გაიცანი გრაფიკული დიზაინის ლექტორი - თაკო კოსტავა
ვიზუალურ კომუნიკაციაზე ბევრი რამ არის დამოკიდებული: პირველი შთაბეჭდილების მოხდენა, გზავნილის სამიზნე აუდიტორიამდე სწორად მიტანა, ინტერესის აღძვრა. ვიზუალური მხარე მნიშვნელოვნად განსაზღვრავს ბრენდის იდენტობასაც. შესაბამისად, გრაფიკული დიზაინი სულ უფრო და უფრო მოთხოვნადი მიმართულება ხდება.
გრაფიკული დიზაინის კურსი გათვლილია მათთვის, ვისაც სურს პროფესიულად დაეუფლოს გრაფიკულ დიზაინს, შეისწავლოს ბრენდირების საფუძვლები და იმუშაოს რეალურ ბრიფებზე მენტორის მხარდაჭერით. კურსს გაუძღვება თაკო კოსტავა – არტ დირექტორი და ბრენდ დიზაინერი, რომელსაც ამ სფეროში უკვე ათწლიანი გამოცდილება აქვს. გაიცანი თაკო და გაიგე, რას გთავაზობს კურსი მისი ხელმძღვანელობით.
თაკო კოსტავა გრაფიკული დიზაინის სფეროში უკვე ათ წელზე მეტია მოღვაწეობს და ამ გზაზე საკუთარი თავი სხვადასხვა როლში მოსინჯა – ჯერ არქიტექტურის მიმართულებით სწავლობდა, შემდეგ ინტერიერის დიზაინითა და ბრენდინგის გზით დაინტერესდა და საბოლოოდ გრაფიკულ დიზაინში იპოვა საკუთარი თავი და პროფესია. დღეს ის ფრილანს არტ დირექტორია, ბრენდების ვიზუალურ მხარეს ქმნის და ამ პროცესში სტრატეგიიდან დაწყებული, საბოლოო იდენტობის ფორმირებით დამთავრებული – ყველაფერშია ჩართული.
თავდაპირველად თაკო სწავლობდა სამხატვრო აკადემიაში, არქიტექტურის ფაკულტეტზე. თუმცა მალევე მიხვდა, რომ მისი რეალური ინტერესები სხვა მიმართულებით იყო. სწავლის გაგრძელება ჯიპაში გადაწყვიტა, სადაც ინტერიერის და ბრენდინგის მიმართულებით იმუშავა, შემდეგ კი გრაფიკული დიზაინისკენ გადაინაცვლა. როგორც თავად ამბობს, ამ ათი წლის განმავლობაში ბევრი მნიშვნელოვანი მენტორი ჰყავდა, რაც მისთვის ისეთივე ღირებული აღმოჩნდა, როგორც აკადემიური განათლება.
თაკოს, როგორც ფრილანს არტ დირექტორისა და ბრენდის დიზაინერის როლი, ძირითადად კონცეფციისა და სტრატეგიის შემდეგ იწყება — იმ მომენტში, როცა უკვე ფორმულირებულია ბრენდის ღირებულებები და საჭირო ხდება მათი ვიზუალურად თარგმნა.
"მარტივად რომ ვთქვა ეკრანზე დაწერილ და მოწოდებულ ისტორიასა და ღირებულებებს ვიზუალურ ფორმას ვაძლევ რომ საბოლოოდ მათ საკუთარი იდენტობა ჰქონდეთ"
თაკო ქმნის იდენტობას, რომელიც პასუხობს როგორც ბრენდის, ისე მომხმარებლის მოთხოვნებს. ამ პროცესში მისთვის განსაკუთრებით მნიშვნელოვანია ისტორიის თხრობა ვიზუალური ფორმებით – როგორ იქცეს დაწერილი ღირებულებები ფერებად, ფორმებად და გამოსახულებად. ამავე დროს, ეს მოითხოვს ინფორმირებულობას ხელოვნების სხვადასხვა მიმდინარეობის, ეპოქისა თუ თანამედროვე ვიზუალური ტენდენციების შესახებ, რათა იდეა გარდაიქმნას მრავალფეროვან გრაფიკულ ფორმებად.
გამორჩეული პროექტები
თაკოსთვის ერთ-ერთი ყველაზე საყვარელი პროექტი იყო Dodonut-ის შეფუთვაზე მუშაობა. როგორც თვითონ ამბობს განსაკუთრებით უყვარს შეფუთვის დიზაინზე მუშაობა, რადგან ამოცანა ყოველთვის განსხვავებულია. ზოგჯერ აქვს სრული თავისუფლება, ზოგჯერ კი შეზღუდვები, რაც პროცესს უფრო საინტერესოს ხდის. ამ პროექტში ბრენდს უკვე გააჩნდა დამკვიდრებული ხასიათი, რომელზე დაყრდნობითაც უნდა შექმნილიყო ილუსტრაციების სტილი, ბრენდის ვიზუალის გასამყარებლად.
საინტერესო იყო მისი გამოცდილება ალკოჰოლური სასმლის შეფუთვაზეც, სადაც მთავარი სიმბოლო იყო ქალი ტრადიციულ ქართულ ჩოხაში. თუმცა ამავდროულად, ეტიკეტი უნდა ყოფილიყო თანამედროვე და ფერადი. თაკო ასეთ შემთხვევებში ყოველთვის ცდილობს, დამკვეთთან ერთი საერთო ვიზუალური ენა იპოვოს, რადგან ხშირად თითოეული “თანამედროვე” ადამიანი სხვადასხვა რამეს ნიშნავს.
