თიკო ბიბილაშვილის ფინალური პროექტი – UX Research & Design

“იმ თეორიული მასალის გარეშე, რაც კურსზე გავიარე პრაქტიკულად ვერაფერს შევძლებდი. თითოეული ნაბიჯი და კვლევის ეტაპი მაახლოვებდა მიზანს, მიმეღო პროდუქტი, რომელიც მაქსიმალურად იქნებოდა მორგებული ჩემს user-ებზე და იქნებოდა რეალობასთან შესაბამისობაში” – ამბობს თიკო ბიბილაშვილი, UX Research & Design-ის კურსდამთავრებული, რომლის ფინალური ნაშრომისა და კურსის განმავლობაში მის მიერ მიღებული გამოცდილებას ამ ბლოგში გაგიზიარებთ.

UX დიზაინის კურსის ბოლოს სტუდენტები ფინალურ პროექტს ამზადებენ, რომლის ფარგლებშიც UX პროცესებს სრულად გადიან. თიკოს ფინალური პროექტი განათლების მიმართულების crowdfunding აპლიკაციის შექმნას გულისხმობდა. პროექტზე მუშაობისას თიკომ ჩაატარა ემპათიის კვლევა, ააწყო customer journey, საბოლოოდ კი აპლიკაციის პროტოტიპიც შექმნა.

როგორც თიკო ამბობს, საკუთარი ცოდნის UX-ის მიმართულებით გაფართოებამ მეტი გასაქანი მისცა:

“პროექტზე მუშაობა ჩემთვის ძალიან საინტერესო აღმოჩნდა. აღმოვაჩინე რომ შეიძლება “მარტო ხელები” არ ვიყო და უბალოდ ლამაზი ფერადი დიზაინები არ ვხატო. იმ თეორიული მასალის გარეშე, რაც კურსზე გავიარე პრაქტიკულად ვერაფერს შევძლებდი. თითოეული ნაბიჯი და კვლევის ეტაპი მაახლოვებდა მიზანს, მიმეღო პროდუქტი, რომელიც მაქსიმალირად იქნებოდა მორგებული ჩემს user-ებზე და იქნებოდა რეალობასთან შესაბამისობაში.”

თბილისის კომუნიკაციის სკოლა კურსდამთავრებულები

მომხმარებელზე მორგებული რეალობასთან შესაბამისი ციფრული პროდუქტის შექმნა, როგორც თიკო ამბობს, კურსის განმავლობაში განვლილი თეორიული მასალის გარეშე წარმოუდგენელი იქნებოდა. თუმცა, ამასთან ერთად, მისთვის კვლევის ჩატარების პროცესიც გამორჩეული გამოცდილება აღმოჩნდა:

“კვლევებზე მუშაობა იყო ყველაზე ღირებული რამ. ვისწავლე ჩემი პროდუქტის პოტენციური მომხმარებლების თვალებით ხედვა და ფიქრი. ვფიქრობდი, როგორ იქნებოდა უკეთესი მათთვის და არა – ჩემთვის.”

როგორც თიკო გვიყვება, პროექტზე მუშაობა იმდენად ჩამთრევი და გასართობი აღმოჩნდა, რომ თავის ჰიპოთეტურ პერსონებს ხშირად წარმოისახავდა და ელაპარაკებოდა კიდეც, რომ უკეთ მიმხვდარიყო, როგორც მისი პროდუქტის მომხმარებელს, რა ენდომებოდა თითოეულ მათგანს:

“ჰიპოთეტური პერსონა შევქმენით, თავისი სახელებით და ინტერესის სფეროებით და სულ მათზე ვფიქრობდი. მათ უნდა მივეყვანე სრულყოფილ პროდუქტამდე. ეს 3 წარმოსახვითი ადამიანი თითქოს მართლა სულ ჩემთან იყო 3 თვე”

ასევე, თიკოსთვის Commschool-ში ჩაბარება რეალური გამოცდილების მიღების საშუალება გახდა:

“Commschool არის რეალური გამოცდილებისა და ცოდნის მიღების ადგილი ყველაზე კარგი მენტორებით და, რა თქმა უნდა, ეს არის ადგილი, სადაც არ ეზარებათ მოგისმინონ, გიპასუხონ და გასწავლონ. ”

თბილისის კომუნიკაციის სკოლა კურსდამთავრებულები

აქვე გეტყვი, რომ UX კვლევა, დიზაინი, პროტოტიპის შექმნა, მომხმარებლის ტესტირება და შედეგების გაზომვა – ეს ის საკითხებია, რომლებსაც UX Research & Design-ის კურსის განმავლობაში საფუძვლიანად გაივლი. შედეგად, კურსის ბოლოს, მათ UX პროცესის სრული აღქმა შეგეძლება: კვლევის ჩატარებიდან, პროტოტიპის შექმნამდე და გატესტვამდე, ეს კი, საბოლოოდ, საშუალებას მოგცემს, მომხმარებელზე ორიენტირებული ციფრული პროდუქტი შექმნა. 

პროგრამა კი განკუთვნილია UX დიზაინერებისთვის, UI დიზაინერებისთვის, გრაფიკული დიზაინერებისა და პროდუქტ მენეჯერებისთვის, ასევე, ყველა იმ ადამიანისთვის, ვინც მონაწილეობს ციფრული პროდუქტის შექმნაში და უწევს ურთიერთობა პროდუქტის დაგეგმვასთან. შემოგვიერთდი.

პროგრამის აღწერა


ავტორი: ანანო ფეიქრიშვილი


UX Research & Designთიკო ბიბილაშვილიფინალური პროექტი



გამოიწერე სიახლეები

გაიარე კონსულტაცია

გაგზავნა