომ გრაფიკულმა ნამუშევრებმა ძლიერი შთაბეჭდილება მოახდინოს სამიზნე აუდიტორიაზე და დაამყაროს მათთან მჭიდრო ემოციური კავშირი. შედეგად, გრაფიკული დიზაინი ქმნის ბრენდის სახეს და ზრდის მის ცნობადობას, რის გამოც ეს მიმართულება ერთ-ერთი ყველაზე მოთხოვნადი და მაღალშემოსავლიანი პროფესიაა.
თუ კრეატიული სამყარო გიზიდავს და გსურს, გრაფიკული დიზაინი 0-დან შეისწავლო, ეს ბლოგი შენთვისაა. commschool-ის კურსდამთავრებულები, ელენე შერგილაშვილი და ანასტასია მურაჩაშვილი გაგაცნობენ თავიანთ შთაბეჭდილებებს გრაფიკული დიზაინის კურსიდან.
ელენე სამხატვრო აკადემიის მეორე კურსის სტუდენტია გრაფიკის ფაკულტეტზე, კერძოდ კი, პლაკატის დიზაინის მიმართულებით. პირველი კურსის დასრულების შემდეგ გადაწყვიტა, უფრო საფუძვლიანად შეესწავლა გრაფიკული დიზაინი, რადგანაც commschool-ზე ბევრი დადებითი უკუკავშირი სმენოდა, გრაფიკული დიზაინის კურსი სწორედ აქ შეარჩია. მოლოდინები კი სრულად გამართლდა:
"გამიმართლა, ასეთი შრომისმოყვარე ლექტორი რომ შემხვდა, რამაც უფრო მომანდომა სწავლა. კურსის დახმარებით განვავითარე ჩემი კრეატიული მხარე. ასევე, ვფიქრობ, რომ ტექნიკური თვალსაზრისითაც დავიხვეწე."
ანასტასიამ ბაკალავრიატი მარკეტინგის, კომუნიკაციებისა და PR-ის მიმართულებით დაამთავრა, როგორც ქართულ, ასევე უცხოურ კომპანიებთან. მისი სამუშაო გამოცდილებაც ამ სფეროს უკავშირდება. ანასტასიას არაერთ გრაფიკულ დიზაინერთან მოუწია მუშაობა, რაც ყოველთვის საინტერესო იყო მისთვის, რადგან ყოველდღე უყურებდა, თუ როგორ აქცევდნენ მათ ფანტაზიებს რეალობად. მისი აზრით, თუ კი უკეთესად ეცოდინებოდა გრაფიკული დიზაინის ტექნიკები, ამ პროფესიის წარმომადგენლებთან კომუნიკაცია, მოლოდინები და შედეგებიც გაუმჯობესდებოდა. ამიტომ გადაწყვიტა, რომ ეს მიმართულება შეესწავლა.
"ამ კურსმა მომცა ამბიცია, რომ არამხოლოდ კომუნიკაციისთვის გამომეყენებინა აქ დაგროვილი ცოდნა, არამედ თავადაც მეცადა, გავმხდარიყავი გრაფიკული დიზაინერი."
სწავლის პროცესი ანასტასიასთვის ერთ დიდ სიამოვნებას წარმოადგენდა. კურსზე შეიძინა მნიშვნელოვანი ტექნიკური უნარები, რომელიც საშუალებას აძლევს, კრეატიულობა ხელშესახებ პროდუქტებად გარდაქმნას. ამ აღმოჩენამ არამარტო შეაყვარა გრაფიკული დიზაინი, არამედ აუმაღლა თავდაჯერებულობა საკუთარ შესაძლებლობებში.
ფინალური პროექტები: 'ბიბლუსისა' და 'Royal Honey-ის' რებრენდინგი
ფინალური პროექტისთვის ელენემ არჩევანი წიგნების მაღაზია “ბიბლუსზე” გააკეთა. ბევრი ფიქრის შემდეგ, გადაწყვიტა, შეენარჩუნებინა ორიგინალი ფერები, რათა ვიზუალი თვალისთვის კვლავ მარტივად ამოსაცნობი ყოფილიყო. შემდეგ შეიმუშავა გეგმა, თუ რას, რატომ და რისთვის შეცვლიდა. რადგან უკვე არსებულ ბრენდზე მუშაობდა, გადაწყვიტა, რომ ისეთი ზედმეტი ელემენტები არ უნდა შეეტანა, რაც ბიბლუსის იდენტობის შესაბამისი არ იქნებოდა. ეს ნაწილი ელენემ დაბრკოლებად აღიქვა, მაგრამ თავი წარმატებით გაართვა და საბოლოოდ, ფინალური პროექტი შედგა ისე, როგორც ჰქონდა ჩაფიქრებული. ლექტორისგან კარგი უკუკავშირი და რჩევებიც მიიღო, რასაც სამომავლოდ, პროექტზე მუშაობისას გაითვალისწინებს.
