ამ ბლოგში გრაფიკული დიზაინის კურსდამთავრებულის, ელენე ტატუნაშვილის შესახებ გიამბობ, რომელიც ფინალური პროექტის წარმატებით დასრულების შემდეგ ტოპ 3 კურსდამთავრებულს შორის მოხვდა და Alumni Club-ის ფარგლებში Watergunz-ში სტაჟირების შესაძლებლობა მიიღო.
ელენემ ფინალური პროექტის ფარგლებში ავერსის რებრენდინგზე იმუშავა, რომელზე შთაბეჭდილებებსაც გვიზიარებს:
არჩევანი ფარმაცევტულ კომპანიაზე კერძოდ კი ავერსიზე შევაჩერე. ამოცანა საკმაოდ რთული აღმოჩნდა, ნამუშევარი არამხოლოდ ტექნიკურად გამართული უნდა ყოფილიყო, არამედ ვიზუალურად დახვეწილი და რელევანტური. თან ბრენდის რედიზაინზე მანამდე არასდროს მიმუშავია, სამუშაო პროცესმა კი ყველა მოლოდინს გადააჭარბა.
ელენე ამბობს, რომ Commschool-ში მოსვლა პროექტის ერთ-ერთმა წევრმა ურჩია. Სწორედ მისი რჩევით მოხვდა გარემოში, რომელიც მაქსიმალურად სწავლაზეა მორგებული, თანაც იმგვარად, რომ ეს სასიამოვნო და კომფორტული გამოცდილებაა.
მისი აზრით, კურსის მთავარი ღირებულება გარდა დასაქმების შესაძლებლობისა, კურსის ინტენსიურობაცაა. პროგრამა სამ მნიშვნელოვან ნაწილად იყოფა, ესენია: ფოტოშოპისა და ილუსტრატორის შესწავლა, ბოლოს კი რებრენდინგზე მუშაობა.
ამასთან, კურსის გასავლელად არაა აუცილებელი გქონდეს შემოქმედებითი უნარები, როგორიცაა ხატვა, ხაზვა, ფოტოგრაფია და სხვ.
ელენე განსაკუთრებული გულისხმიერებით თავის საყვარელ ლექტორს იხსენებს. მისი თქმით, მას თითოეულ სტუდენტთან ინდივიდუალური მიდგომა ჰქონდა და მაქსიმალურად იყო ჩართული ნამუშევრების განხილვისას.
ლექტორი ყოველთვის გვიზიარებდა თავის გამოცდილებას, რაც დიდი ენერგიითა და მოტივაციით მავსებდა.
ამგვარად, თუ შენც გინდა, რომ მიიღო პრაქტიკული ცოდნა გრაფიკული დიზაინის მიმართულებით და თან კარიერულად განვითარებაც გსურს, შემოგვიერთი გრაფიკული დიზაინის კურსზე
ავტორი: რუსუდან გოჩიტაშვილი
