გაიცანი Art Direction-ის ლექტორი, სალი ნიკოლაიშვილი

blog-detail-img

გსმენია Art Direction-ის შესახებ? თუ არა, გეტყვი, რომ შენი საყვარელი და წარმატებული სარეკლამო კამპანიების უკან, შემოქმედებითი ადამიანების გუნდი დგას, რომელსაც არტ დირექტორი ხელმძღვანელობს.

მისი როლი საბოლოო პროდუქტის შექმნაში, საკმაოდ დიდია. არტ დირექტორი უძღვება კრეატიულ გუნდებს, აგენერირებს იდეებს, მართავს დიზაინის პროცესს და ავითარებს ვიზუალური კომუნიკაციის ენას.

თუ შემოქმედებითი სამყაროს ნაწილი ხარ და გსურს, მეტი გაიგო არტ დირექტორის როლის შესახებ, ამ ბლოგს გაეცანი.

აქ მოგიყვები სალი ნიკოლაიშვილის შესახებ, რომელიც Commschool-ში Art Direction-ის ახალ კურსს გაუძღვება.

სალი შემოქმედებითი სფეროთი და დიზაინით ყოველთვის იყო დაინტერესებული. გარკვეული დროის შემდეგ, GIPA-ში გრაფიკული დიზაინი და რეკლამირება შეისწავლა. ამ დროის განმავლობაში, ლექტორებმა დიდი გავლენა მოახდინეს მასზე და მიხვდა, რომ რეკლამირება ძალიან აინტერესებს. მას შემდეგ, ნელ-ნელა პატარა ნაბიჯებით კარიერა ამ მიმართულებით დაიწყო.

თავდაპირველად, სალი buyers.ge-ში დიზაინის დეპარტამენტის უფროსის პოზიციაზე მუშაობდა, რომელიც საკმაოდ საინტერესო გამოცდილება იყო. პარალელურად, პატარა შეკვეთებსაც იღებდა.
შემდეგ კრეატიულ სააგენტო Holmes & Watson-ში, უმცროსი არტ დირექტორის პოზიცია დაიკავა. ამ პერიოდში შეისწავლა სააგენტოში მუშაობის ეთიკა და ფორმები. შეძლებისდაგვარად, ჩართული იყო სხვადასხვა სახის პროექტებში, რის შედეგადაც, კიდევ უფრო შეუყვარდა სარეკლამო ინდუსტრია. 

შუალედებში ფრილანსზეც ვიყავი, რაც, ჩემი აზრით, ძალიან საინტერესოა ზრდისთვისა და თვითდისციპლინის გამომუშავებისთვის. სააგენტოებში მუშაობა მრავლის მომცემი იყო. ვგრძნობდი და ახლაც ვგრძნობ, პროექტიდან პროექტამდე როგორ ვიზრდები.

სალი ნიკოლაიშვილი

შემოქმედებითი პორტფოლიო

სალისთვის ყველაზე სამახსოვრო, საქართველოს ბანკის 2024 წლის, საახალწლო კამპანიაა –  „საუკეთესო წინ არის”. მასში ყველასათვის საყვარელი გმირი, ჟირაფი ჟოზე მონაწილეობდა, რომელიც თავისთავად დადებითი პერსონაჟია. იმ დროს კი, ყველას სჭირდებოდა იმის შეხსენება, რომ საუკეთესო, მართლა, წინაა.

გარდა ამისა,  სალისთვის საკმაოდ საინტერესოა გრაფიკულ ნოველაზე მუშაობაც. საკუთარი პორტფოლიოდან გამოარჩევდა ევროკავშირთან პარტნიორობით, სკოლის მოსწავლეებისთვის შექმნილ გრაფიკულ ნოველას. სალიმ გამომცემლობა “ზოლიან კატასთან” ერთად იმუშავა წიგნზე “ყოჩაღი გოგონები საქართველოდან”. მისთვის ძალიან საინტერესო და საპასუხისმგებლო იყო ამ წიგნზე მუშაობა. შექმნა 30 ქართველი ქალის ილუსტრაცია, რომლებიც ბავშვებისთვის იყო განკუთვნილი.

სალის შთაგონების წყარო მრავალფეროვანია. ეს შეიძლება იყოს მხატვრული ლიტერატურა, ფილმი, მუსიკალური ვიდეო რგოლი, რეკლამა, ცნობილი ვებგვერდი, ქუჩა, ადამიანი თუ სხვა რამ. შემოქმედებით აზროვნებაზე ყოველი წამი მნიშვნელოვან როლს თამაშობს. მისი თქმით, ჩვენ გარშემო უამრავი ინფორმაციაა, საიდანაც შესაძლებელია ინსპირაციის მიღება. სალის თქმით, მთავარია, დააკვირდე, გაიაზრო და შემდეგ სწორად გამოიყენო.

პროფესია - არტ დირექტორი

არტ დირექტორი, იგივე შემოქმედებითი ხელმძღვანელი, არის ადამიანი, რომლის მოვალეობაც პრობლემის შემოქმედებითად გადაჭრაა. მასზე მოთხოვნა მზარდია, რადგან შემოქმედებითი ინდუსტრია, მნიშვნელოვანია ბიზნესებისთვის.

ყველაფერი ძალიან სწრაფად ვითარდება და იზრდება. ჩემი აზრით, შემოქმედებითი აზროვნება ყოველთვის ძალიან საჭირო და მოთხოვნადი იქნება. შესაბამისად, ამაზე მეტად მუშაობა და განვითარებაა საჭირო.

სალი ნიკოლაიშვილი

რა თქმა უნდა, ხელოვნური ინტელექტის განვითარება ამ სფეროშიც საინტერესო საკითხს წარმოადგენს.

სალი მიიჩნევს, რომ რეალურად, AI-ის სახით არტ დირექტორს ახალი ხელსაწყო აქვს. გააჩნია, უკვე ინდივიდები ამას როგორ და რა სახით იყენებენ. რაც შეეხება ექსპერიმენტებს, სალი ამის მომხრე მუდმივად არის, ძირითადად, პირად პროექტებში, სადაც მეტი თავისუფლება აქვს და თავიდანვე შეუძლია ექსპერიმენტული მიდგომა გამოიყენოს.

როგორც სალი გვიზიარებს, რისკები შემოქმედებით ნაწილში ყოველთვის არის და იქნება, იდეებზე ფიქრიდან დაწყებული, აღსრულებით დამთავრებული. სალისთვის პრობლემის გადაწყვეტაზე ფიქრი ახლა უკვე ინსტინქტურია. სწრაფ, მაგრამ ხარისხიან გადაჭრის გზებზე ფიქრს ტვინი რისკების აღმოჩენის დროს ავტომატურად იწყებს.

Art Direction: კურსის შესახებ

როგორც უკვე გითხარი, Commschool-ში ახალი კურსი დაგვემატა Art Direction-ის შესახებ.

პროგრამა შესაძლებლობას მოგცემთ, ისწავლოთ წარმატებული ნამუშევრის შესაქმნელად საჭირო მეთოდიკა. კურსი იქნება პრაქტიკული, რითაც უფრო სიღრმისეულად შეისწავლი სფეროს. სალი სტუდენტებს თავის გამოცდილებას გაუზიარებს, რაც განსაკუთრებით მათ დაეხმარებათ, ვინც ახლა იწყებს კარიერას და ბევრი კითხვა აქვს.

სტუდენტები გაიგებენ, რა არის რეალურად Art Direction და რამხელა როლი აქვს ამ პროფესიას. ისწავლიან მიდგომებს, როგორ შეიძლება მივიდნენ კონცეფციამდე, შეიმუშაონ იდეა, მოიყვანონ სისრულეში და მიიტანონ მომხმარებლამდე.

სალი ნიკოლაიშვილი

ასე რომ, თუ გსურს კრეატიული იდეების გენერირების პროცესი უფრო მრავალფეროვანი გახადო და წარმატებით უხელმძღვანელო შემოქმედებით პროექტებს, ეს კურსი შენთვისაა.

გაეცანი Art Direction-ის პროგრამის სილაბუსს და შემოგვიერთდი Commschool-ში!

გაეცანი Art Direction-ის კურსის სილაბუსს
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1100₾
AI ვიზუალურ კომუნიკაციაში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1400₾
Art Direction
ნებისმიერი ვიზუალური გადაწყვეტის მიღმა, იქნება ეს პოსტერი, ანიმაცია, ლოგო და თუ სხვა, დგას ძლიერი კონცეფცია და ექსპერიმენტული მიდგომები. Art Direction-ის ეს კურსი გაძლევთ შესაძლებლობას დაინახოთ და გაიაროთ გზა რომელიც წარმატებული ნამუშევრების საფუძველია. პროგრამის განმავლობაში თქვენ ისწავლით ინდივიდუალურობის შენარჩუნებას კონკურენტულ გარემოში, ძლიერი კონცეფციების შექმნას თანამედროვე ვიზუალურ სამყაროში და ამბის თხრობის გაძლიერებას კონცეფციის ისეთი ელემენტებით, როგორიცაა პერსონაჟი, სიუჟეტი, ტონი და ვიზუალური მხარე. შეისწავლით კლიენტის პრობლემის ვიზუალურ გადაწყვეტას და ჩაერთვებით კრეატიული კამპანიის შექმნის მთლიან პროცესში - მიღებული ბრიფის შემოქმედებითი გადაწყვეტიდან მის აღსრულებამდე. კურსი ფოკუსირებულია პრაქტიკულ გამოცდილებაზე, სადაც იმუშავებთ კამპანიის შექმნის სრულ პროცესზე, რაც მოგცემთ ინდუსტრიაში არსებული გამოწვევების გადაჭრის გამოცდილებას.
13 ლექცია
39 საათი
საშუალო
1300₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება