თამარ გოგიტიძის გზა გრაფიკული დიზაინის კურსიდან Socialsharks-ში

ამ ბლოგში თამარ გოგიტიძესა და მის პროექტზე მოგიყვები, რომელზეც მან გრაფიკული დიზაინის კურსის დასრულებისას იმუშავა, საუკეთესო კურსდამთავრებულებს შორის მოხვდა და ახლა ALUMNI CLUB-ის ფარგლებში სტაჟირებას Socialshark-ში გადის. თამარი ამის შესახებ შთაბეჭდილებებს განსაკუთრებული აღტაცებით გვიზიარებს:

მიღებული ცოდნა დამეხმარა დამეწყო ახალი პროფესიით განვითარება. კურსის დასრულების შემდეგ კრეატიულ სააგენტო Socialsharks-ში დავიწყე სტაჟირება. რეალურ პროექტებზე მუშაობისას სულ სხვა თვალით შევხედე ამ პროფესიას და მივხვდი, თუ რამდენად მნიშვნელოვანია ცონდის პრაქტიკაში გამოყენება

თამარი ამბობს, რომ კურსის განმავლობაში მრავალფეროვანი ცოდნა მიიღო. ეს არის როგორც ტექნიკური, ასევე ბრიფთან მუშაობის გამოცდილება. COMMSCHOOL-ში მოხვედრამდე გრაფიკულ დიზაინში არანაირი ცოდნა არ ჰქონდა, სულ რაღაც 14 ლექციის გავლის შემდეგ კი, მან დამოუკიდებლად შეძლო შეექმნა ფინალური პროექტი, Time-ის რებრენდინგზე.

თამარი აღნიშნავს, რომ თავდაპირველად COMMSCHOOL-ის გარანტირებული სტაჟირებით მოიხიბლა:

გრაფიკული დიზაინით განსხვავებული პროფესიით მუშაობის პროცესში დავინტერესდი, ხშირად მიწევდა დიზაინერთან ერთად მუშაობა, რაც ძალიან საინტერესო აღმოჩნდა ჩემთვის. ვფიქრობდი ყველაფრის შესწავლას ჩემით შევძლებდი, თუმცა COMMSCHOOL-ის გარანტირებულმა სტაჟირებამ მომხიბლა და გადავწყვიტე, რომ ეს კურსი გამევლო

თამარის თქმით, მიღებული ცოდნა ყველაზე მეტად პრაქტიკაში გამოჩნდა, სწორედ მაშინ, როცა პროექტზე მუშაობას შეუდგა:

ფინალურ პროექტზე მუშაობა ძალიან საინტერესო და შრომატევადი იყო. მცირე დროში შეძენილი ტექნიკური და კრეატიული სქილების დემონსტრირება საკმაოდ რთული აღმოჩნდა, მაგრამ ამავდროულად მუშაობის პროცესში დავრწმუნდი თუ რამხელა ცონდა მივიღე.

თამარის შთაბეჭდილებები სწორედ იმის შედეგია, რომ გრაფიკული დიზაინის კურსი დატვირთული და ინტენსიურია. ყველა ლექციას მოსდევს დავალება, ხოლო კურსის ბოლოს სტუდენტებს უწევთ რებრენდინგზე მუშაობა, რაც დაუვიწყარ თავგადასავალს უკავშირდება.

თეორიული და პრაქტიკული ცოდნის გარდა თამარმა COMMSCHOOL-ში პერსონალური, მეგობრული ურთიერთობებიც დაამყარა ლექტორთან, მისი თქმით, ლექტორი საკუთარი საქმისადმი სიყვარულის დემონსტრირებას ახდენდა, ეს დამოკიდებულება კი ფასდაუდებელია.

თამარის თქმით, COMMSCHOOL-ში ყველაფერთან ერთად ადმინისტრაციული საკითხებიც ძალიან გამართულია. ყველაფერი ისეა აწყობილი, რომ ცოდნის მიღება მაქსიმალურად კომფორტული, სტუდენტსა და მის საჭიროებებზე მორგებული იყოს.

ამიტომ თუ შენც გსურს, რომ მინიმალურ დროში მიიღო მაქსიმალური ცოდნა გრაფიკული დიზაინის მიმართლებით და თან გინდა, რომ შენც მიაღწიო წარმატებას ამ სფეროში, შემოგვიერთდი, გრაფიკული დიზაინის კურსს 19 სექტემბერს ვიწყებთ!