React -ის N1 კურსდამთავრებულს სწავლის გადასახადი დაუბრუნდა

Commschool-ში ტექნოლოგიური მიმართულებით კურსებზე Intro to Front-end Development, Flutter, Introduction to Programming, Angular და React თუ N1 კურსდამთავრებული გახდები, სწავლის გადასახადი სრულად დაგიბრუნდება უკან!

ლუკა კილაბერიძე React-ის N1 კურსდამთავრებულია. ნომერ პირველ კურსდამთავრებულობა ლუკას ცოდნასა და ახლად შეძენილ უნარებში უფრო მეტი თავდაჯერებულობის ქონის საბაბს აძლევს. როგორც თავად ამბობს:

ეს ჩემთვის ნიშნავს იმას, რომ რაც მგონია რომ ვიცი, ნამდვილად ვიცი. ეს ყველაფერი გაძლევს საშუალებას მალევე აქციო მიღებული ინფორმაცია რეალურ ცოდნად, გამოიმუშაო ერთგვარი რუტინა და მიეჩვიო ინდუსტრიის რეალურ ტემპს.

ყველაფერი კი მაშინ დაიწყება, როცა React-ის კურსს შემოუერთდები: ისწავლი და პრაქტიკაში განიხილავ Javascript – ის იმ ასპექტებს, რომელიც საჭირო იქნება React -ის შესასწავლად. ამის შემდეგ გაეცნობი React-ის კონცეფციებს, ნიუანსებს, არქიტექტურულ ნაწილებს და ყველა იმ საჭირო უნარებს, რომელიც დამწყებ React დეველოპერს სჭირდება. 16 ლექციაში შენ კი უკვე გეცოდინება:

JavaScript -ის ენაზე დამოუკიდებლად წერა
JavaScript-ის ენის თავისებურებების სწორად გამოყენება
JavaScript-ის ასინქრონული ბუნების აღქმა და მისი მუშაობის პრინციპების გამოყენება
React-ის როგორც ხელსაწყოს ყველა ძირითადი კონცეფციის გააზრება და გამოყენება
React-ის ეკოსისტემის მთავარი ინსტრუმენტების გამოყენება
React-ის ძლიერი და სუსტი მხარეების გარჩევა
საშუალო დონის აპლიკაციების შექმნა და მათი განთავსება.

კურსი არის ნებისმერი ადამიანისთვის, ვისაც აქვს საწყისი ცოდნა WEB დეველოპმენტში, იგულისხმება HTML CSS და Javascript -ის საწყისები. აქვს ინგლისურის საკმარისი ცოდნა, რათა თავისუფლად შეძლოს წაიკითხოს და გაიაზროს ტექნიკური დოკუმენტაცია. და რაც მთავარია, აქვს მოტივაცია, ისწავლოს კომპლექსური საკითხები პრაქტიკულ მაგალითებზე.

ერთ-ერთი ყველაზე მთავარი, რაც ამ კურსმა მომცა, არის ის, რომ უკვე ვიცი, ზოგადად რა ფუნქციას ასრულებენ სხვადასხვა პროგრამირების ენები, რა ღირებულებებზე და იდეებზეა დაფუძნებული მათი ფუნქციონალი და არქიტექტურა... საკმაოდ ღირებული იყო ლექტორის მიერ გაზიარებული პირადი გამოცდილებაც.

ფინალური პროექტი – პირველი სრულყოფილი დავალება, ლუკასთვის გამოწვევებით დატვირთული აღმოჩნდა:

სხვა დავალებებისგან განსხვავებით, ფინალურ პროექტში ერთი დიდი და მრავალფეროვანი ფუნქციონალის მქონდე ვებ აპლიკაციის შექმნა დაგვევალა, რაც თავის მხრივ უდიდესი გამოწვევა გამოდგა, რადგან ეს ჩემთვის პირველი რეალური სრულყოფილი პროექტი იყო.

როგორც ამბობს, პროექტზე მუშაობისას თითქოს თავიდან ისწავლა კურსის განმავლობაში გავლილი ხელსაწყოები და მათი ცალცალკე და კომბინაციებში გამოყენება. უშუალოდ კოდის წერამდე აპლიკაციის არქიტექტურაზე მუშაობა ბევრ ფიქრსა და ფურცელზე ხატვას მოიცავდა. თუმცა ბოლოს ყველაფერი ერთი დიდი წარმატებით დასრულდა: