კურსდამთავრებულები

პირველად უჩას გამოსვლა რომ მოვისმინე, ცოტა პროვოკაციული იყო, თუმცა პროფესიონალიზმი და განსხვავებული მიდგომა მაშინვე იგრძნობოდა.  ვიფიქრე, რომ კარგი იქნებოდა მისი კიდევ არაერთხელ მოსმენა. შემდეგ Commschool-ის შესახებაც გავიგე და ასე შევუერთდი ჯგუფს. პროგრამა აღმოჩნდა მოქნილი და რაც მთავარია, საინტერესო და სასარგებლო. უმაგრესია იმის შეგრძნება, რომ რამის სასწავლად კი არ ხარ მისული, არამედ შეგრძნების განცდისთვის. უჩამ დაგვანახა, რომ სრულიად ახალი მიდგომებით შეგვიძლია აღვიქვათ ის, რაც სრულიად სხვა რამე გვეგონა აქამდე. პირველ შეხვედრაზე მოლოდინის გარეშე მივედი, თუმცა რა გამოცდილებაც 4 შეხვედრის ლექციებითა და ვორქშოფებით მივიღეთ, რა მოლოდინიც არ უნდა გვქონოდა ნებისმიერ ჩვენგანს, ალბათ, იმასაც გადააჭარბებდა. აუცილებელია აღვნიშნოთ შეხვედრების დროს შექმნილი ატმოსფერო და დამოკიდებულება, რომელიც იქ მყოფებს ერთმანეთის მიმართ ჩამოგვიყალიბდა. დღეს თამამად შემიძლია ვთქვა, რომ თავს ვგრძნობ იმ ადამიანებს შორის, ვინც მზად არის ბრენდი შეიგრძნოს და დააფასოს.

ქრეშ კურსი იმაზე მეტი მოულოდნელობებითა და სიახლით იყო დატვირთული, ვიდრე ველოდი. ლექციების შინაარსი სრულიად განსხვავდებოდა ბრენდინგის შესახებ ტრადიციული, გუგლში მოწოდებული ინფორმაციისგან. თითოეული ლექციის განმავლობაში ლექტორი იმდენად სიღრმეებში გადმოსცემდა სათქმელს, რომ განსახილველი საკითხები ძირფესვიანად გასაგები და შესაგრძნობი ხდებოდა. 2 საათიანი პრაქტიკული ვორქშოფები კი უკვე ჩვენი განცდილის ხორცშესხმა იყო არსებულ ბრენდებზე. რაც ყველაზე მთავარია, იმის მიუხედავად, რომ Sense of Branding თითქოსდა ძალიან აბსტრაქტული რამ უნდა იყოს, მის შესახებ საუბარს მაინც ძალიან სისტემატიზებული და თანმიმდევრული სახე ჰქონდა. ასე ვთქვათ, სისტემისა და მეთოდების გავლით ვგრძნობდით ბრენდებს. ვერ ვიტყვი, რომ ბრენდინგზე ჩემი შეხედულებები შეიცვალა - ვფიქრობ, რომ ბრენდის განცდა ინტუიტიურად ყველა ჩვენგანშია, მაგრამ ამ განცდას ვერ ვხსნით. ლექტორმა შეძლო, რომ ჩემში არსებული აუხსნელი შეგრძნებები ბრენდების მიმართ გასაგები, არგუმენტირებული და სისტემატიზებული ყოფილიყო.

კურსმა უშუალო stakeholder-ის მხრიდან დამანახა ყველა ის პროცესი, რომლის დაგეგმვა აუცილებელია, რათა სურვილი და იდეა იქცეს მიზნად, მიზანი პროცესად და პროცესი პროდუქტად. ახლა უფრო მკაფიოდ ვიცი როგორი დავალება უნდა მივცე გუნდს და როგორი შედეგი მოვითხოვო, როგორ შევაფასო თითოეული მათგანის მუშაობა - დადებითად თუ უარყოფითად. ვფიქრობ მარკეტინგში მომუშავე ნებისმიერმა ჰედმა უნდა იცოდეს რას აკეთებს თითოეული გუნდის წევრი, სწორედ ამიტომ ვისწავლე ის, რაც მინდა რომ მათ აკეთონ.

კურსის განმავლობაში პრაქტიკულ დავალებაზე მუშაობა და ლექტორის მუდმივი ფიდბექი დამეხმარა მიმეღო ზუსტად ის ცოდნა, რაც მჭირდებოდა. ვფიქრობ, პროექტზე მუშაობის ნაწილი ყველაზე დიდი მონაპოვარია ამ კურსიდან. ლექციები სრულად ფარავს ბიზნეს ანალიზის თეორიულ ნაწილს, რომლის გამყარების შესაძლებლობაც მოგვცა საბოლოო პროექტზე მუშაობამ, სადაც ბიზნეს პროცესის სრულყოფილი აღწერა უნდა შეგვექმნა. კურსი თანმიმდევრულია და ინფორმატიული როგორც დამწყები, ასევე ამ სფეროში დასაქმებული ადამიანებისთვის.

ფინალური პროექტისთვის ავაწყვე Loan Api, ფაქტობრივად, კურსის განმავლობაში მიღებულ ცოდნას ამ ეტაპზე მოეყარა თავი. ფინალური პროექტისთვის მუშაობა ჩემთვის იმდენივეს მომცემი აღმოჩნდა, რასაც რეალურ პროექტზე მუშაობა მომცემდა. პროექტის წარსადგენად და განვლილი მასალის გამოსაკითხად გვქონდა გასაუბრებაც, რაც თავისი სტილით ძალიან ჰგავდა დამსაქმებელთან გასაუბრებას, რამაც ჩემს გამოცდილებაზე გავლენა იქონია და დიდი როლი ითამაშა შემდეგი, რეალური გასაუბრების წარმატებით გავლისათვის.

კურსის განმავლობაში ვისწავლე ბევრი რამ, C#-ში ელემენტარულიდან დაწყებული სრულფასოვანი Web Api-ს აწყობით დასრულებული. გარდა ამისა, SQL ბაზასთან ურთიერთობა. მიღებულ ცოდნას შევაფასებდი როგორც საკმაოდ კარგ საფუძველს იმისთვის, რომ უახლოეს პერიოდში ვიფიქრო არსებული პროფესიის შეცვლასა და პროგრამირების მიმართულებით კარიერის გაგრძელებაზე.

კურსი თავდაპირველად ცოდნაში გარკვეული ნაპრალების ამოსავსებად ავირჩიე, თუმცა ლექციებმა მოლოდინს ბევრად გადააჭარბა - იმის გარდა, რომ ლექტორად მყავდა თავისი საქმის ძალიან კარგი მცოდნე და ძალიან დადებითი ადამიანი, მქონდა სიამოვნება მესწავლა მარკეტინგის სფეროში მომუშავე ძალიან ჭკვიან და საინტერესო ადამიანებთან, რომლებიც ყოველთვის განსხვავებულ და დასაფიქრებელ პერსპექტივას იძლეოდნენ სალექციო თემის გარშემო. ქომსქულელობა ცალსახად გამოცდილებაა და, ამასთანავე, ძალიან გამოსადეგი - სწავლის დაწყებიდან მალევე მივხვდი, რომ ჩემი ინვესტიცია უკან აუცილებლად არაერთგზის დამიბრუნდება.

კურსის დაწყების ერთ-ერთი მიზეზი საკუთარ თავში ნაკლები რწმენა იყო, თითქოს, რასაც ვსაქმიანობდი, იმას აკადემიური ცოდნა არ ედგა უკან. კურსის მიმდინარეობისას კი ლექტორის დახმარებით კონტენტ სფეროში ღრმად ჩავიხედეთ, გავეცანით მსოფლიოში ცნობილი ბრენდების კონტენტ სტრატეგიებს, დასასრულს კი თავად ჩვენ თვითონ მოგვიწია სტრატეგიის შექმნა. საკუთარი თავის რწმენაც ბევრად გამიმყარდა. შემიძლია თამამად ვთქვა, რომ საქმის მხრივ, ასე კომფორტულად თავი არასოდეს მიგრძვნია. მივხვდი, რომ კონტენტ სტრატეგიის წერა ერთი დიდი მოგზაურობაა, რომელიც იმდენად საინტერესოა, არც კი გინდა რომ დასრულდეს.

ამ კურსს შეუძლია, ერთი მხრივ, ციფრული რეკლამირების სფეროში დამწყებებისთვის კარგი საფუძვლის შექმნა, ხოლო, მეორე მხრივ, ამ ინდუსტრიაში უკვე მომუშავე პროფესიონალებისთვის სხვადასხვა საკითხისთვის, ასე ვთქვათ, სახელის დარქმევა და თავში დალაგება. ამ კურსის განმავლობაში გავეცანი ციფრული რეკლამირების მთლიან ციკლს, რაც დამეხმარა, მეპოვა ამ ჯადოსნური წრის გასაღები და ინდივიდუალურად დამეგეგმა მთლიანი პროცესი.

ციფრული რეკლამირების აქტუალურობიდან გამომდინარე, ამ კურსმა საწყის ეტაპზევე მიიპყრო ჩემი ყურადღება, რადგან მთლიანად პრაქტიკულ გამოცდილებაზეა აწყობილი. ჩემი მოლოდინები სრულად გამართლდა, რაც ლექტორის და ქომსქულის დამსახურებაა. მე პირადად ამ კურსის გავლას ვურჩევ ყველას, ვინც ციფრული არხებით ან მონათესავე პროფესიებით არის დაინტერესებული. ზუსტად იცოდეთ, რომ ყველა საჭირო ინფორმაციას სულ რაღაც რამდენიმე ლექციაში სრულად აითვისებთ.

კურსის დაწყებამდე ვეჭვობდი, რომ აქცენტი იქნებოდა თეორიული ცოდნაზე. ლექციების განმავლობაში კი მივხვდი, რომ კურსი იმაზე სიღრმისეულად განიხილავდა საკითხს, ვიდრე მოველოდი. ჩემთვის, როგორც მომავალი IT პროექტის მენეჯერისთვის, ყველაზე ღირებული იყო რეალური სამუშაო გარემოს სწორად დანახვა. ამ კურსმა მომცა არა მხოლოდ თეორიული ცოდნა, არამედ გამიზიარა შესაძლო რისკები, პრობლემები და მათი მოგვარების გზები, რომლებსაც პრაქტიკაში გადავწყდები.

IT Project Management-ის კურსის ყველაზე ღირებული ნაწილი იყო პრაქტიკაზე დაფუძნებული, სავარჯიშოებითა და პროექტიკით გაჯერებული სწავლება. ეს იყო ყველაზე ნაყოფიერი და შემეცნებითად დატვირთული ორი თვე ჩემი ცხოვრების მნიშვნელოვან პერიოდში - საკუთარი თავის ძიების პროცესში. უმაღლესი შეფასება და რეკომენდაცია ჩემგან კურსს, მის არაჩვეულებრივ ლექტორს, ხარისხზე ორიენტირებულ სკოლასა და ადმინისტრაციას.

მე პირადად ძალიან დამეხმარა რაღაც საკითხებზე პრაქტიკული მაგალითების გარჩევა ლექტორის მხრიდან და რაღაცები უფრო სიღრმისეულად გავიგე, ვიდრე აქამდე მესმოდა - ვინც ამ მიმართულებით მუშაობს ან აპირებს მუშაობას, ძალიან გამოადგება ეს კურსი.

