ნატა ჯანეზაშვილის კარიერული განვითარების ისტორია – გრაფიკული დიზაინის კურსდამთავრებული

ალბათ, შენთვისაც წარმოუდგენელი შეიძლება იყოს 14-ლექციანი პროგრამის გავლის შემდეგ გრაფიკულ დიზაინერად დასაქმება, მაგრამ… ნატა ჯანეზაშვილმა გრაფიკული დიზაინის შესწავლა Commschool-ში ნულიდან დაიწყო, აქ მიღებულ ცოდნას და გამოცდილებას კი კომპანია REDMED-ში იყენებს, სადაც გრაფიკული დიზაინერის პოზიციას იკავებს.  ამ ბლოგშიც მისი წარმატების ამბავს მოგიყვებით.

ნატას თქმით, როცა ყველაფერი იწყებოდა, სასწავლებლის შერჩევას საკმაო დრო დაახარჯა, შედეგების აწონ-დაწონვის შემდეგ კი არჩევანი Commschool-ზე შეაჩერა:

“გრაფიკული დიზაინის სწავლა ნულიდან დავიწყე. დიდხანს ვარჩევდი, რომელი სკოლა სჯობდა და ბოლოს გადავწყვიტე, Commschool-ში ჩამებარებინა. პირველივე ლექციაზე მივხვდი, რომ სწორი არჩევანი გავაკეთე.” 

მიზეზი, რის გამოც Commschool-მა ნატას მოლოდინები გაამართლა, პირველ რიგში, კურსის შინაარსობრივი გამართულობა იყო. საერთაშორისო დიზაინერული პრაქტიკის გაცნობა და გარჩევა ნატასთვის სწავლის პროცესის განსაკუთრებით საინტერესო ნაწილი იყო:

“ტექნიკური ცოდნის მიღების პარალელურად ყოველ ლექციაზე ვეცნობოდით მსოფლიოში ცნობილი დიზაინერების შემოქმედებასა და თანამედროვე ტრენდებს დიზაინში, რაც ჩემთვის ძალიან საინტერესო აღმოჩნდა.”

აქვე, გაეცანი ნატას ფინალურ პროექტს, რომლის ფარგლებშიც მან Art Design-ის რედიზაინზე იმუშავა.

ესეც არ იყოს, ნატასთვის კურსი საკუთარ პროფესიულ მიმართულებაში გადარკვევადაც დამხმარე აღმოჩნდა:

“კურსი ძალიან დამეხმარა იმის გაცნობიერებაში, რომ ძალიან მომწონს ის საქმე, რასაც ვაკეთებ და ამ პროფესიით შემიძლია, სიამოვნება მივიღო.”

საერთო ჯამში კი, რაც მთავარია, ინტენსიური კურსის განმავლობაში მიღებული ცოდნა და გამოცდილება დამოუკიდებული პროფესიული მუშაობის დასაწყებად საკმარისი აღმოჩნდა: 

“კურსზე მიღებული ცოდნა ძალიან დამეხმარა. მოკლე დროში საკმაოდ დიდი მასალა შევისწავლე – საკმარისი იმისათვის, რომ სხვადასხვა პროექტზე დამოუკიდებლად მემუშავა.”

თბილისის კომუნიკაციის სკოლა კურსდამთავრებულები
თბილისის კომუნიკაციის სკოლა კურსდამთავრებულები

ამდენად, ნატამ აღარც დააყოვნა და თავისი უნარების რეალიზებისთვის ძალები კომპანია REDMED-ის გრაფიკული დიზაინერის პოზიციაზე მოსინჯა. მისმა მცდელობამ წარმატებული შედეგი გამოიღო:

“კურსის დასრულების შემდეგ რამდენიმე საინტერესო პროექტზე ვიმუშავე ფრილანსერად. ამ ეტაპზე კი კომპანია REDMED-ში ვმუშაობ გრაფიკულ დიზაინერად.” 

საბოლოოდ, კიდევ ერთი რამ, რაც ნატასთვის შესამჩნევი აღმოჩნდა, ერთმანეთის დახმარებაზე ორიენტირებული დამოკიდებულებაა, რომელიც კურსის დამთავრების შემდეგაც კი უცვლელად შენარჩუნდა:

“ძალიან კარგი ისაა, რომ, კურსის დასრულების მიუხედავად, თუ რამე კითხვა გაგვიჩნდება, გვაქვს ფეისბუქ ჯგუფი, სადაც ნებისმიერ დროს შეგვიძლია შეკითხვის დასმა და როგორც ლექტორი, ასევე ჯგუფელებიც ვეხმარებით ერთმანეთს.” 

ამ ყველაფრის ფონზე, Commschool ნატასთვის იმ ადგილად იქცა, რომლსაც არამხოლოდ რეკომენდაციას უწევს, არამედ მასთან სამომავლო ურთიერთობასაც აპირებს:

“ვინც დაინტერესებულია გრაფიკული დიზაინით აუცილებლად Commschool-ში ჩაბარებას ვურჩევ. ვფიქრობ, საუკეთესო სკოლაა და აუცილებლად ვაპირებ სხვა კურსების შესწავლასაც.”

ნატა  ჯანეზაშვილმა გრაფიკული დიზაინის 14 სამსაათიანი ლექციის განმავლობაში ყველა საჭირო ცოდნა და უნარი მოაგროვა, რაც მას გრაფიკული დიზაინერის პოზიციაზე დასასაქმებლად შეიძლება, დასჭირვებოდა. კურსის განმავლობაში, უამრავი დავალების დახმარებით მრავალ უნარს შეძენა შეგიძლია: კურსის ბოლოს Adobe Photoshop-ისა და Adobe Illustrator-ის გამოყენებასთან ერთად შეგეძლება ბრენდისთვის შექმნა ვიზუალი, გააკეთო ლოგოს სკეჩები და დრაფტ ვერსიები, მოარგო ვიზუალი სხვადასხვა მედია არხს, სწორად გააანალიზო ბრიფი, შექმნა მუდბორდები და სწორად დაგეგმო დიზაინ-პროექტები. რაც მთავარია, კურსი არის დამწყებთათვის, მისი გავლა ნებისმიერ მსურველს შეუძლია და არანაირ აუცილებელ ცოდნას არ საჭიროებს.

ნატამ Commschool-ის გრაფიკული დიზაინის გავლით თავისი პირველი პროფესილი ნაბიჯი გადადგა გრაფიკულ დიზაინში. იმავეს მიღწევა შენც შეგიძლია. შემოგვიერთდი

სილაბუსი


ავტორი: ანანო ფეიქრიშვილი


graphic design for beginnersვანო საგინაშვილინატა ჯანეზაშვილისტუდენტების წარმატების ისტორია



გამოიწერე სიახლეები

გაიარე კონსულტაცია

გაგზავნა