პერსონალიზებული კონტენტ კამპანიის შესაქმნელად საჭირო ინსტრუმენტები

პანდემიამ ციფრული არხები მომხმარებელთან ურთიერთობისა და მისი დაინტერესების ძირითად საშუალებად აქცია; ციფრულ სივრცეში კი მომხმარებელი მეტად მომთხოვნია. ამის გათვალისწინებით, როგორც მომხმარებლის გამოცდილების, ისე ბრენდის აღქმის გასაუმჯობესებლად საუკეთესო საშუალებაა პერსონალიზებული კონტენტ-კამპანიის წარმოება. 

კონტენტის პერსონალიზებასთან დაკავშირებით, პირველ რიგში, უნდა ვიცოდეთ, რომ კონტენტის შექმნისადმი ტრადიციული მიდგომა აქ იცვლება. ტრადიციული მიდგომისას კონტენტის სიცოცხლის ციკლი წრფივია ხოლმე, რაც გულისცმობს იმას, რომ  ვირჩევთ ბაზარს, შევიმუშავებთ კონცეფციას და მთლიანობაში შევქმნით კონტენტს, რომელსაც გამოვაქვეყნებთ, რაღაც პერიოდის შემდეგ კი მოვხსნით. პერსონალიზება კი კონტენტის შექმნის პროცესის გაციკლურებას გულისხმობს. ამ შემთხვევაში, კონტენტის გამოქვეყნება უკვე აღარ არის პროცესის კულმინაცია, არამედ დახვეწა-შესწორებების გრძელი გზის მხოლოდ დასაწყისია: ამ “გზის” განმავლობაში პერსონალიზებული კონტენტი იტესტება, რათა სამომავლო კამპანიებისათვის ყველაზე კარგად მორგებული და ოპტიმალური ვარიანტი შევარჩიოთ.

სტატიაში სწორედ კონტენტის წარმატებული პერსონალიზებისთვის საჭირო 5 კომპონენტს გაგიზიარებთ:

აუდიტორიის შესაბამისი მიგნების (“ინსაითის”) გაკეთების უნარი

თითქოს, ერთი შეხედვითაც ცხადია, რომ მარკეტერმა უნდა იცოდეს, რა უთხრას თითოეულ აუდიტორიას, რათა მოქმედებისკენ უბიძგოს მათ. თუმცა “პერსონალიზების სამყაროში” ამისათვის დემოგრაფიული ინფორმაციის ფლობა არაა საკმარისი. არამედ, მარკეტერმა მომხმარებელთა უნიკალურ ბაზაზე დაყრდონობით მიგნებები უნდა გააკეთოს. 

ინსაითების “დასაჭერად”, პირველ რიგში, თქვენი ძირითადი აუდიტორიებისთვის კონკრეტული მახასიათებლები უნდა გამოყოთ, ამასთვის კარგი იქნება თუ შევქმნით მომხმარებლიბს პროტოტიპს  და გავიგებთ ვინ არიან ჩვენი მომხმარებლები? აუცილებელია დავსვათ კითხვები:

• როგორია ჩვენი მომხმარებლის ვიზუალური სტილი?
• როგორ ენით უნდა ვესაუბროთ მათ? 
• ტექსტის რა მოცულობაა ოპტიმალური შენი კონტენტისთვის? 
• როგორი განლაგება და კონცეფციებია უმჯობესი ? 
• რომელი ციფრული არხებია ყველაზე ეფექტური? 

მოქნილი კონტენტის შექმნისა და მართვის უნარი

 1. მარკეტერებმა სამიზნე აუდიტორიის შესახებ გაკეთებული ინსაითები ისეთი ბრიფის შესაქმნელად უნდა გამოიყენონ, რომელიც დააკონკრეტებს, თუ რა გამოცდილება უნდა მიიღოს თითოეულმა აუდიტორიამ ბრენდისთვის სასურველი შედეგის მისაღწევად; აღწერს, რა იქნება ციფრული გამოცდილების ელემენტები: ბლოგი, ვიზუალური პოსტი, ვიდეო თუ სხვა რამ.

2. როდესაც კონტენტის გენერირება მოხდება და მისი შემადგენელი ყველა კომპონენტი დასრულდება, ისინი სადმე უნდა შევინახოთ, რათა სამომავლო დახვეწისა თუ სხვადასხვა არხებზე ადაპტირებისთვის მარტივად მოძიებადი იყოს.

თითოეული მომხმარებლის გამოცდილების მართვის უნარი 

მას მერე, რაც ძირითადი მახასიათებლების მიხედვით  თითოეული მომხმარებელი იდენტიფიცირებული გეყოლებათ და გამოსაყენებელი კონტენტიც მზად გექნებათ, უნდა გადაწყვიტოთ, კონკრეტულად ვინ, რა და როდის უნდა ნახოს. 

გამოცდილების რეალურ დროში მიწოდების უნარი

კონტენტისა და გამოცდილების ირგვლივ ზემოთ ჩამოყალიბებული წესების გათვალისწინებით, მარკეტერმა თავი უნდა მოუყაროს ამ გამოცდილებას, და მომხმარებელს თავისი “journey-ის” ყოველ ნაბიჯზე შესაბამისი კონტენტი მიაწოდოს. 

გატესტვისა და მიღებულ შედეგთა ანალიზით ინსაიტების გაუმჯობესების უნარი

როგორც მარკეტერმა, უნდა აკონტროლოთ კიდეც, რამდენად შედეგიანად ახერხებთ პერსონალიზებას. ეს გულისხმობს, რომ გამუდმებით უნდა ტესტავდეთ გამოცდილების იტერაციების ეფექტურობას, რათა გაარკვიოთ, რომელი მუშაობს საუკეთესოდ.

იმედი გვაქვს, კონტენტის პერსონალიზებასთან დაკავშირებით დაახლოებითი შთაბეჭდილება მაინც შეგიქმენით და ერთი-ორი თქვენთვის საინტერესო რჩევაც მოგეცით. უფრო ვრცლად კონტენტის დაგეგმვასა და წარმოების შესწავლას კონტენტ მენეჯმენტის კურსზე შეძლებთ. ისწავლით, როგორ  გააკეთოთ ეფექტური კონტენტი სხვადასხვა მედია არხისთვის.

იმას თუ კონკრეტულად რას ისწავლი კურსზე ნახავ აქ .  გეტყვით იმასაც, რომ ეს პროგრამა არის ყველასთვის, ვისაც აქვს საკუთარი ბრენდი ან ემუშავება სხვადასხვა ბიზნესს, ვისაც აინტერესებს სოციალური მედია და ამ სფეროში ხედავს საკუთარ თავს. Პროგრამაზე მიღება დაწყებულია, ჯგუფში ადგილები კი -ლიმიტირებული.

ავტორი: ანანო ფეიქრიშვილი