თბილისის კომუნიკაციის სკოლაში გრაფიკული დიზაინის ახალი კურსი დაიწყო!

თბილილის კომუნიკაციის სკოლაში გრაფიკული დიზაინის ახალ კურსზე  მიღება დაიწყო!

გრაფიკული დიზაინი ვიზუალური კომუნიკაციის კომპონენტია, რომლის მიმართ ინტერესიც ყოველდღიურად იმატებს. ის ყველა ჩვენგანის ყოველდღიურობის ნაწილია და თითოელ პროდუქტთან ინტერაქციის გადაწყვეტილებაზე დიდ გავლენას ახდენს.

“გამართული, მუშა დიზაინის გასაკეთებლად საჭირო იმის კარგად გაგება და გააზრება თუ რა მიზანს ემსახურება დიზაინი და რა მესიჯი უნდა იყოს მიტანილი დამკვეთიდან ან/და დამსაქმებლიდან მომხმარებლამდე” – ამბობს პროგრამის ლექტორი, ვანო საგინაშვილი.

კურსს ევროპაბეთის არტ დირექტორი და დიზაინერებისა და მოუშენ გრაფიკოსების გუნდის ხელმძღვანელი ვანო საგინაშვილი  წაიყვანს. მას გრაფიკულ დიზაინზე მუშაობის 14 წლიანი გამოცდილება აქვს და მისი საქმიანობის უდიდესი ნაწილი ქართულ კრეატიულ სააგენტოებს უკავშრდება, კერძოდ Windfor’s, Holmes&Watson, DDB Georgia და სხვა. სადაც ნამუშევარი აქვს თითქმის ყველა მსხვილი ადგილობრივი დამკვეთის პროექტზე.

ლექციების მსვლელობისას სტუდენტები გაეცნობიან ყველა იმ საჭირო ხელსაწყოებსა თუ სტრატეგიებს, რომელიც გამოადგებათ დიზაინ-პროდუქტების სწორად დაგეგმვაში. გაივლიან სხვადასხვა ტიპის პროექტზე მუშაობის პროცესს,  ვიზუალის კეთების სწორ პრინციპებსა და დიზაინის მიმართულებებს. შეისწავლის გრაფიკული რედაქტორების იმ აუცილებელ ტექნიკურ ნაწილს, რომელიც საჭიროა სხვადასხვა მიმართულებით სამუშაოდ.

კურსის შედეგად კი სტუდენტებს ექნებათ ჩამოყალიბებული შეხედულება, როგორი უნდა იყოს გამართული დიზაინი, Adobe Photoshop და Adobe Illustrator-ის აუცელებელი ტექნიკური ცოდნა და ეცოდინებათ რა პრინციპები უნდა გაითვალისწინოს მუშაობის პროცესში, რათა მარტივი და მოკლე გზებით მოახერხონ დავალების შესრულება.

კურსი განკუთვნილია დამწყები გრაფიკული დიზაინერებისთვის, რომლებიც ფლობენ Adobe Photoshop-ისა და Adobe Illustrator-ის  საბაზისო ცოდნას.  ისეთი შემოქმედებითი უნარის ფლობა, როგორიც არის ხატვა, ხაზვა, ფოტოგრაფია და ა.შ. უპირატესობას მისცემს სტუდენტს, თუმცა არ არის აუცილებელი.

აღსანიშნავია ისიც, რომ ყოველ ლექციას მოყვება პრაქტიკული დავალება, სადაც  საფიქრალი და სამუშაო საკმაოდ ბევრია. შესაბამისად, სტუდენტები უნდა იყვნენ მზად ინტენსიური დავალებებისთვის.

კურსი  ონლაინ ინტერაქტიულად  ჩატარდება, რაც საშუალებას აძლევს ადგილობრივ და ემიგრანტ სტუდენტებს ჩაერთონ ნებისმიერი კუთხიდან. პროგრამა 7 კვირაზეა გადანაწილებული, 14 ლექციისგან შედგება და 42 საათს მოიცავს, პროგრამის ღირებულება კი 1000 ლარს შეადგენს.

კურსზე ჩასარიცხად, თითოეული სტუდენტი საჭიროა იყოს კომპეტენტური კომპიუტერთან მუშაობაში და ქონდეს წვდომა Adobe Photoshop-სა და Adobe Illustrator-ზე (Adobe-ს რომელიმე პროგრამის წინასწარი ცოდნა საჭირო არ არის)