ფინალური პროექტის შედეგების მიხედვით, საუკეთესო კურსდამთავრებული გაივლის გარანტირებულ სტაჟირებას პარტნიორი კრეატიული სააგენტოდან ერთ-ერთში.

გრაფიკული დიზაინი ყველა ჩვენგანის ყოველდღიურობის ნაწილია და თითოეულ პროდუქტთან ინტერაქციის გადაწყვეტილებაზე დიდ გავლენას ახდენს. გამართული, მუშა დიზაინის გასაკეთებლად საჭიროა სტუდენტმა შეძლოს დიზაინის მიზნის კარგად გააზრება, თუ რას ემსახურება ის და რა მესიჯი უნდა მიიტანოს დამკვეთიდან თუ დამსაქმებლიდან მომხმარებლამდე.

კურსში სტუდენტი გაივლის სხვადასხვა ტიპის პროექტზე მუშაობის პროცესს, გაეცნობა ვიზუალის კეთების სწორ პრინციპებს, დიზაინის მიმართულებებს. შეისწავლის გრაფიკული რედაქტორების იმ აუცილებელ ტექნიკურ ნაწილს, რომელიც საჭიროა სხვადასხვა მიმართულებით სამუშაოდ.

კურსი განკუთვნილია მათთვის, ვისაც სურვილი აქვს ისწავლოს გრაფიკული დიზაინი 0-დან, გადადგას პირველი ნაბიჯები დიზაინის სფეროში და დამოუკიდებლად შეძლოს შემდგომი განვითარება.

კურსზე ისეთი შემოქმედებითი უნარი, როგორიც არის ხატვა, ხაზვა, ფოტოგრაფია და ა.შ. სასარგებლოა, თუმცა არა აუცილებელი.

კურსი მოიცავს პრაქტიკაზე დაფუძნებულ სწავლებას, რაშიც იგულისხმება დავალებები / სავარჯიშოები და ინდივიდუალური პროექტი.

პროგრამის განმავლობაში მიიღებ რჩევებსა და კონსულტაციებს კარიერული დაგეგმვის კუთხით. მისი წარმატებით დასრულების შემთხვევაში კი გექნება კარიერული მხარდაჭერა Commschool-ის პარტნიორი კომპანიებისგან, რაც გამოიხატება ექსკლუზიურ სამუშაო შემოთავაზებებსა და სტაჟირებაში.

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.