![Motion Design](https://commschool.ge/wp-content/uploads/2024/04/Blog-Covers-2-300x200.jpg)
![Motion Design](https://commschool.ge/wp-content/uploads/2024/04/Blog-Covers-2-300x200.jpg)
ალბათ დაუკვირვებელ თვალსაც კი არ გამორჩებოდა, რომ თანამედროვე ციფრული სამყარო სავსეა ხარისხიანი მოძრავი ეფექტებით, რომელზეც სწორედ მოუშენ დიზაინერი ზრუნავს.
მოუშენ დიზაინერი პასუხისმგებელია გააცოცხლოს გრაფიკული ელემენტი და ფლობდეს საკმარის კრეატიულობას იმისთვის, რომ მარტივი თეორიული იდეა კომპიტერის ეკრანზე მომხიბვლელ მოძრავ ელემენტად აქციოს.
თუმცა საკმარისია კი კრეატიული აზროვნება იმისთვის, რომ წარმატებული მოუშენ დიზაინერი გახდე? ამ კითხვაზე პასუხის გასაცემად მინდა გესაუბრო 5 ძირითად უნარზე, რომელიც მოუშენ დიზაინერს გამოარჩევს!
იმისათვის, რომ კარგი მოუშენ გრაფიკოსი გახდე მნიშვნელოვანია კარგად ერკვეოდე გრაფიკული დიზაინის ისეთ ხელსაწყოებში, როგორებიცაა:
● Adobe Photoshop
● Adobe Illustrator
მათი ცოდნა დაგეხმარება, თავად შექმნა შენთვის მომხიბვლელი გრაფიკები, რომელთა გაცოცხლებასაც After Effects-ში შეძლებ. სხვაგვარად რომ ვთქვათ, ანიმაციის აწყობის პროცესში ფერების და მიმზიდველი დიზაინის შექმნაში მნიშვნელოვან დახმარებას გაგიწევენ.
ალბათ დამეთანხმები, რომ კონტენტს მიმზიდველს არამხოლოდ ლამაზი გრაფიკების ანიმაცია, არამედ ტექსტის შრიფტი და სწორად განაწილებაც ხდის.
ამიტომ მნიშვნელოვანია დამკვეთისგან, მაგალითად მარკეტერისგან მოწოდებული საკვანძო სიტყვები (სლოგანი, კამპანიის სახელი და სხვა) სწორად და ლამაზად გადაანაწილო და აამოძრავო, ამგვარად შეძლებ მომხმარებლამდე ადვილად მიიტანო სათქმელი.
რადაგან ამდენი ვისაუბრეთ მიმზიდველ კონტენტეზე, ვფიქრობ, არ გაგიკვრიდება თუ გეტყვი, რომ მოუშენ დიზაინერისთვის აუცილებელია კრეატიული აზროვნების უნარი.
კრეატივი მოუშენ გრაფიკოსს ეხმარება:
● შექმნას ახალი ვიზუალი
● უჩვენოს მას პრობლემის გადაჭრის ალტერნატიული გზები
● შესძინოს ინდივიდუალიზმი,რაც ნამდვილად არის დიდი წარმატების საწინდარი ამ სფეროში!
ტექნოლოგიების წინსვლასთან ერთად 3D დიზაინი უფრო და უფრო ექცევა ყურადღების ცენტრში, რადგან მას აქვს ისეთი უნიკალური მახასიათებლები, რომლებიც დიდი პოპულარობით სარგებლობს/
სწორედ ამიტომ მოუშენ გრაფიკოსმა უნდა იცოდეს:
● როგორ გადაადგილდებიან ობიექტები 3D განზომილებაში
● როგორ უკავშირდებიან ობიექტები ერთმანეთს
● ფერების თეორია, რათა შექმნას დადებითი განწყობა მომხმარებელში
დღევანდელ სამყაროში გასაკვირი არ არის, რომ ნებისმიერი პროფესიული საქმიანობა აუცილებლად მოითხოვს კარგი კომუნიკაციის ქონას და მათ რიცხვში ბუნებრივია, მოუშენ გრაფიკოსიც შედის.
ეფექტიანი კომუნიკაციის არსებობა განსაკუთრებით მაშინ ხდება მნიშვნელოვანი, როდესაც დიზაინერს უწევს ტექნიკურად “არადიზაინერ” დამკვეთთან საუბარი, რა დროსაც მისი ვალდებულებაა მარტივად და გასაგებად მიიტანოს დამკვეთამდე შესაბამისი კონტენტ ვიზუალი.
ასე და ამგვარად, იმედი მაქვს შენთვის სრულად ამოვწურეთ ინფორმაცია Motion გრაფიკოსისა და მისთვის საჭირო უნარების შესახებ.
აქვე გეტყვი, რომ თუ Motion Design-ის სწავლა გსურს, შემოგვიერთდი, კურსზე რეგისტრაცია უკვე დაწყებულია. წარმატებული კურსდამთავრებულები კი Alumni Club-ის ფარგლებში სტაჟირებას გაივლიან ჩვენს პარტნიორ კომპანიებში: Maverik, Burtula, Redberry.