ძალიან საინტერესო და სასიამოვნო პროცესია ლექტორთან გამოცდილების და აზრების გაცვლა. ვფიქრობ ის, რომ კურსი აწყობილია პრაქტიკულ გამოცდილებაზე ძალიან ბევრს ნიშნავს, ასევე თეორიული კუთხით იღებ ზუსტად იმ კონკრეტულ და მნიშვნელოვან ინფორმაციას, რასაც ყოველდღიურად გამოიყენებ და დაგჭირდება მუშაობის პროცესში. ეს ყველაფერი ერთად გიქმნის მუშაობის პროცესის გაანალიზების საშუალებას, გაძლევს მეტ გამოცდილებას ამა თუ იმ საკითხის დაგეგმვის და გადაჭრის გზებზე.

ჩემთვის მოულოდნელი და სასიამოვნო იყო ის ფაქტი, რომ N1 კურსდამთავრებული გავხდი - ძალიან მნიშვნელოვანია, რომ Commschool ახალისებს ჯანსაღ კონკურენციას და N1 კურსდამთავრებულს სრულად უბრუნებს სწავლის საფასურს. ასევე, Commschool-ში კურსდამთავრებულები სხვადასხვა პარტნიორი კომპანიიდან დასაქმების შესაძლებლობებს იღებენ, რაც დამწყები დეველოპერების კარიერული წინსვლისთვის ძალიან მნიშვნელოვანია - ყველას, ვისაც სურს მიიღოს ცოდნა მეგობრულ გარემოში, კვალიფიციურ მენტორებთან, ვურჩევ აირჩიოს Commschool.

Commschool ჩემი კარიერული განვითარების გზაზე გამოჩნდა ყველა საჭირო დროს და ადგილას. ვფიქრობდი რას მომცემდა კურსი, რა მოლოდინები უნდა მქონოდა, შედეგმა წარმოდგენილს გადააჭარბა. მინიმალურ დროში ის მთავარი უნარები მომცა და ის ძალა მაპოვნინა, რომლებიც მეხმარება ამ პროფესიაში მოვახდინო ჩემი თავის რეალიზება. კურსის დასრულებისთანავე მქონდა საინტერესო კომპანიებთან ინტერვიუების გამოცდილება, რომ არა ეს კურსი და ეს ცოდნა, ასე მოკლე დროში ამ გამოწვევებს ნამდვილად ვერ გავართმევდი თავს. ვაცნობიერებ, რომ Commschool-მა ძალიან მიმაახლოვა იმ მიზანთან, რომ მალე ვიპოვო საკუთარი თავი იმ საქმეში, რომელიც მომავლის პროფესიაა და რომლის კეთებაც დიდ სიამოვნებას მანიჭებს.

პროექტის დასრულების შემდეგ მქონდა დაინტერესება კომპანია Sweeft Digital-თან, სადაც დავალებად მქონდა ქვიზ აპლიკაციის აწყობა Angular-ის გამოყენებით, რომელსაც თავი გავართვი წარმატებით - კურსზე მიღებული გამოცდილება დამეხმარება კარიერულ წინსვლაში, რადგან მიღებული ცოდნა იყო სიღრმისეული. ქომსქულელობა ნიშნავს წინ გადადგმულ ნაბიჯს კარიერაში და სხვა კუთხით დანახვას დეველოპერული პროცესის. ამიტომ ვურჩევდი ყველას ამ ნაბიჯების გავლას ვინც დაინტერესებულია კარიერული მწვერვალების მისაღწევად.

ფინალურ პროექტზე მუშაობა იყო სუპერ საინტერესო ჩემთვის და მისმა შექმნამ ძალიან დიდი გამოცდილება მომცა. კურსი დატვირთული იყო უამრავი მასალით და ვფიქრობ ამომწურავი პასუხები მივიღეთ ყველა საკითხზე, რაც მთავარია თეორიული ცოდნაც მივიღეთ და პრაქტიკულიც. აუცილებლად ვურჩევდი სხვებს ამ კურსის გავლას, რადგან ლექტორი მაქსიმალურ ძალისხმევას დებდა რომ ჩვენთვის მოეწოდებინა ამომწურავი ინფორმაცია ყველა თემასთან დაკავშირებით, ასევე რაც ძალიან მნიშვნელოვანია Commschool-ის ადმინისტრაცია იყო ძალიან ყურადღებიანი, რაც თავს უფრო კომფორტულად მაგრძნობინებდა.

