ნიკოლოზ ცანკაშვილის ფინალური პროექტი – Android Development

საკუთარი პროგრესის შეგრძნება, ალბათ, ერთ-ერთი ყველაზე სასიამოვნო რამეა. Android Development-ის კურსდამთავრებული, ნიკოლოზ ცანკაშვილი, კურსის ბოლოს თვით-განვითარებას ნამდვილად გრძნობს:

“ფინალურ პროექტზე მუშაობამ დიდი გავლენა მოახდინა ჩემს პრაქტიკულ მხარეზე. ძალიან ბევრი რამ შევისწავლე პატარა ექსპერიმენტებით – შეცდომების გამოსწორება და კოდთან თამაში.”

Android Development-ის სამთვიანი ინტენსიური კურსის განმავლობაში ნიკოლოზი აპლიკაციის აწყობას პრაქტიკული დავალებების დახმარებით სწავლობდა, პარალელურად კი მიღებულ ცოდნას თავისი ფინალური პროექტის შესაქმნელად იყენებდა. ეს პროცესი მისთვის მასალის სრულად გააზრების საშუალება იყო:

“ფინალურ პროექტზე მუშაობა ერთ-ერთი მნიშვნელოვანი ნაწილი იყო, რადგანაც სწორედ ამ დროს ხდება მიღებული თეორიული ცოდნის პრაქტიკულად გამოყენება და ბოლომდე გააზრება. თუ ლექციების სმენის დროს კიდევ რჩებოდა პატარა გაურკვეველი ასპექტები, ფინალურ პროექტზე მუშაობის პროცესში უკვე ყველაფერში გარკვევას და ყველაფრის გაანალიზებას ვახერხებდი.”