Front-end დეველოპმენტის შესწავლა გადავწყვიტე, რადგან ის ერთ-ერთი ყველაზე პროგრესული, მოთხოვნადი და საინტერესო სფეროა.
Front-end დეველოპერი არის პროგრამული უზრუნველყოფის შემქმნელი, რომელიც სპეციალიზირებულია ვებსაიტებისა და ვებ-აპლიკაციების, მომხმარებლის ინტერფეისისა (UI) და მომხმარებლის გამოცდილების (UX) შექმნაში. Front-end დეველოპერის მთავარი პასუხისმგებლობაა, უზრუნველყოს მომხმარებლისთვის მოსახერხებელი, ესთეტიკურად სასიამოვნო და ფუნქციურად ეფექტური ვებსაიტის ან აპლიკაციის ვიზუალური და ინტერაქტიული ასპექტები.
ტექნოლოგიურ სამყაროში არსებული მრავალი სფეროდან, სწორედ Front-end Development-ზე გააკეთა არჩევანი ჩვენმა კურსდამთავრებულმა – ლადო ტორჩინავამ, რომელსაც ამ ბლოგში გაგაცნობ.
გარკვეული წარმოდგენა მქონდა, თუ რა არის საჭირო იმისთვის, რომ ამ პროფესიას სრულად დაეუფლო და რა უპირატესობები თუ დადებითი მხარეები აქვს ამ სფეროში მოღვაწეობას.
როდესაც ლადო Commschool-ს შემოუერთდა, მხოლოდ გარკვეული წარმოდგენა ჰქონდა HTML-სა და CSS-ზე, თუმცა, კურსის განმავლობაში ის ფუნდამენტები შეისწავლა, რომლებიც აუცილებელი და საჭიროა იმისთვის, რომ პროფესიულ დონეზე დაეუფლებოდა ამ სფეროს.
კურსის გავლის შემდეგ მაქვს ცოდნა, რომელიც გამიმარტივებს ყველა შემდეგ ნაბიჯს.
რაც შეეხება სალექციო პერიოდს, ლადო დადებით უკუკავშირს გვიზიარებს, რადგან, მისი აზრით, ლექტორის მიერ ყველა საკითხზე გაცემული პასუხები, ინტერაქციულ ლექციებთან ერთად, სტუდენტების ცოდნის ხარისხზე დადებითად ისახებოდა.
პრაქტიკული დავალებებით უფრო განვამტკიცებდით ჩვენს ცოდნას და მთელი სწავლის პროცესი თანმიმდევრული და უფრო ეფექტური ხდებოდა.
პრაქტიკაზე დაფუძნებული, თანმიმდევრული კურსის ბოლოს, ყველა სტუდენტი დამოუკიდებლად მუშაობს ფინალურ პროექტზე, რაც ლადოს თქმით ცოტა სტრესული და ამავდროულად საინტერესო გამოცდილება იყო.
საბოლო ჯამში სახალისო და საინტერესო პროცესი გამოვიდა, რომლითაც ვისიამოვნე, მითუმეტეს, როცა უკვე ფინალში გავედი და კმაყოფილების გრძნობა დამეუფლა.
გუნდური და საერთო მიზნისკენ მიმართული სასწავლო პროცესის გავლის შემდეგ, ლადომ წარმატებით შეასრულა თავისი ფინალური პროექტი და Front-end-ით დაინტერესებულ ადამიანებს ურჩევს:
სხვებს ვურჩევდი Commschool-ში ჩაბარებას, რადგან როცა იწყებ Front-end-ის შესწავლას, ეს იდეალური ადგილია იმისთვის, რომ გეგმები სისრულეში მოიყვანო. ისეთი ლექტორი გასწავლის, რომელსაც სურვილი და „მუღამი“ აქვს, რომ მაქსიმალური ცოდნა წაიღო მისგან და თავს არაფერში ზოგავს.
მე კი გეტყვი, რომ Intro to Front-end Development-ის კურსს 12 ივნისს ვიწყებთ. თუ მისი შესწავლა შენთვის საინტერესოა და ამ მიმართულებით ახალი ცოდნისა და გამოცდილების შეძენა გსურს, შემოგვიერთდი!