ქომსქულში მოსვლამდე პროგრამირებით დაინტერესებული ვიყავი, თუმცა მქონდა ქაოსი და გაურკვევლობაც - არ ვიცოდი, საიდან დამეწყო. ლექციების სათთვიანი სერიის განმავლობაში, ლექტორი გვიზიარებდა თავის ცოდნასა და გამოცდილებას, რაც დამეხმარა ნავიგაცია მომეხდინა პროგრამირების სამყაროში - რისი შესწავლა მჭირდებოდა და რა მიმართულებით უნდა განვვითარებულიყავი მომავალში. ეს კურსი, ასევე, აღმოჩნდა ჩემთვის ერთ-ერთი მნიშვნელოვანი გადაწყვეტილების მიღების წინაპირობა: გადავწყვიტე, რომ პროფესია შემეცვალა.

ამ კურსის განმავლობაში ჩემთვის ყველაზე ღირებული პრაქტიკული სამუშაო იყო. ვფიქრობ, ძალიან მნიშვნელოვანია სწავლის დროს არ იყოს მხოლოდ თეორია, რომელიც არ იცი შემდეგ სად და როგორ გამოიყენო. კურსის ყველა სავარჯიშო და ფინალური პროექტი მეხმარებოდა მიღებული ცოდნის განმტკიცებაში. მიხარია, რომ ქომსქულზე შევაჩერე არჩევანი. ინფორმაცია სისტემატიზირებული იყო და ლოგიკურად მიყვებოდა ლექციები ერთმანეთს, არც ერთი კითხვა პასუხგაუცემელი არ რჩებოდა, ლექციები ამომწურავი, სწავლის პროცესი კომფორტული. მე თამამად ვურჩევდი ამ კურსს ყველას, ვისაც ფრონტ-ენდი აინტერესებს

კურსის განმავლობაში ბევრი ახალი რამ ვისწავლე, ბევრი რჩევა და კომპლექსურ საკითხებთან სწორად მიდგომის საშუალება მქონდა. დიდი ხნის განმავლობაში ვგეგმავდი motion design-ის სწავლას და ზუსტად ის მიზანი მქონდა, რაც საბოლოოდ მივიღე ამ კურსისგან. საკმაოდ დიდ ხანს ვარჩევდი სკოლას, თუ სად ვისწავლიდი და ვთვლი, რომ სწორი არჩევანი გავაკეთე. მომწონს Commschool-ის მიდგომა და პასუხისმგებლობა, რომ რეალურად შედეგი დადოს, ცოდნა მიიღონ ადამიანებმა და არა მხოლოდ სერთიფიკატები გასცეს. ვისაც სურს რეალურად შედეგი მიიღოს და ორიენტირებულია ხარისხზე, ცოდნაზე, უპირობოდ ვურჩევ Commschool-ს.

პირველივე ლექციიდან შევამჩნიე როგორ გაორმაგდა კოლექტივის დახმარებით პირადი მოტივაცია. საკმაოდ დატვირთულმა სასწავლო პროცესმა გამიფართოვა ხედვა წვრილმან დეტალებზე, რომელსაც ადრე ვერ ვამჩნევდი და რომელიც უსათუოდ მნიშვნელოვანია დღეს დიზაინ ინდუსტრიაში, რადგან მომავალი მხოლოდ მოძრაობაშია. სიამაყით ვამბობ, რომ მიღებული გამოცდილებით თამამად შემიძლია შემდგომი ნაბიჯების გადადგმა სამომავლო შემოქმედებაში და რა თქმა უნდა დაინტერესებულ პირებსაც ვურჩევ ამ ხანმოკლე, მაგრამ საკმაოდ ეფექტური პროგრამის გავლას.

