6 მიზეზი, თუ რატომ უნდა აირჩიო IT პროექტების მენეჯმენტი
პროექტების მენეჯერი თითოეული კომპანიის ერთ-ერთი მნიშვნელოვანი რგოლია, რომელიც გეგმავს, აორგანიზებს და მართავს სხვადასხვა ტიპის პროექტებს. მისი მთავარი პასუხისმგებლობა პროექტების ბიუჯეტის ფარგლებში, დროულად აღსრულება და წინასწარ განსაზღვრული შედეგების ეფექტიანად მიღწევაა. ტექნოლოგიური განვითარების პარალელურად კი განსაკუთრებით პოპულარული გახდა IT პროექტების მენეჯმენტი.
თუ ახლა იწყებ შენს კარიერულ გზას ან გსურს, რომ ახალ გამოწვევებს შეეჭიდო, ეს მიმართულება მრავალფეროვან შესაძლებლობას გთავაზობს. მას არაერთი უპირატესობა აქვს, იქნება ეს კონკურენტული შემოსავალი, ბაზარზე არსებული მოთხოვნა თუ შენზე მორგებული სამუშაო გრაფიკი. უფრო დეტალურად კი ამ ბლოგში გაგაცნობ იმ მიზეზებს, თუ რატომ უნდა აირჩიო IT პროექტების მენეჯმენტი.
1. შესაძლებლობა, რომ იყო ღირებული ცვლილებების მონაწილე
პროექტის მენეჯერები არა მხოლოდ მნიშვნელოვან როლს ასრულებენ ორგანიზაციული წარმატების უზრუნველყოფაში, არამედ ხელმძღვანელობენ არსებით ცვლილებებს, რომლებსაც ბევრად უფრო დიდი გავლენა აქვთ. ინოვაციური პროექტების განხორციელებით, რომლებიც ემსახურებიან ისეთი პრობლემებისა და კრიტიკული საკითხების გადაჭრას, როგორებიცაა, მაგალითად, კლიმატური ცვლილებები, სოციალური უთანასწორობა, პროექტის მენეჯერები აქტიურად მონაწილეობენ საზოგადოებების გაუმჯობესებასა და მსოფლიოს მასშტაბით მნიშვნელოვანი და ხანგრძლივი გავლენის მოხდენაში.
2. მაღალი შემოსავალი
სახელფასო მოლოდინები პროექტების მენეჯმენტის მიმართულებით საკმაოდ მაღალია. შემოსავალი დამოკიდებულია შენს გამოცდილებაზე, სამსახურის ადგილმდებარეობასა და ინდუსტრიაზე. ზოგადად კი, საზღვარგარეთ პროექტის მენეჯერის წლიური საშუალოდ შემოსავალი ასე გამოიყურება: $120,000 – აშშ-ში, $103,789 – ავსტრალიაში, ხოლო $99,512 – გერმანიაში.
PMP Certification-ის კვლევის მონაწილეების მიხედვით, მათ, ვისაც PMP სერტიფიცირება აქვთ, უფრო მაღალი შემოსავალი აქვთ, ვიდრე მათ, ვისაც არ აქვთ შესაბამისი სერტიფიკატი. უფრო კონკრეტულად კი, 21 ქვეყნის მონაცემების მიხედვით, მათ შემოსავლებს შორის სხვაობა 33%-ს შეადგენს.
3. მაღალი მოთხოვნა სფეროს სპეციალისტებზე
2030 წლისათვის მსოფლიო ეკონომიკას დამატებით 25 მილიონი პროექტების მენეჯერი დასჭირდება. ეს რიცხვი კი მიუთითებს იმაზე, თუ რამდენად მაღალი იქნება მოთხოვნა ამ სფეროს სპეციალისტებზე. კომპანიების ბიზნესის განვითარებასთან ერთად პროექტები უფრო მეტად კომპლექსური ხდება, რაც მეტ ადამიანურ რესურს მოითხოვს პროცესის ეფექტურად სამართავად და სასურველი შედეგების მისაღებად.
შესაბამისად, ახლა საუკეთესო დროა, რომ გადადგა პირველი ნაბიჯი და შეისწავლო პროექტების მართვა და განივითარო სფეროსთვის საჭირო ტექნიკური თუ რბილი უნარები. გამოცდილების დაგროვება და სერტიფიკატის აღება კი უფრო მრავალფეროვან შესაძლებლობებისკენ გაგიღებს კარს.