"ყოფილა რომ რასაც თანამედროვეს ეძახდნენ სამოციანი წლების ანიმაცია აღმოჩენილა ამიტომ ხშირად დიზაინერმა უკეთ იცის რასაც დამკვეთი გულისხმობს."
შთაგონების წყაროები
თაკოსთვის შთაგონება მუდმივად ცვალებადია, თუმცა მაინც გამოყოფს რამდენიმე მაგალითს. პლატფორმა are.na-ს, სადაც ვიზუალური კვლევისთვის უამრავ მასალას ეცნობა. ერთ-ერთი ყველაზე დიდი შთაბეჭდილება მასზე მოახდინა Netflix-ის სერიალმა Abstract: The Art of Design, განსაკუთრებით Paula Scher-ის ეპიზოდმა. დიზაინერის მიმართ ინტერესი მას ასევე გაუმყარდა დოკუმენტური ფილმით Helvetica, სადაც Paula Scher საუბრობს იმაზე, რატომ არ მოსწონს Helvetica.
ფესტივალები, ფილმები, მუსიკა, წიგნები, ვლოგებიც კი – თაკოსთვის ინსპირაცია ერთ წყაროთი არასდროს შემოიფარგლება.
პერსპექტივა და მიდგომა პროფესიისადმი
თაკო ამბობს, რომ არ უყვარს ამ პროფესიაზე საუბარი მხოლოდ მისი მომგებიანობის თვალსაზრისით. მისთვის მთავარი ისაა, რომ გიყვარდეს ის, რასაც აკეთებ. თუ დიზაინს უყურებ როგორც მხოლოდ ფინანსური შემოსავლის წყაროს, მაშინ ეს არ არის სწორი მოტივაცია. მაგრამ თუ ეს საქმე ისეთი რამ არის, რომელიც არ გაწუხებს, არ გბეზრდება და გაძლევს შესაძლებლობას, შენი უნარები გამოხატო – მაშინ წარმატება თანმდევია. მისთვის წარმატება სწორედ ესაა – როცა შენი საქმე მოთხოვნადია და შენი საქმით სიამოვნებას იღებ.
როგორც უკვე გითხარი, თაკო commschool-ში გრაფიკული დიზაინის კურსს გაუძღვება. კურსს ორი ძირითადი ეტაპი აქვს: დასაწყისი, რომელიც ძირითადად თეორიული ნაწილია, განიხილება დიზაინის ძირითადი პრინციპები და სტრატეგიული ხედვა. ამის შემდეგ მთავარი ყურადღება ექცევა პრაქტიკულ სამუშაოებს. სტუდენტები მუშაობენ რეალურ ბირფებზე, რისს საშუალებითაც შეისწავლიან არა მხოლოდ ტექნიკურ უნარებს, არამედ დამოუკიდებლად მუშაობას, პრობლემებზე რეალურად ფიქრსა და მათ გადაჭრას.
თაკო თვლის, რომ ყველაზე მნიშვნელოვანი ნაწილი კურსში დავალებების განხილვაა, რაც სტუდენტებს ეხმარებათ როგორც საკუთარ, ისე ერთმანეთის ნამუშევრებიდან სწავლაში. კურსის მიმდინარეობისას თაკო სტუდენტებს თავისთვის მნიშვნელოვან წყაროებს, ბმულებსა და წიგნებს უზიარებს. ბოლოს კი სტუდენტებს აქვთ შესაძლებლობა, აირჩიონ ერთი პროექტი, იმუშაონ მასზე დამოუკიდებლად და შექმნან ფინალური ნამუშევარი თაკოს მენტორობით.
თაკო კოსტავას პროფესიული ისტორია და პირადი მიდგომა გრაფიკულ დიზაინთან კარგად ასახავს იმას, თუ რატომ არის ის იდეალური მენტორი მათთვის, ვისაც სურს დიზაინის სამყაროში პირველი ნაბიჯების გადადგმა. მისი ცოდნა, პრაქტიკული გამოცდილება, ვიზუალური აზროვნების უნარი და ინსპირაციის მუდმივი ძიება კურსს განსაკუთრებულ მნიშვნელობას სძენს. ამ კურსში არა მხოლოდ ახალ პროფესიულ უნარებს შეიძენ, არამედ მიიღებ ინდივიდუალურ მხარდაჭერას, იმუშავებ რეალურ პროექტებზე და შექმნი პორტფოლიოსთვის საჭირო ნამუშევრებს — ეს ყველაფერი კი თაკოსთან ერთად, მისი გამოცდილებისა და ხედვის გაზიარებით.
შემოგვიერთდი commschool-ში და დაეუფლე გრაფიკული დიზაინერის პროფესიას სფეროს წამყვან პროფესიონალთან ერთად!
რელევანტური ბლოგები
-
6 ხელსაწყო, რომელსაც AI in Content Creation-ის კურსზე ისწავლი...
-
-
-
-
-
ხელოვნური ინტელექტი პრაქტიკაში – გაიცანი ლექტორი, შოთა ნათენაძე...
-
გრაფიკული დიზაინის კურსი Commschool-ში: როგორია კურსდამთავრებულების გამოცდილება?...
-
კონტენტ მარკეტინგის კურსის ლექტორი, ირინა ბერიაშვილი პროფესიისა და გამოცდილების შესახებ...
-
-
შესაძლოა გაინტერესებდეს
საშუალო
საშუალო
საშუალო
შესვლა Google-ით
შესვლა Facebook-ით
