გრაფიკული დიზაინის კურსიდან Windfor’s-ში – თამთა გვალიას კარიერული განვითარების გზა

“ჩემი აზრით, Commschool არის თავგადასავალი, ადგილი, სადაც შენს თავში ახალი შესაძლებლობების აღმოჩენას შეძლებ“. – თამთა გვალია გრაფიკული დიზაინის ტოპ  კურსდამთავრებულებს შორის მოხვდა და Alumni Club-ის ფარგლებში გარანტირებული სტაჟირება “Windfor’s”-ში გაიარა.

რა არის Alumni Club? კლუბის ფარგლებში Commschool-ის კურსდამთავრებულები ექსკლუზიურ სამუშაო შეთავაზებებს, გარანტირებულ სტაჟირებებსა და კონსულტაციებს იღებენ ისეთი პარტნიორი კომპანიებისგამ, როგორებიცაა: Holmes & Watson, Adjarabet, JWT Metro, Redberry და სხვა. შეგიძლია, აქვე, სხვა კურსდამთავრებულების წარმატების ისტორიებიც იხილო.

თამთა სტაჟირებაზე მიღებული გამოცდილებით ძალიან კმაყოფილია:

“გრაფიკული დიზაინის კურსის დასრულების შემდეგ, სტაჟირება “Windfors”-ში დავიწყე. ძალიან დიდი ბედნიერებაა, როცა ესეთი პროფესიონალებისგან შემდგარ გუნდში ხვდები. კრეატიული დირექტორების დახმარებით, მაქსიმალურად ვიყავი ჩართული როგორც დიზაინის, ისე კრეატივის მიმართულებით, რაც ჩემთვის კიდევ უფრო საინტერესოს ხდიდა სწავლის პროცესს. ისინი ყველანაირად ცდილობდნენ, იქ გატარებული დრო ჩემთვის პროდუქტიული და რაც შეიძლება, მეტი ინფორმაციის მომცემი ყოფილიყო. უდიდესი მადლობა მათ და Commschool-ს ამ შესაძლებლობისთვის”.

თამთასთვის Commschool-ში მიღებულმა გამოცდილება დიდი როლი ითამაშა მის შემდგომ კარიერულ განვითარებაში:

“ზოგადად, Commschool-მა ძალიან დიდი როლი ითამაშა ჩემთვის ახალი პროფესიის შეცნობაში და კიდევ უფრო დიდი მოტივაცია გამიჩნდა ვისწავლო მეტი და გავიღრმავო ცოდნა, რათა შევძლო სამომავლოდ ამ სფეროში თავის დამკვიდრება. ძალიან მეამაყება, რომ ვარ “ქომსქულელი” და ყველას მინდა ვურჩიო, რომ არასოდეს შეწყვიტონ საკუთარი თავის ძიება და განვითარება“.

Commschool-ში გრაფიკული დიზაინის პროგრამა 7 კვირას, ანუ 14 ლექციას მოიცავს. კურსის განმავლობაში სტუდენტები ისწავლიან  Illustrator-სა და Photoshop-ში დამოუკიდებლად მუშაობას, ვიზუალის სტილისტურად, შინაარსობრივად და ტექნიკურად გამართვას, კურსის ბოლოს კი შეეძლებათ თავიანთი პორტფოლიო შეკრან. პროგრამა კი განკუთვნილია ყველასთვის, ვისაც აქვს ინტერესი და სფეროს შესწავლის სურვილი.

ამგვარად, თუ შენც გინდა გრაფიკული დიზაინის სწავლა და შედეგად, კარიერულად განვითარება, დარეგისტრირდი პროგრამაზე, გახდი “ქომსქულელი” და შექმენი შენივე წარმატების ისტორია!