ძველ ვერსიაზე გადასასვლელად დააჭირე აქ

გურული ჩაი "პლანტაციის" კონტენტ კამპანია - რომა კალანდაძის ფინალური ნაშრომი

blog-detail-img

ნება მომეცი, ხელოვნების ახალ ფორმას გაგაცნო. მას კონტენტ მენეჯმენტი ჰქვია და დღესდღეობით ერთ-ერთი ყველაზე მოთხოვნადი სფეროა, როგორც კრეატიულ, ასევე ბიზნეს სამყაროში. კონტენტ კრეატორის პოზიციამ ჩვენი ყურადღება ერთი უბრალო მიზეზის გამო მიიპყრო: იგი შთაგონებას მომგებიანს ხდის.

ეს გასაკვირი არცაა, რადგან კონტენტ კამპანიები ნებისმიერი ბრენდის წარმატების უკან დგას. ის, თუ რა გვიზიდავს ბრენდში, რა იკვეთება მის მესიჯში, რა არის მასში განსაკუთრებული, რაც არ აქვთ სხვებს – ამაზე კონტენტ კამპანია და მისი შემქმნელი გვიყვება. ხშირად მომხმარებლის გულის მოსაგებად, ერთმანეთზე მიწყობილი, სწორად გათვლილი დეტალების ნაკადიც საკმარისია. მთავარია, არ უღალატო შენს უნიკალურ ხედვას (სტრატეგია, რომელსაც კონტენტ კრეატორი ყველაზე უკეთ იყენებს).

რომა კალანდაძე, Content Management-ის კურსდამთავრებული, ამ ბლოგში თავისი გამოცდილების საინტერესო თუ გამომწვევ მხარეებს გაგვიზიარებს. კითხვაზე, თუ რატომ გადაწყვიტა Content Management-ის შესწავლა და როგორ მოხვდა ჩვენთან, რომა პასუხს Commschool-ის სასწავლო კურსის აღწერაში ამოკითხული წარწერით იწყებს: „კონტენტი ჩვენი ყოველდღიურობის დიდი ნაწილია, შეიძლება გაიგო, შეხედო და აღიქვა მრავალფეროვნად, ამიტომაც კონტენტია ყველაფერი და კონტენტია ყველგან“.

ციფრული მარკეტინგის მენეჯერებისთვის კარგი კონტენტი და მაღალი "ინგეიჯმენტი", სამიზნე აუდიტორიასთან წვდომა დიდი აზარტი, ვნება და წარმატებაა. სასიამოვნოა განცდა, რომ შეგიძლია კარგი და გრძელვადიანი კონტენტ კამპანიით ადამიანების განწყობების, შეხედულებების სასიკეთოდ შეცვლა. ჩემმა სამმა მეგობარმა გაიარა Commschool-ში იგივე კურსი, სამივემ უდიდესი რეკომენდაცია გაუწია, სამივეს ვენდობი და მათი პროფესიული აზრი ჩემთვის მნიშვნელოვანია, ამიტომ გადავწყვიტე, რომ ჩემთვისაც სასარგებლო იქნებოდა კურსის გავლა.

პანდემიის პირობებში Commschool-ის საკლასო ოთახებმაც ონლაინ გადაინაცვლა. რომამ, თავდაპირველი შიშების მიუხედავად, აღმოაჩინა, რომ ამ სიტუაციაშიც კი, შესაძლებელი იყო ძლიერი კავშირის დამყარება არა მხოლოდ სფეროს შიდასამზარეულოსთან, არამედ პროცესსში ჩართულ ადამიანებთანაც. 

შემიძლია ყველა ჯგუფელი სათითაოდ ჩამოვთვალო და ვთქვა, თუ როგორი ჭკვიანები და კარგები იყვნენ, რამდენი რამ ვისწავლე მათგან და კურსის ლექტორი, უკარგესი ლიანა - ზოგჯერ მიკვირდა როგორ შეეძლო მილიონჯერ გაეწყვიტა საუბარი და ჩვენს კითხვებზე პასუხი გაეცა. ნამდვილად დასაფასებელი იყო მისი დამოკიდებულება, მონდომება და ენერგია, რომელიც მთელი სასწავლო პროცესის განმავლობაში ჩანდა. ეს ადამიანები და ურთიერთობები იყო ჩემთვის ყველაზე დიდი და სასიამოვნო გამოცდილება, იმ პრაქტიკულ, მნიშვნელოვან დავალებებთან ერთად, რომელსაც ყოველი დღის შემდეგ ვაკეთებდით.

კურსის ბოლოს დაგიგროვდება საჭირო ცოდნა იმისთვის, რომ კონტენტ კამპანია შექმნა ნებისმიერ იდეაზე, სასურველ ბრენდზე/კომპანიაზე/სტარტაპზე, რომელსაც აქვს მთავარი მესიჯი, ბექგრაუნდი, tone of voice და ინსაითი. რაც მთავარია, ისწავლი, როგორ ჩაუშვა იგი სხვადასხვა სოციალურ მედია არხში, გაეცნობი თითოეულ შემთხვევასთან დაკავშირებულ განსხვავებულ მიდგომას.

