გრაფიკული დიზაინის კურსდამთავრებულის, სანდრო მათიაშვილის, ფინალური პროექტი

გრაფიკული დიზაინის კურსის ფარგლებში სტუდენტები პროექტის ტექნიკურად, სტილისტურად და შინაარსობრივად გამართვას სწავლობენ. პროგრამის განმავლობაში სხვადასხვა შინაარსის პრაქტიკული დავალებების გაკეთება უწევთ, საბოლოო ფინალური პროექტის ფარგლებში კი არსებული ბრენდის ვიზუალური იდენტობის განახლება ევალებათ.

ამჯერად, ჩვენი კურსდამთავრებულის, სანდრო მათიაშვილის, ფინალურ ნაშრომს წარმოგიდგენთ, რომელმაც პროექტისთვის დიოს ბრენდი აირჩია, შექმნა ლოგოს ახალებური კონცეფცია და ვიზუალური იდენტობა.

“დიო პირველი ქართული ბრენდია, რომელიც კარ-ფანჯრებს,  მზისგან დამცავ საჩრდილობელ სისტემებსა და სხვა მსგავს ინდუსტრიულ პროდუქტს აწარმოებს. კომპანია არის ამ ნიშის ლიდერი, თუმცა, ვფიქრობ, ბრენდის მოძველებული ვიზუალური სტილი და დაბალი ხარისხის ლოგო ნაკლებად კონკურენტუნარიანია ადგილობრივ ბაზარზე. ამიტომ, გადავწყვიტე კურსის შემაჯამებელი პროექტისთვის მემუშავა დიოს ბრენდინგზე.”– ამბობს სანდრო

“პრაქტიკულ დავალებებზე დაფუძნებული, ძალიან საინტერესო ფორმატის კურსია, რომელიც სრულად მოიცავს გრაფიკული დიზაინის საფუძვლებს” აღნიშნავს სანდრო.

გრაფიკული დიზაინის პროგრამაზე შეგიძლია ყველაფერი ისწავლო ნულიდან, კურსის წარმატებით დასრულების შემთხვევაში კი, შანსი გაქვს  გარანტირებული სტაჟირება გაიარო კრეატიულ სააგენტოებში Windfor’s-ში, Holmes & Watson-სა და JWT Metro-ში.

თუ პროგრამის სილაბუსი გაინტერესებს დააჭირე აქ. კურსი 1 დეკემბერს იწყება და  გაითვალისწინე, რომ კურსზე მოსახვედრად სულ უფრო ნაკლები დრო და თავისუფალი ადგილი რჩება.