ქომსქულელობა ჩემთვის წარმატებას ნიშნავს. ქომსქულში ჩაბარებას ვურჩევდი ყველას, ვისთვისაც პრიორიტეტი ხარისხიანი ცოდნის მიღებაა. გრაფიკული დიზაინის კურსზე ჩაბარების შემდეგ 14 ლექციაში საკმარისად მიიღებ პრაქტიკულ ცოდნას, გაეცნობი საერთაშორისო დიზაინერებს და საინტერესო სტატიებს. ქომსუქლში შენზეა მორგებული სწავლის პროცესი და არის ტექნიკურად უზრუნველყოფილი, მარტივია წვდომა შენთვის საჭირო ინფორმაციაზე. ასეთ მოკლე დროშიც კი დიდ შედეგს მიიღებ და გაიზრდები.

ჩემთვის, როგორც დამწყებისთვის, რომელსაც აქამდე არანაირი თანაკვეთა არ ჰქონია გრაფიკულ დიზაინთან, კურსი ძალიან საინტერსო აღმოჩნდა. კომუნიკაციების სკოლა ახალი უნარების, საინტერესო ადამიანების გაცნობასა და გამოცდილების შეგროვებაში დამეხმარა. ეს არის ადგილი, სადაც ტექნიკური ცოდნის გარდა, მოგცემენ სწორ მიმართულებებს და დაგეხმარებიან იდეის რეალიზებაში.

ვფიქრობ, რომ ეს კურსი ყველამ უნდა გაიაროს, ვისაც ამ მიმართულებით კვალიფიკაციის ამაღლება უნდა, და არა მხოლოდ მათ. კურსი იყო მრავლისმომცველი, და არ შემოიფარგლებოდა მხოლოდ UX Design-ის საკითხებით. ბევრი ისეთი მნიშვნელოვანი მეთოდი და პრაქტიკა დავფარეთ, რაც გამოსადეგია ზოგადად ბიზნეს სამყაროში, იდეიდან - აღსრულებამდე, და შემდეგ დახვეწამდე.

თბილისის კომუნიკაციის სკოლა ჩემთვის არის ადგილი, სადაც ძალიან პროფესიონალურად და ორგანიზებულად უდგებიან ცოდნის გაზიარების და სწავლების საკითხს. ყველაზე მნიშვნელოვანი იყო სიახლეები და უამრავი ინფორმაცია UX დიზაინის სფეროდან, რამაც კონკრეტულად დამანახა ამ სფეროს სპეციფიკა და ის უნარები, რაც საჭიროა შენ წინაშე არსებული ამოცანის/პრობლემის გააზრებულად გადაჭრისათვის.

კურსს ანდროიდით დაინტერესებულ ნებისმიერ ადამიანს ვურჩევ, გაიროს ეს კურსი, რადგან პროგრამა ყველა იმ საჭირო კომპონენტს ფარავს, რაც უმცროს დეველოპერს სჭირდება სამსახურის დასაწყებად - კურსის დასრულებისთანავე გასაუბრებებს Commschool-ში მიღებული ცოდნით გავართვი თავი. საბოლოოდ, სამუშაო წინადადება “Epam”-ისგან მივიღე, რომლის გუნდსაც საბოლოოდ შევუერთდი.

Commschool-ში მივიღე ღირებული ცოდნა. აღსანიშნავია ლექტორების მხარდაჭერა სამსახურის ძიების დროს, რომლის შედეგადაც შემოთავაზებები მივიღე, ასევე იყო რეკომენდაციები სკოლის მხრიდან - კურსის დასრულების შემდეგ, საბოლოოდ, შემოთავაზებები “Space”-დან, “Flatrock Technology”-დან და “Epam”-დან მივიღე და შევუერთდი “Epam”-ის გუნდს. აქამდე დამოუკიდებლად ვსწავლობდი, სხვადასხვა ტექნოლოგიასთან მქონია შეხება, მაგრამ დიდ დროში ნაკლებ ეფექტურობას ვიღებდი. 3 თვიანი კურსის გავლის შემდეგ უკვე სრული აპლიკაციის აწყობა შემიძლია - აქამდე ასე ეფექტურად არ გამიტარებია სწავლის 3 თვე.