ამ ყველაფერში კი დაგეხმარება ფინალური პროექტი, რომლის შექმნის გარეშეც არცერთი კურსდამთავრებული არ ტოვებს პროგრამას. ფინალური პროექტი მაქსიმალურადაა მიმსგავსებული რეალურ პროექტს და საშუალებას გაძლევს, მოსინჯო შენი თავი და შესაძლებლობები. მასზე მუშაობის პროცესი რომასთვის განსაკუთრებით ინფორმატიული და შემოქმედებითად დატვირთული აღმოჩნდა. პროექტის თემა და სტრუქტურა რამდენიმე კრიტერიუმის მიხედვით შეარჩია: პირველ რიგში, უნდოდა ყოფილიყო რეალური და არა აბსტრაქტული. მეორე – უნდოდა, კონტენტი თავად შეექმნა, გადაეღო და ამისთვის მომზადებულიყო. მესამე – უნდოდა ამბავი მოეყოლა საინტერესო ადამიანების შესახებ, რომლებიც ქმნიან და შრომობენ და მეოთხე – ეძებდა თავგადასავალს.

მე გურიიდან ვარ, ამიტომ ავარჩიე გურული ჩაი და ჩემი ძვირფასი მეგობრის საწარმო ,,პლანტაცია’’. ჩემთვის მთავარი გამოწვევა იყო ისეთი ინსაითის მოფიქრება, რომელიც რეალურ განწყობებს და შეგრძნებებს გადმოსცემდა, რაც ჩაის კრეფის დროს ვიგრძენი, უკარგეს, უშრომისმოყვარულეს, იუმორით და ღიმილით სავსე გურულ მეჩაიე ქალებთან ერთად. ამიტომ დავწერე ის, რაც დავწერე, მათი ხელებით, ენერგეტიკით, სისხარტით.

პროცესი იყო ძალიან საინტერესო. ჩემი საქმიანობა ნაკლებად ქაოსური გახდა, ვისწავლე ბევრი რამის წინასწარ გათვალისწინება და დაგეგმვა, ისეთი დეტალების, რომელსაც ალბათ სხვა დროს დიდ ყურადღებას არ დავუთმობდი.

ადმინისტრაციასთან ურთიერთობას რომა ერთი სიტყვით ახასიათებს:„უკარგესი!“. როგორც ამბობს, ბოლომდე არ იყო დარწმუნებული, რომ კურსი ცხოვრების ამ ეტაპზე სჭირდებოდა და შესაფერისი დრო გააჩნდა, მაგრამ Commschool-ის გუნდთან კომუნიკაციამ, მათმა დამოკიდებულება და მომსახურებამ დიდი როლი ითამაშა გადაწყვეტილების მიღებაში. სწორედ ამიტომ, იგი ყველას ურჩევს, გადადგან პირველი ნაბიჯი და შემოუერთდნენ ამ გარემოს. 

ძალიან დიდი გამოცდილების, დადებითი ენერგეტიკის, ახალი და საინტერესო ურთიერთობების მისაღებად, ქომსქული იდეალური ადგილია. ამიტომ ყველას ვურჩევ, ვისაც უნდა განვითარება, სწავლა და თავგადასავლები.

ვისთვისაა ეს კურსი? ყველასთვის, ვინც არის ან უნდა რომ იყოს შემოქმედი. ვისაც აქვს საკუთარი ბრენდი ან ემუშავება სხვადასხვა ბიზნესს, ვისაც აინტერესებს სოციალური მედია და ამ სფეროში ხედავს საკუთარ თავს. ამ გაკვეთილების შემდეგ შეგეძლება:

  • დაგეგმო და აღასრულო კონტენტ კამპანია დამოუკიდებლად
  • კონტენტ კამპანიის სხვადასხვა მედია არხებში ჩაშლა
  • დამოუკიდებლად შექმნა ბლოგი, ფოტო და ვიდეო მასალა ბრენდისთვის
  • განსაზღვრო რა დროს, როგორი კონტენტია საჭირო
  • დაგეგმო გადაღება დამოუკიდებლად
  • მოიფიქრო რა სჭირდება ბრენდს
  • განსაზღვრო როგორ ეურთიერთო შენს აუდიტორიას
  • იმუშაო ეფექტურად და სწრაფად

თუ ფიქრობ, რომ ყველაფერი, რაც ზემოთ წაიკითხე, შენი მოწოდებაა, ან უბრალოდ დაინტერესდი ამ სფეროთი და მეტის გაგება გსურს, ბევრი არ დააყოვნო, შემოგვიერთდი, Content Management-ის კურსზე! ქვემოთ ლინკს დაგიტოვებ, დანარჩენს კი Commschool-ში მოგიყვებით. 

იხილე კურსის დეტალები და სილაბუსი
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

დამწყები
1100₾
Creative Advertising
რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.
11 ლექცია
33 საათი
საშუალო
1400₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
ექსპერტი
1200₾
Sense of Branding
თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება