თბილისის კომუნიკაციის სკოლა Touch.Point-ის პარტნიორია

თბილისის კომუნიკაციის სკოლისა და Touch Platform-ის პარტნიორობა გრძელდება. წელს ფესტივალზე შეგეძლებათ დაესწროთ Commschool-ის ვორქშოპსაც, სადაც ჩვენი ლექტორები ლიანა მეტრეველი და ირინა ბერიაშვილი ჩაატარებენ პრაქტიკულ სესიას მოკლე ვიდეო კონტენტის შექმნაზე და გაგიზიარებენ რჩევებს, როგორ შეგიძლიათ საკუთარი სმარტფონით შექმნათ რილსები, რომელიც მომხმარებლის ყურადღებას პირველივე წამებში მიიქცევს.

ამასთან ერთად, Touch.Point-ის საერთაშორისო ფესტივალზე ისეთი გლობალური ბრენდების სპიკერებთან ერთად, როგორებიცაა Spotify, Meta, Google, NETFLIX, PUMA, Nike და სხვა ჩვენი COO ნინა ქარჩხაძე ისაუბრებს, როგორი იყო საქართველოში პირველი მარკეტინგული გზამკვლევის შექმნის პროცესი, რას უნდა ველოდოთ 2025 წლისთვის, როგორ ითარგმნება გლობალური ტრენდები ქართულ რეალობაში და როგორ უწყობს ხელს ეს ინდუსტრიის განვითარებას

MarTech ფესტივალი, Touch.Point 14 ივნისს უკვე მეორედ ჩატარდება თბილისში. ფესტივალის მასპინძელია TEC, დოდო აბაშიძის 10.

Touch.Point-ის მთავარი მიზანია საქართველოში და კავაკასიის რეგიონში მარკეტინგის, კომუნიკაციის და კრეატიული ინდუსტრიის სფეროებში მომუშავე პროფეიონალები მეტად დაახლოვოს ტექნოლოგიებთან, გაზარდოს მაკეტინგული ხელსაწყოების სწორი და ეფექტური გამოყენება და შექმნას ახალი კოლაბორაციების შესაძლებლობები დარგის პროფესიონალებისთვის ადგილობრივ თუ გლობალურ ბაზარზე.

მთელი დღის განმავლობაში დაგეგმილია 20-ზე მეტი სესია: ქინოუთ პრეზენტაციები, პანელური დისკუსიები, Q&A სესიები, 4 ვორქშოფი და ბევრი სხვა საინტერესო სიახლეები. დღის ბოლოს ერთად ვიზეიმებთ EURO 2024 დაწყებას და ჩემპიონატის პირველ მატჩს ფესტივალის დიდ ეკრნზე ვუყურებთ.

ფესტივალის ტერიტორია ორ სცენას, ნეთვორქინგ ზონას, ქოვორქინგ სივრცეს, პარტნიორების ზონას და ფუდკორტს გააერთიანებს.

აქვე გეტყვი, რომ პარტნიორობის ფარგლებში ჩვენს სტუდენტებსა და კურსდამთავრებულებს ბილეთების შეძენა ფასდაკლებით შეუძლიათ.