4. პროექტების მენეჯერები ყველა ინდუსტრიაშია საჭირო
პროექტების მართვის სფეროს ერთ-ერთი უდიდესი უპირატესობა მისი მოქნილობა და როტაციის შესაძლებლობაა. პროექტის მენეჯმენტის უნარები მარტივად ესადაგება ყველა ინდუსტრიას. ტექნოლოგიები თუ ჯანდაცვა, მშენებლობა თუ ფინანსები, კრეატიული ინდუსტრიები თუ სხვა სფეროები მათ ფარგლებს გარეთ – პროექტის მენეჯერები პრაქტიკულად ყველა სექტორში საჭირო ადამიანები არიან. პროექტის მართვის პრინციპები კი უცვლელია, მიუხედავად იმისა, თუ რომელ ინდუსტრიაში მუშაობ.
5. კარიერა პროექტების მენეჯმენტში შენი ცხოვრების სტილზე არის მორგებული
კარიერა პროექტების მართვის მიმართულებით არა მხოლოდ საშუალებას გაძლევს, შეისწავლო სხვადასხვა ინდუსტრია, არამედ გაძლევს შესაძლებლობას, აღმოაჩინო მსოფლიო. სფეროს სპეციალისტებზე მოთხოვნა და პროფესიის უცვლელი პრინციპები გლობალურ მობილობას რეალობად აქცევს. მიუხედავად იმისა, რომ რეგიონული მასშტაბით პროექტები შეიძლება განსხვავდებოდეს, სერტიფიცირებული პროექტის მენეჯერები მზად არიან ადაპტაციისთვისა და განსხვავებულ გარემოში საუკეთესო პრაქტიკების დანერგვისთვის.
თუ შენთვის დისტანციური მუშაობა უფრო მისაღები და მოსახერხებელია, ეს სფერო ამ მხრივაც საკმაოდ მოქნილია. დღევანდელი მონაცემებით, პროექტების მენეჯერების დაახლოებით 61% დისტანციურად მუშაობს, გარკვეული ხნით მაინც. ამგვარად, ეს პროფესია კარგად ერგება ადამიანის მიზნებს, სურვილებსა და ცხოვრების სტილს.
6. მრავალი შესაძლებლობა კარიერული წინსვლისთვის
რაც შეეხება კარიერულ წინსვლასა და განვითარებას, ეს პროფესია ამ მხრივაც საინტერესო შესაძლებლობას გთავაზობს. გარკვეული გამოცდილების დაგროვების შემდეგ შესაძლებელია უფრო პროექტების მენეჯერის, პროგრამის მენეჯერის ან პორტფოლიოს მენეჯერის პოზიციების დაკავება. ამაში ხელს შეგიწყობს მუდმივი სწრაფვა სწავლისა და განვითარებისკენ, სოციალური კავშირების დამყარება და ინდუსტრიაში მიმდინარე სიახლეების აქტიურად გაცნობა.
აირჩიე IT პროექტების მენეჯმენტი!
როგორც ხედავ, ეს სფერო საკმაოდ მრავალფეროვანია და არაერთი უპირატესობით გამოირჩევა. ამიტომ თუ შენც დაინტერესდი მომავლის პროფესიის შესწავლით და მზად ხარ ახალი თავგადასავლებისთვის, შეგიძლია, პირველი ნაბიჯი Commschool-თან ერთად გადადგა. აქ აღმოაჩენ IT პროექტების მენეჯმენტის კურსს, სადაც შეისწავლი პროექტების მართვის თანამედროვე მეთოდებსა და ინსტრუმენტებს (Jira, Confluence, Clickup, Trello, Miro). გაეცნობი Agile მეთოდოლოგიასა და Scrum Framework-ს, რომლებიც დღეს აქტიურად გამოიყენება IT ინდუსტრიაში. IT პროექტების მენეჯმენტის კურსი პრაქტიკაზე დაფუძნებულ სწავლებას მოიცავს, რაც მნიშვნელოვანი გამოცდილების დაგროვებასა და საჭირო უნარების განვითარებაში დაგეხმარება.
ასე რომ, თუ ტექნოლოგიური სფერო გაინტერესებს და გსურს, მეტი გაიგო პროექტების მართვის პრინციპების შესახებ, აირჩიე IT პროექტების მენეჯმენტის პროგრამა და შემოგვიერთდი Commschool-ში!
შესაძლოა გაინტერესებდეს
საშუალო
დამწყები
საშუალო
შესვლა Google-ით
შესვლა Facebook-ით