ლიკუნა ხაზარაძის ფინალური პროექტი – კონტენტ მენეჯმენტის კურსდამთავრებული

“ყველაფერი, რაც საინტერესოდ გვეჩვენება, ცდად ღირს.” – სწორედ ამგვარი მცდელობა იყო ლიკუნა ხაზარაძისთვის Commschool -ის კონტენტ მენეჯმენტის კურსის გავლა და როგორც თავად ლიკუნა ამბობს – მცდელობა ნამდვილად წარმატებული გამოდგა:

თბილისის კომუნიკაციის სკოლის კურსდამთავრებულები“ჩემს შემთხვევაში, კონტენტ მენეჯმენტის კურსის არჩევამ უკვე არსებული გამოცდილების განსხვავებულ ჭრილში დანახვის საშუალება მომცა. ვფიქრობ, ჩემმა მცდელობამ გაამართლა.”

კურსის ბოლოს სტუდენტები ფინალურ პროექტს ამზადებენ, რომლის ფარგლებშიც კონტენტ კამპანიას ქმნიან სხვადასხვა სოციალური მედია არხისთვის. ლიკუნას თქმით, პროექტზე მუშაობა მიღებული ცოდნის შეჯამების კარგი საშუალება აღმოჩნდა:

“განსაკუთრებით საინტერესო ფინალურ პროექტზე მუშაობა იყო. პროექტი, ფაქტობრივად, კურსის განმავლობაში გონებაში დალაგებული აზრებისა და იდეების განხორციელების პირველი მცდელობაა.”

ლიკუნამ პროექტისათვის “ბაკურ სულაკაურის გამომცემლობა” შეარჩია, რის შემდეგაც ლიტერატურისა და მწერლობის მეტი პოპულარიზაციისთვის კამპანია შექმნა. კამპანიის მთავარი იდეა გურამ დოჩანაშვილის ციტატების მკითხველამდე მიტანა, შედეგად კი მათი ლიტერატურით დაინტერესება იყო. ამ მიზნის მისაღწევად კი ლიკუნამ ილუსტრაციების, ვებინარებისა და მწერლის ვიდეო-ინტერვიუებისგან შემდგარი კონტენტ კამპანია დაგეგმა.

აქვე, გაეცანი ლიკუნას კამპანიას:

პროექტზე მუშაობისას, და, ზოგადად, მთელი კურსის განმავლობაში ლიკუნამ დაინახა, რომ კონტენტის ინსაითების წყაროდ ნებისმიერი რამ შეგიძლია, აქციო:

“კურსის ფარგლებში რწმუნდები, რომ ნებისმიერი დეტალი შეგიძლია კონტენტის შესაქმნელად გამოიყენო.”

ნაპოვნი ინსაითების კონტენტად ქცევა კი მისთვის უკვე დაბრკოლება აღარაა:

“კურსის ბოლოს, უკვე თამამად შეგიძლია თქვა – “მე ამისგან გავაკეთებ..” და, მართლაც, ყველაფერი რეალობად აქციო.”

ლიკუნას თქმით, შექმნილი სასწავლო ატმოსფერო ახალი გამოცდილებების გაცნობის საშუალებას აძლევდა:

“კურსზე სრულიად სხვადასხვა პროფესიისა და ინტერესების მქონე ადამიანები აღმოვჩნდით და მიუხედავად ამისა, – თუ სწორედ ამიტომ, ერთმანეთს ბევრი საინტერესო მიგნება გავუზიარეთ.”

მაქსიმალური ცოდნისა და კითხვებზე ამომწურავი პასუხების მიღებაში კი ლიკუნა ლექტორის ძალისხმევას გამოარჩევს:

“ლექტორში, ალბათ, ყველაზე მეტად გაგვიმართლა. მათ, ვინც Commschool-ის კონტენტ მენეჯმენტზე ჩაბარებას ფიქრობს, მხოლოდ იმას ვეტყვი, რომ იქ დაგხვდებათ ადამიანი, რომელიც თქვენს ნებისმიერ კითხვას ამომწურავად უპასუხებს, გულღიად გაგიზიარებთ მთელ თავის ცოდნასა და გამოცდილებას და დაგარწმუნებთ, რომ თუ გულით მოინდომებთ, ყველაფერს გააკეთებთ.“

კონტენტ მენეჯმენტის კურსის 14 სამსაათიანი ლექციის განმავლობაში ლიკამ კონტენტის მართვის პროცესი სრულად გაიცნო: ბრენდისა და მისი აუდიტორიის საჭიროებების იდენტიფიცირება, შესაბამისი კონტენტ კამპანიისთვის კრეატიული იდეების მოფიქრება და დამოუკიდებლად დაგეგმვა, კამპანიის ელემენტების (ბლოგი, ფოტო და ვიდეო მასალა) მომზადება და რაც მთავარია, კამპანიის დამოუკიდებლად ჩატარება. იმავე უნარების შეძენა შენც შეგიძლია და, რაც მთავარია, ამისთვის მონდომების გარდა არაფერი გჭირდება: კურსის გავლა შეუძლია ნებისმიერ ადამიანს, რომელსაც შემოქმედებითი პროცესი და სოციალური არხები აინტერესებს. ამდენად, თუ გინდა, რომ, ლიკუნას მსგავსად, სხვადასხვა სოციალურ მედია არხში შენც შეძლო კონტენტ კამპანიის გაშლა, შემოგვიერთდი

სილაბუსი


ავტორი: ანანო ფეიქრიშვილი


content managementლიანა მეტრეველილიკა ხაზარაძეფინალური პროექტი



გამოიწერე სიახლეები

გაიარე კონსულტაცია

გაგზავნა