TAILOR AT-ის მინი კონტენტ კამპანია - ანი კახაბრიშვილის ფინალური პროექტი

ოდესმე გიფიქრია კონტენტ კრეატორობაზე? წინასწარ გეტყვი, რომ საკმაოდ საპასუხისმგებლო საქმეა: ქმნი იმას, რაც ჩვენი ყოველდღიურობის დიდი ნაწილია, შეიძლება გაიგო, შეხედო და აღიქვა მრავალფეროვნად. სწორედ ამიტომ, აუცილებლად დაგჭირდება შემოქმედებითი ბუნება, გახსნილი გონება და ბევრი მონდომება.

ერთადერთი, რაც არ დაგჭირდება, არის წინასწარი გამოცდილება, ან background-ი ამ სფეროში. ჩვენთან, Commschool-ში, Content Management-ის კურსის კარი ღიაა ყველასთვის, ვინც არის ან უნდა რომ იყოს შემოქმედი. ვისაც აქვს საკუთარი ბრენდი ან ემუშავება სხვადასხვა ბიზნესს, ვისაც აინტერესებს სოციალური მედია და ამ სფეროში ხედავს საკუთარ თავს.

ანი კახაბრიშვილმა პროგრამა წარმატებით დაასრულა და კურსდამთავრებულის სტატუსიც მოიპოვა. ის გვიყვება, რომ Commschool-ის პოვნის შემდეგ გადაწყვიტა, კონტენტის საინტერესო სამყაროში თავადაც შემოედგა ფეხი.

წლებია გვერდიდან ვაკვირდები კრეატიულ ინდუსტრიას და ყოველთვის მინდოდა საკუთარი ძალებისა და ხედვების გამოცდა, ქომსქული ფაქტობრივად თვითონ მოვიდა ჩემთან, ერთხელ "ჩავსქროლე" და უკვე ვენდობოდი.

მოდი, Content Management-ის პროგრამაზეც გეტყვი ერთ-ორ სიტყვას. კურსზე მიმოვიხილავთ ყველაზე პოპულარულ პლატფორმებს (facebook, instagram, tiktok, youtube), განვიხილავთ კამპანიებს, სად, რომელ არხში რა ენითაა ლაპარაკი მიზანშეწონილი, ვისმენთ ერთმანეთის აზრს, ვდაობთ გემოვნებაზე და ა.შ. რაც მთავარია, ერთმანეთში და ირგვლივ ყველაფერში ვეძებთ და ვპოულობთ ინსპირაციას. ვსწავლობთ, როგორ უნდა ვმართოთ იგი სწორი გზით. ანი თავის გამოცდილებაზეც გვესაუბრება:

კვირაში ორი დღე იყო ყველაზე განსაკუთრებული, მოულოდნელი და საინტერესო ლექციებით, სრულიად ახალი ჩარჩოებმოცლილი იდეებით, რომელსაც ხელებგაშლილი იღებდა ჩვენი ძალიან გამორჩეული ლექტორი.

Commschool-ის ფინალური პროექტის შესახებ თუ გსმენია რამე? ის რეალურ პროექტს მაქსიმალურად მიმსგავსებული კამპანიაა, რომელზეც „ქომსქულელები“ კურსის ბოლოს მუშაობენ, საკუთარი თავისა და შესაძლებლობების გამოსაცდელად. ეს შეიძლება იყოს ნებისმიერი ბრენდი, სტარტაპი თუ ჩვენს გონებაში შექმნილი იდეა. ანის ფინალური ნაშრომიც სწორედ თავისივე ორიგინალურ იდეას ეხება, რომლის განხორციელებაც წლების განმავლობაში მისი ოცნება იყო.

ფინალური პროექტი გამოწვევა იყო ჩემთვის. ინოვაციური იდეა, რომელიც წლების წინ მე და ჩემს მეგობარს მოგვივიდა, ეხება მოდის ინდუსტრიას: იქმნება საიტი, სადაც მომხმარებელს შეეძლება საკუთარი თავის გამოხატვა საკუთარივე გემოვნებით შეკერილი სამოსით, რომელსაც ჩვენს საიტზე შეუკვეთავს. პროექტი სრულიად სხვა თვალით დავინახე კურსის ბოლოს, ლექციებზე იმდენი პრაქტიკული მაგალითი გავიარეთ, ძალიან მარტივად ავაგე კონტენტ კამპანია, პროცესიც სახალისო იყო.

ანი ადმინისტრაციასთან ურთიერთობის შესახებაც არ იშურებს სიტყვებს. მისი თქმით, არც ელოდა, რომ ასეთი ჯანსაღი კომუნიკაცია დახვდებოდა – გუნდის მხრიდან გამოვლენილი მხარდაჭერა ერთი დიდი, სასიამოვნო სიურპრიზი აღმოჩნდა.

ყოველკვირეული კომუნიკაცია გვქონდა, ადმინისტრაცია მაქსიმალურად ცდილობდა ჩვენგან უკუკავშირის მიღებას, როგორც სწავლის პროცესთან, ასევე სხვადასხვა შეფასების მისაღებად. სასიამოვნოდ გაოცებული დავრჩი.

ასე რომ, შეგიძლია, მენდო: ის, რაც ახლა შეუძლებლად გეჩვენება, 14 ინტენსიური ლექციის შემდეგ თავიდან ბოლომდე გათავისებული გექნება. კურსის ბოლოს დაიგროვებ იმდენ ცოდნას, რომ ნებისმიერ იდეაზე, სასურველ ბრენდზე/კომპანიაზე/სტარტაპზე გააკეთებ კონტენტ კამპანიას, რომელსაც ექნება მთავარი მესიჯი, ბექგრაუნდი, tone of voice, ინსაითი. ისწავლი, როგორ ჩაუშვა იგი სხვადასხვა სოციალურ მედია პლატფორმაზე, სპეციფიკური მიდგომით. პროგრამის დამთავრების შემდეგ, ამაყად შეგეძლება, თქვა, რომ შენს კომპეტენციებში შედის:

დაგეგმო და აღასრულო კონტენტ კამპანია დამოუკიდებლად
კონტენტ კამპანიის სხვადასხვა მედია არხებში ჩაშლა
დამოუკიდებლად შექმნა ბლოგი, ფოტო და ვიდეო მასალა ბრენდისთვის
განსაზღვრო რა დროს, როგორი კონტენტია საჭირო
დაგეგმო გადაღება დამოუკიდებლად
მოიფიქრო რა სჭირდება ბრენდს
განსაზღვრო როგორ ეურთიერთო შენს აუდიტორიას
იმუშაო ეფექტურად და სწრაფად

ამ ყველაფრის შემდეგ კი, თუ კიდევ გაგიჩნდება კითხვა, რატომ Commschool?, ამაზე ანიც სიამოვნებით გიპასუხებს:

იმიტომ, რომ საკუთარ თავში აღმოაჩინო ბევრი საინტერესო რამ; იმიტომ, რომ ისიამოვნო; იმიტომ, რომ მიიღო იმაზე მეტი ხარისხი და ცოდნა, ვიდრე ელოდები.

თუ ჩვენი გუნდის ნაწილი გინდა გახდე, გეტყვი, რომ Content Management-ის ახალ კურსს 10 მაისს ვიწყებთ. დიდი იმედი მაქვს, შემოგვიერთდები! ქვემოთ ბმულს გიტოვებ.