ამ კურსმა მასწავლა მარკეტინგის სფეროში უფრო მეტი სიღრმეების ძიება და პრაქტიკაში მოკლე ვადებში სწორი ანალიზის, დამუშავების, პროგნოზისა და გეგმის საფუძველზე ბევრად კარგი შედეგის დადება.

მიღებულმა ინფორმაციამ ჩემი ცოდნა სრულყო – გავიგე ბევრი ახალი ხელსაწყოს შესახებ, რომელთა ნაწილსაც ჩემს საქმიანობაში უკვე წარმატებით ვიყენებ. ასევე, ფასდაუდებელია ლექტორის გამოცდილებიდან გაზიარებული tips & tricks.

ეს სკოლა შენთვის არის, თუ გინდა მარკეტინგის სფეროში აზროვნების არეალი გააფართოვო, ორიენტირებული იყო არა მხოლოდ კომუნიკაციაზე არამედ სიღრმეებში ხვდებოდე რა, რისთვის, რატომ და როდის კეთდება.

სტრატეგიული კომუნიკაციის სწავლა დამეხმარა არა მხოლოდ კარიერული მიმართულებით განვითარებაში, არამედ დამანახა, როგორ შემიძლია, გამოვიყენო კომუნიკაცია სწორად ყოველდღიურ ცხოვრებაში.

საქართველოში და არა მხოლოდ საქართველოში ძალიან ბევრ ადამიანს აქვს იდეები რომელიც აუცილებლად გახდებოდა ძალიან დიდი და მომგენიანი თუ ინვესტორს იპოვის, მაგრამ იმისთვის რომ ეს ერთი შანსი ხელიდან არ გაუშვას აუცილებლად უნდა გაიაროს ეს კურსი რომ ყველა კითხვაზე ქონდეს პასუხი და დაფინანსება არ გაუშვას ხელილიდან.

ეს პროგრამა არის ისეთი ადამიანებისთვის ვისაც ერთხელ მაინც უფიქრია სტარტაპის დაწყებაზე. არ აქვს მნიშვნელობა იდეა უკვე გაქვთ თუ არა, კურსის განმავლობაში აუცილებლად იპოვით საინტერესო მიმართულებას და ისწავლით თუ როგორ აქციოთ ის რეალობად.

Flutter-ის შესწავლა გადავწყვიტე მისი მულტიპლატფორმული შესაძლებლობების გამო. როცა მოვედი ამ კურსზე, მქონდა ვებ დეველოპმენტის 10 წლიანი გამოცდილება, თუმცა მაინც ბევრი საინტერესო თემა გავიარე. ფინალური პროექტი საინტერესო და პრაქტიკული იყო, ისეთი დავალებებით სავსე, როგორიც თითქმის ყველა პროექტში იქნება. Flutter ძალიან საინტერესო ფრეიმვორქია ბევრი შესაძლებლობებით. Commschool-ის მთლიან გუნდს დიდი მადლობა და საუკეთესო შეფასება ჩემგან.

Flutter-ის სწავლა გადავწყვიტე იმ მიზეზით, რომ ის საშუალებას იძლევა შექმნა მაღალი ხარისხის აპლიკაცია, რომელიც Android-ზეც, IOS-ზეც და WEB-ზეც იმუშავებს. ეს სისტემა საშუალებას გაძლევს, შექმნა აპლიკაცია სწრაფად - ერთხელ წერ და ყველგან მუშაობს, სწრაფად ვითარდება და მოთხოვნაც დღითიდღე იზრდება. CommSchool კი ამის სწავლაში დაგეხმარებათ და დააჩქარებს ამ პროცესს.