რაც შეეხება ანასტასიას, ფინალური პროექტისთვის მან თაფლის მწარმოებელი კომპანია, Royal Honey (სამეფო თაფლი) შეარჩია. მას სურდა, კომპანიისთვის ისეთი რებრენდინგი გაეკეთებინა, რომ მასაც კი, რომელიც თაფლს არასოდეს ყიდულობს, პროდუქტის ყიდვა მონდომებოდა. მუშაობა სუფთა ფურცლიდან დაიწყო და Pinterest-ზე ინსპირაციები მოიძია. თავიდან ლოგოზე მუშაობა Pen Tool-ით დაიწყო – საყვარელი დათვების თაფლით ხელში ხატვა, გეომეტრიული ფიგურებისა და Image Trace-ების დახმარებაც სცადა.
ბევრი ვარიანტის დახატვის შემდეგ, ანასტასია მიხვდა, რომ გზავნილის ბანალურად და პირდაპირ მიწოდება არ სურდა. ინფორმაციის მოძიების შემდეგ გაიგო, რომ თაფლის მთავარი მომხმარებლები საქართველოში 25-54 წლამდე ადამიანები (40%) არიან. ამასთან ერთად, ჯანსაღი ცხოვრების სტილის ადამიანების პროცენტულობაც იმატებს. ამიტომ გადაწყვიტა, არასტანდარტული ლოგო გაეკეთებინა, რომელსაც ყველაზე მეტად ახალგაზრდების თაობა დააფასებდა. გეომეტრიული ფიგურებისა და Pen Tool-ის დახმარებით ანასტასიამ ააწყო ლოგო – ძალიან მობეზრებული გვირგვინიანი დათვის, ხელნაწერი სახელწოდებით და შესაფერისი შეფუთვით.
რას მოიცავს გრაფიკული დიზაინის კურსი?
გრაფიკული დიზაინის კურსზე შესაძლებლობა გექნება, 0-დან ისწავლო გრაფიკული ხელსაწყოები (Adobe Photoshop და Adobe Illustrator) და მათი დახმარებით სასურველი ნამუშევარი შექმნა. ასევე გამოიმუშავებ ბრიფის სწორად გაანალიზების უნარს, მუდბორდების შექმნის პრინციპებსა და შეძლებ დიზაინ პროექტების დაგეგმვას.
სწავლა დაფუძნებულია პრაქტიკულ ელემენტებზე, მათი დახმარებით შეძლებ მნიშვნელოვანი და რეალური გამოცდილების დაგროვებას. კურსის ბოლოს კი საკუთარ პროექტზე იმუშავებ – ფინალური დავალების სახით გააკეთებ შენთვის სასურველი ქართული ბრენდის რედიზაინს.
გარდა საჭირო ცოდნისა და გამოცდილების მიღებისა, commschool კარიერულ მხარდაჭერასაც გთავაზობს. ფინალური პროექტის შედეგების მიხედვით საუკეთესო კურსდამთავრებული გარანტირებულ სტაჟირებას გაივლის ერთ-ერთ პარტნიორ კრეატიულ სააგენტოში! Alumni Club-ის წევრებს კი წვდომა ექნებათ უნიკალურ ვაკანსიებზე, ექსკლუზიურ ღონისძიებებსა და კონტენტზე, რაც ხელს შეუწყობს შენს პროფესიულ და კარიერულ განვითარებას.
ელენე და ანასტასია უკვე მზად არიან ახალი გამოწვევებისთვის და საინტერესო პროექტებზე სამუშაოდ. თუ შენც გსურს, რომ მსგავსი სახის პროექტებზე იმუშაო, ეს შესაძლებლობა აუცილებლად უნდა გამოიყენო. დეტალურად გაეცანი გრაფიკული დიზაინის კურსის სილაბუსს და შემოგვიერთდი Commschool-ში!
შესაძლოა გაინტერესებდეს
საშუალო
საშუალო
საშუალო
შესვლა Google-ით
შესვლა Facebook-ით