თანამედროვე სამომხმარებლო ინტერფეისების შექმნა უზომოდ კომპლექსური და მრავლისმომცველი სფეროა, რომელშიც უამრავი გამოწვევა და სირთულეა. ამ სირთულეების გადასაჭრელად  React ერთ-ერთი ყველაზე გამორჩეული, პოპულარული და შესაბამისად ერთ-ერთი ყველაზე მოთხოვნადია ბაზარზე. React Facebook ის მიერ შექმნილი ტექნოლოგიაა, რომელიც საშუალებას გვაძლევს სწრაფად და მოქნილად შევქმნათ მასშტაბირებადი სამომხარებლო ინტერფეისები. მას იყენებენ ისეთი კომპანიები როგორიცაა: Facebook, Netflix, Twitter, Airbnb, Uber  და სხვა.

კურსის გამავლობაში ვისწავლით და პრაქტიკაში განვიხილავთ Javascript – ის იმ ასპექტებს, რომელიც საჭირო იქნება React -ის შესასწავლად, ხოლო ამის შემდეგ შევისწავლით React-ის კონცეფციებს, ნიუანსებს, არქიტექტურულ ნაწილებს და ყველა იმ საჭირო უნარებს, რომელიც დამწყებ React დეველოპერს სჭირდება.

კურსი არის ნებისმიერი ადამიანისთვის, ვისაც აქვს საწყისი ცოდნა WEB დეველოპმენტში, იგულისხმება HTML, CSS და Javascript -ის საწყისები. აქვს ინგლისურის საკმარისი ცოდნა, რათა თავისუფლად შეძლოს წაიკითხოს და გაიაზროს ტექნიკური დოკუმენტაცია. აქვს მოტივაცია ისწავლოს კომპლექსური საკითხები პრაქტიკულ მაგალითებზე.

კურსი მოიცავს პრაქტიკაზე დაფუძნებულ სწავლებას, რაშიც იგულისხმება დავალებები / სავარჯიშოები და ინდივიდუალური პროექტი.

პროგრამის განმავლობაში მიიღებ რჩევებსა და კონსულტაციებს კარიერული დაგეგმვის კუთხით. მისი წარმატებით დასრულების შემთხვევაში კი გექნება კარიერული მხარდაჭერა Commschool-ის პარტნიორი კომპანიებისგან, რაც გამოიხატება ექსკლუზიურ სამუშაო შემოთავაზებებსა და სტაჟირებაში.

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.