მომავალი წლიდან შემეძლება - ელენე საბიაშვილი

წლის დასასრული ლოგიკური პერიოდია ხოლმე იმისთვის, რომ გასული წელი შევაჯამოთ და მომავალი წელი დავგეგმოთ ხოლო იმისთვის, რომ მომავალი წლიდან რაღაც შევძლოთ, პირველ რიგში უნდა ავირჩიოთ, რა გვინდა, რომ შეგვეძლოს და დავიწყოთ კიდეც ამისთვის საჭირო რესურსების მოძიება.

ამიტომ ამ ბლოგში მინდა ელენე საბიაშვილი გაგაცნო, რომელმაც Content Management აირჩია და Alumni Club-ის ფარგლებში White Rabbit Parks-ში დაიწყო მუშაობა. ელენე აღნიშნავს, რომ მისთვის სასიამოვნო იყო ის ფაქტი, რომ კურსის დასრულების შემდეგ Commschool-თან კომუნიკაცია არათუ არ შეწყდა, პირიქით:

ყოველდღიურად ვგრძნობ მხარდაჭერას და ყურადღებას ქომსქულისგან, რაც ჩემს შემთხვევაში, სხვადასხვა კომპანიებთან ჩემზე რეკომენდაციის გაწევით გამოიხატება, რისი წყალობითაც ამ დროისთვის უკვე არაერთ საინტერესო ბრენდთან გამოვცადე მუშაობა. ამიტომ დასაფასებელია, რომ Commschool თავად გვაძლევს შესაძლებლობას, კურსის განმავლობაში მიღებული ცოდნა პრაქტიკაში გამოვცადოთ.

რამდენად გასაკვირიც არ უნდა იყოს, ელენე იმასაც გვიამბობს, რომ Commschool-მა მისი White Rabbit Parks-ში დასქმების გზით ახალი ჰობი – სნოუბორდინგი და ვეიქბორდინგი აღმოაჩენინა და შეაყვარა ზამთარი, რაც მანამდე მისთვის წარმოუდგენელი იყო.

“აქ მუშაობა ჩემთვის ყოველდღიური რუტინა არ არის, White Rabbit ჩემი ნაწილი გახდა, რომლის განვითარებაზეც მიიწევს ჩემი გონება და გული.“

გარდა ამისა, ელენე ფრილანსერად მუშაობის გამოცდილებაზეც გვიყვება და გვიზიარებს საჭირო სქილებს.

თუ გინდა რომ ცხოვრებისთვის დრო დაგრჩეს, უნდა ისწავლო მუშაობის პროცესის სწორი მენეჯმენტი.

ელენე ასევე გვიამბობს, რომ 2022 წელი მისთვის გამოწვევა იყო, თუმცა კონკრეტული ნაბიჯების გადადგმით მან არაერთი პატარ-პატარა სირთულე დაძლია, რაც დიდ იდეებამდე მისასვლელი საუკეთესო გზა აღმოჩნდა.

ჩემი კომფორტი განსხვავებულ ბრენდებთან და კამპანიებზე მუშაობაში ვიპოვნე, რამაც სხვადასხვა ბიზნეს მარკეტში გამარკვია. ამიტომ ვფიქრობ, მომავალში გამიმარტივდება გადავწყვიტო, რომელ ინდუსტრიაში მინდა საკუთარი საქმის დაწყება.

მეტი თავდაჯერებულობითა და მოტივაციით ელენე 2023 წლის მოლოდინებსა და გეგმებზეც თამამად გვესაუბრება:

ჩემთვის ძალიან აზარტულია, როდესაც საკუთარ თავს ახალი წლისთვის ახალ გამოწვევებს ვუწესებ და კიდევ უფრო სასიამოვნო, როცა წლის ბოლოს ყველა თუ არა, გამოწვევის უმეტესი ნაწილი დახურული მაქვს. ამიტომ, პირველად აქ დავაჩელენჯებ ჩემს თავს და ვიტყვი, რომ მომავალი წლიდან შემეძლება შევუერთდე დიდ ორგანიზაციას, ვიმუშავო პროფესიონალ გუნდთან ერთად და ვიგრძნო თავი რაღაც დიდი მოვლენის ნაწილად.

ასე რომ, თუ შენც გინდა ახალ წელს მიზნების მიღწევითა და ახალი სურვილებით შეხვდე, აირჩიე შენ რა შეგეძლება