ახალი პოსტები
- SEO სპეციალისტის კარიერა - ლუკა ცხადაძე, თორნიკე ჯანგულაშვილი
სექტემბერი 20, 2023 - რა არის IT ბიზნეს ანალიტიკა?სექტემბერი 20, 2023
- ყველაფერი მონაცემთა ინჟინერიის შესახებ - გუჯა ლომსაძესექტემბერი 19, 2023
- Python დეველოპერის კარიერული გზა - გიორგი ჯამბაზიშვილისექტემბერი 5, 2023
- გახდი SEO სპეციალისტი : გზამკვლევი კარიერაშიაგვისტო 24, 2023
“არტ გენის” რედიზაინი – ნინა სარიაშვილის ფინალური პროექტი
“კურსის დასრულების შემდეგ მნიშვნელოვნად განვვითარდი: ვისწავლე დიზაინის შექმნის პროცესის სწორად წარმართვა – აქამდე ეს პროცესი ქაოტური იყო.” – ამბობს ნინა სარიაშვილი, რომელიც თავისი ფინალური ნაშრომით Commschool-ის გრაფიკული დიზაინის კურსის ტოპ 3 კურსდამთავრებულს შორის მოხვდა, რითაც Commschool-ის პარტნიორ კრეატიულ სააგენტოში სტაჟირების შესაძლებლობა მოიპოვა.
გრაფიკული დიზაინის კურსის ბოლოს სტუდენტები ფინალურ პროექტად მათთვის საინტერესო ლოგოს რებრენდინგს აკეთებენ. ნინამ ამისთვის “არტ გენის” ფესტივალის ლოგო შეარჩია:
“ფინალური პროექტისთვის ,,არტ გენის” რებრენდინგი ავირჩიე. ფესტივალის კონცეფცია ძველის და ახლის სინთეზია, ეს იდეა ძალიან მომწონს, სწორედ ამიტომ ჩავთვალე, რომ ამ ფესტივალის ლოგოს რებრენდინგზე მუშაობაც ძალიან საინტერესო იქნებოდა.”
აქვე, იხილე “არტ გენის” არსებული და ახალი ლოგო
მისი ინსპირაციის წყარო ქართული ორნამენტები აღმოჩნდა, რომლებიც ბრენდის იდენტობას მოარგო:
“ინსპირაცია ქართული ორნამენტებიდან მოვიდა. ვეცადე არსებული ფორმები, რომლებიც ძალიან ეკლექტურია, გამემარტივებინა, დამეხვეწა, ხასიათით ბრენდისთვის მომერგო.”
საერთო ჯამში, ნინამ ლოგოში ყველა ამ დეტალს მოუყარა თავი:
“ლოგო ოთხი ნიშნისგან შედგება, რომელიც ხასიათით ქართულ ორნამენტს უკავშირდება, ფერების პალიტრა კი ფესტივალის ესთეტიკის მიხედვითაა შერჩეული; გავითვალისწინე, რომ ფესტივალი ზაფხულში იმართება.”
ნინას თქმით, კვლევის პროცესი მისთვის განსაკუთრებით მნიშვნელოვანი იყო, რამდენადაც უკვე არსებული უნარების მეტად დახვეწაში დაეხმარა:
“მუშაობის პროცესი კვლევით დავიწყე. კვლევა რებრენდინგის მნიშვნელოვანი ნაწილი იყო, დიდი დრო დავუთმე და ვფიქრობ, ამან ჩემი დიზაინზე ფიქრის პროცესი ახალ საფეხურზე გადაიყვანა.”
ნინას თქმით, სწავლების სტრატეგია მაქსიმალური ცოდნის მიღების საშუალებას აძლევდა:
“ძალიან კომფორტულია, როდესაც თავისუფლად შეგიძლია დასვა ნებისმიერი კითხვა და მიიღო მასზე ამომწურავი პასუხი, სწორი ფიდბექი რომელიც განვითარებაში გეხმარება.”
განსაკუთრებით სასარგებლო კი გამოცდილ ლექტორთან ურთიერთობა იყო:
“ჩემთვის, როგორც დიზაინერისთვის, მნიშვნელოვანი იყო ლექტორთან მუშაობა. ასეთი წარმატებული დიზაინერისგან მაგალითის აღება, მისი გამოცდილების მოსმენა მოტივაციას მმატებდა ყოველ ლექციაზე.”
მიღებული მოტივაცია კი ნამდვილად დიდი აღმოჩნდა – ნინამ დიზაინერის კარიერის განვითარებაზე უკვე დაიწყო ზრუნვა და შედეგიც სახეზეაა:
“თუკი აქამდე მხოლოდ ფრილანს პროექტებზე ვმუშაობდი, კურსის განმავლობაში გამიჩნდა მოტივაცია, რომ დიზაინერად გამეგრძელებინა კარიერული წინსვლა; შედეგმაც არ დააყოვნა და დღეს KTW group -ის დიზაინ-გუნდს შევუერთდი, რაც ვფიქრობ, ჩემთვის, როგორც დიზაინერისთვის, ახალი გამოწვევაა.”
გრაფიკული დიზაინის 14 სამსაათიანი ლექციის განმავლობაში, უამრავი დავალების დახმარებით მრავალ უნარს შეიძენ. კურსის ბოლოს Adobe Photoshop-ისა და Adobe Illustrator-ის გამოყენებასთან ერთად შეგეძლება ბრენდისთვის შექმნა ვიზუალი, გააკეთო ლოგოს სკეჩები და დრაფტ ვერსიები, მოარგო ვიზუალი სხვადასხვა მედია არხს, სწორად გააანალიზო ბრიფი, შექმნა მუდბორდები და სწორად დაგეგმო დიზაინ-პროექტები. რაც მთავარია, კურსი არის დამწყებთათვის, მისი გავლა ნებისმიერ მსურველს შეუძლია და არანაირ აუცილებელ ცოდნას არ საჭიროებს.
მნიშვნელოვანი არის ისიც, რომ კურსდამთავრებულები Alumni Club-ის წევრები ხდებიან, რომლის ფარგლებშიც სხვადასხვა წამყვანი პარტნიორი კომპანიიდან დასაქმებისა და სტაჟირების შესაძლებლობებს იღებენ.
ნინამ კურსის განმავლობაში თავისი უნარები დახვეწა და კრეატიულ სააგენტოში სტაჟირების შანსიც მოიპოვა. იმავეს მიღწევა შენც შეგიძლია. შემოგვიერთდი
ავტორი: ანანო ფეიქრიშვილი
მიიღე ინდივიდუალური კონსულტაცია უფასოდ
აირჩიე, რა შეგეძლება
გამოიწერე სიახლები
© 2018 თბილისის კომუნიკაციის სკოლა
