იცოდი, რომ ვებ-გვერდსა და აპლიკაციაზე მუშაობენ ისეთი ადამიანებიც, რომლებიც არ არიან მათ ტექნიკურად და ვიზუალურად გამართვაზე პასუხისმგებელი? მეტსაც გეტყვი, UX Design არის მიმართულება, რომელიც აპლიკაციის/ვებ-გვერდის შინაარსობრივ დაგეგმვაზეა ორიენტირებული. ის ქმნის ჩონჩხს, რომელსაც UI (User Interface) დიზაინერი ხორცს ასხამს და ვიზუალურ მხარეს სძენს.
UX (User Experience) Designer ფაქტობრივად, გვევლინება ფსიქოლოგისა და სოციოლოგის როლში, სწავლობს შენს გამოცდილებას და ამის მიხედვით კვალავს გზას, როგორ იყოს აპლიკაცია უფრო მარტივად გამოსაყენებელი, ესთეტიურად სასიამოვნო და ინტერაქციული. მაგალითად, სად განლაგდეს ღილაკები, რა რაოდენობით იყოს ინფორმაცია ციფრულ პროდუქტში, რა შესაძლებლობები უნდა შემოგთავაზოს აპლიკაციამ/ვებგვერდმა და ა.შ.
ყველა პროფესიას აქვს სპეციფიკური უნარები, რომლებსაც ამ მიმართულებით დასაქმებული ადამიანი უნდა ფლობდეს. ამიტომ გაგაცნობ UX Designer-ისთვის აუცილებელ Soft, Hard და Transferable ‘სქილებს’.
რატომ არის UX Design მნიშვნელოვანი? პირველ რიგში, გეტყვი, რომ ეს სფერო არის საშუალება, რომლითაც ბიზნესს შეუძლია მომხმარებლის მოთხოვნილება დააკმაყოფილოს. განურჩევლად იმისა, თუ რა პროდუქტს ქმნის მწარმოებელი, მომხმარებლების მხარდაჭერა მაინც სჭირდება. ამიტომაც დღითი დღე უფრო პოპულარული ხდება UX Design ციფრული რევოლუციის პირობებში.
შენი ინტერესი რომ გავზარდო UX Design-ის მიმართ, ცნობილი კომპანიების UX Designer-ების წლიურ ანაზღაურებაზეც მოგიყვები. მაგალითად, Meta-ში 168 000-263 000$-ის ფარგლებში მერყეობს, Google-ში – 162 000-264 000$-ის, Apple-ში – 149 000 – 234 000$-ის, Amazon-ში კი – 145 000-232 000$-ის.
საკმაოდ საინტერესო და მრავალფეროვანია UX დიზაინი, არა? გარდა კარგი ანაზღაურებისა, ეს სფერო გაძლევს საშუალებას, ადამიანების ყოველდღიურობა გააუმჯობესო და ციფრულ სამყაროში მათ სუპერ გმირებად მოევლინო . ასევე, ბევრი პროფესიონალის კარიერული სტარტი UX დიზაინი სულაც არ ყოფილა. ამიტომ, თუ დიდი ხანია ფიქრობ პროფესიის შეცვლაზე და ვერ გადაგიწყვეტია რა გაინტერესებს, UX დიზაინი კარგი შესაძლებლობაა ძალების მოსინჯვისა და საკუთარი თავის პოვნისთვის.
