თანამედროვე სამომხმარებლო ინტერფეისების შექმნა კომპლექსური და მრავლისმომცველი სფეროა, რომლის სირთულეების გადასაჭრელადაც React ერთ-ერთი ყველაზე გამორჩეული და მოთხოვნადი Front-end ტექნოლოგიაა.
ნებისმიერი ახალი უნარის შესწავლამდე კი გინდა დარწმუნდე, რომ დროის, ფინანსებისა და ძალისხმევის დახარჯვა მისთვის ნამდვილად ღირს. ამიტომ ამ ბლოგში მინდა ის 5 მიზეზი გაგიზიარო რის გამოც, React-ის შესწავლა Web დეველოპმენტში განვითარებისთვის საუკეთესო გადაწყვეტილება იქნება.
Quess-ის ანგარიშის მიხედვით, React დეველოპერის პოზიციაზე გამოცხადებული ვაკანსიების რაოდენობა 184%-ით გაიზარდა! საქმე ისაა, რომ თავისი სიმარტივით დეველოპერებს დროს უზოგავს, რაც კომპანიებისთვის განსაკუთრებით საინტერესო ხდება: დეველოპერების დაზოგილი დრო კომპანიისთვის დაზოგილი ფინანსებია; ამდენად, React ტექნოლოგია კომპანიებისთვის მოსახერხებელს ხდის პროექტები მცირე დროში შასრულოს, რაც ბუნებრივია, React დეველოპერის პროფესიას მოთხოვნადობაზეც აისახება.
აქვე გეტყვი, რომ Linkedin-ის მიხედვით React N1 მოთხოვნადი Front-end ტექნოლოოგიაა, ასევე საინტერესოა ისიც, რომ ტექნოლოგიური მიმართულებით გამოცხადებულ ვაკანსიებს შორის 47.6% -ში React-ია.
ალბათ დამეთანხმები, რომ ის, რაც ასეთი მოთხოვნადი და მნიშვნელოვანია, საკმაოდ მაღალანაზღაურებადიცაა.
საქართველოში React დეველოპერის ყოველთვიური ანაზღაურება, საშუალოდ 3500 ლარია, საერთაშორისო ბაზარზე კი წლიური შემოსავალი 54-დან 92 ათას დოლარამდე მერყეობს. ამასთან, პროფესია საშუალებას გაძლევს, ფრილანსერადაც იმუშავო, ისეთ დიდ პლატფორმებზე, როგორებიც Toptal და Upwork-ია.
თუ ისიც გაინტერესებს თუ რამდენია საშუალო ანაზღაურება ამ ორ პლატფორმაზე, გეტყვი, რომ React დეველოპერის საათობრივი ანაზღაურება 20$-48$ შუალედშია (Upwork: 20-38$; და Toptal:36-48$).
Github-ის გამოკითხვის მიხედვით, React N1 Front-end ტექნოლოგიად დასახელდა. ასევე, 2020 წელს Stack Overflow-ის დეველოპერთა გამოკითხვაში React დეველოპერების N2 ყველაზე საყვარელ framework-ად დასახელდა, რაც გასაკვირი არცაა, რადგან ის დეველოპერებისთვის ძალიან კომფორტულია: მისი დახმარებით, დინამიური, მასშტაბირებადი სამომხმარებლო ინტერფეისების შექმნა მინიმალური კოდირებით, ძალიან მოკლე დროშია შესაძლებელი.
და რა თქმა უნდა, ასეთ მოთხოვნად ტექნოლოგიას ის უპირატესობაც აქვს, რომ მის ირგვლივ უზარმაზარი კომუნა იკრიბება:
ყოველკვირეულად მას 7 მილიონამდე ჩამოტვირთვა აქვს. შედეგად კი მეტი და მეტი რესურსი ჩნდება – მხოლოდ Github-ზე რამდენი open-sourced პროექტია! ესეც არ იყოს, Facebook ცდილობს, React ბაზარზე საუკეთესო JavaScript ბიბლიოთეკად აქციოს, რაც React დეველოპერის პროფესიის ხანგრძლივი აქტუალურობის გარანტიას იძლევა.
დღესდღეობით, React-ის ტექნოლოგიით შექმნილია 1 000 000+ საიტი და იყენებენ ისეთი კომპანიები იყენებენ, როგორიცაა: BBC, Twitter, Reddit,, Netflix, Facebook, Dropbox, Khan Academy, Airbnb, PayPal, Walmart, Tesla Motors, IMDb და ა.შ.
და ბოლოს, მისი სწავლის შემდეგ შეგიძლია, არამხოლოდ კომპლექსური web აპლიკაციები შექმნა, არამედ React Native-ის მიმართულებითაც განვითარდე და აპლიკაციები iOS და Android მოწყობილობებისთვის შექმნა.
თუ ბლოგის წაკითხვის შემდეგ კიდევ მეტად დარწმუნდი, რომ ეს ისაა, რისი სწავლაც გსურს, გეტყვი, რომ React-ის შესწავლა Commschool-ში შეგიძლია. პროგრამას ლაშა კახიძე წაიყვანს, რომელიც ამჟამად ამერიკულ კომპანია Padsplit-ში იკავებს Senior Software Engineer-ის პოზიციას.
კურსის გავლის შემდეგ კი შეგეძლება:
JavaScript-ის ენის თავისებურებების სწორად გამოყენება
JavaScript-ის ასინქრონული ბუნების აღქმა და მისი მუშაობის პრინციპების გამოყენება
React-ის როგორც ხელსაწყოს ყველა ძირითადი კონცეფციის გააზრება და გამოყენება
React-ის ეკოსისტემის მთავარი ინსტრუმენტების გამოყენება
React-ის ძლიერი და სუსტი მხარეების გარჩევა
პატარა და საშუალო დონის აპლიკაციების შექმნა და მათი განთავსება
ვფიქრობ საკმარისი მოტივაციით შეიარაღდი, ახლა კი დროა გადადგა პირველი ნაბიჯი
