GITA და თბილისის კომუნიკაციის სკოლა ბათუმში ერთობლივ ტექნოლოგიურ პროგრამებს იწყებენ!

თბილისის კომუნიკაციის სკოლა საქართველოს ინოვაციებისა და ტექნოლოგიების სააგენტოსთან (GITA) ერთად ბათუმის ტექნოპარკში საბაზისო და პროფესიული პროგრამირებისა და მონაცემთა ანალიტიკის ჰიბრიდულ კურსებს ატარებს, რომელიც მიზნად ისახავს აჭარის რეგიონში მსურველების ტექნოლოგიურ პროგრამებში მომზადებას.

აჭარის პროგრამირების ქსელის პროექტის ფარგლებში მსურველებს ეძლევათ შესაძლებლობა დარეგისტრირდნენ 4 პროგრამიდან ერთ-ერთზე: Front-end Development, React, Back-end Development და Data Analytics.

FRONT-END DEVELOPMENT & REACT

Front-end Development-ისა და React-ის პროგრამებს გიორგი აფხაძე წაიყვანს. გიორგი უკვე 5 წელია ვებ-დეველოპმენტის სფეროშია. ამჟამად კი ჩეხურ კომპანია DigiSoul-ში React დეველოპერად მუშაობს. 

front-end development lecturer

იგი წლების განმავლობაში მუშაობდა სხვადასხვა სახის მსხვილ პროექტებზე ისეთ უცხოურ თუ ქართულ კომპანიებთან, როგორიცაა STC Delta, DGA (Digital Goodies Art) და სხვა. მათ შორის ისეთ საქმიანობებზე, როგორიცაა Crypto Trading სისტემები, e-commerce, ERP, LMS და მენეჯმენტის სისტემები.

Front-end Development – კურსის აღწერა

ვებ დეველოპმენტი წარმოუდგენელია სამი ტექნოლოგიის გარეშე, რომელიც ვებ დეველოპმენტის ხერხემალს წარმოადგენს – HTML, CSS და JavaScript.

პროგრამის განმავლობაში აქცენტი გაკეთდება HTML-ისა და CSS-ის (CSS framework – bootstrap.) მარქაფის ენისა და JavasCript-ის ბაზისების შესწავლაზე, რაც შემდგომი განვითარებისთვის მოამზადებს კურსდამთავრებულებს.

React – კურსის აღწერა

კურსის გამავლობაში სტუდენტები ისწავლიან და პრაქტიკაში განიხილავენ Javascript–ის იმ ასპექტებს, რომელიც საჭირო იქნება React-ის შესასწავლად, ხოლო ამის შემდეგ შეისწავლიან React-ის კონცეფციებს, ნიუანსებს, არქიტექტურულ ნაწილებს და ყველა იმ საჭირო უნარებს, რომელიც დამწყებ React დეველოპერს სჭირდება.

BACK-END DEVELOPMENT

არტურს WEB Development-ში რამდენიმეწლიანი გამოცდილება აქვს, ამჟამად კი იგი DataArt-ის .Net დეველოპერის პოზიციას იკავებს. 

არტურს ასევე უთანამშრომლია TBC Pay-სა და Credo Bank-თან. არტურის გამოცდილება მოიცავს საბანკო-საფინანსო, სადაზღვევო და ERP და სხვა აპლიკაციების შექმნას როგორც ადგილობრივ, ისე საერთაშორისო პროექტებზე. 

კურსის აღწერა

კურსი განიხილავს Back-End-ის შესწავლას 0-დან და მოიცავს ისეთ მნიშვნელოვან ასპექტებს, როგორიცაა Computer Science-ის საწყისები, მონაცემთა ბაზები და საჭირო ხელსაწყოები. კურსის ფარგლებში შესასწავლად გამოვიყენებთ ისეთ პროგრამულ ენას, როგორიცაა C#.

DATA ANALYTICS

მონაცემთა ანალიტიკის პროგრამა ორ ძირითად ნაწილად იყოფა – SQL და Power BI, შესაბამისად, კურსსაც ორი ლექტორი გაუძღვება – 

მარიამს მონაცემებთან მუშაობის 5 წელზე მეტი გამოცდილება აქვს ისეთ წამყვან ქართულ კომპანიებში, როგორებიცაა TBC და საქართველოს ბანკი. 

მარიამს ასევე უმუშავია მონაცემებთან დაკავშირებულ ისეთ პოზიციებზე, როგორიც არის მონაცემთა ანალიტიკოსი, უფროსი მონაცემთა ანალიტიკოსი, მონაცემთა მეცნიერი, ამჟამად კი TBC ბანკში Date Modeler-ია. ის ასევე მიწვეული ლექტორია საქართველოს ტექნიკურ უნივერსიტეტში და სწავლების 4 წლიანი პრაქტიკა აქვს.

სოფიოს მონაცემებთან მუშაობის 4 წელზე მეტი გამოცდილება აქვს, იგი მუშაობდა არაერთ წამყვან ქართულ და საერთაშორისო კომპანიაში, ხოლო ამჟამად TBC ბანკის მონაცემთა ანალიტიკოსის პოზიციას იკავებს. 

სოფიო ასევე არის გლობალური საზოგადოება R Ladies წევრი, რომელიც პროგრამირების ენა R-ის მცოდნე ქალებს მთელი მსოფლიოს მასშტაბით აერთიანებს და მის ფარგლებში ჩატარებული აქვს არაერთი ლექცია-ვორქშოპი. სოფიოს უნივერსიტეტსა თუ სხვადასხვა საგანმანათლებლო დაწესებულებაში სწავლების 5 წლიანი გამოცდილება აქვს.

კურსის აღწერა

კურსის ფარგლებში შევეხებით მონაცემთა ანალიზის სრულ ციკლს: ბიზნეს პრობლემის ანალიტიკურ პრობლემად ჩამოყალიბებას, შესაბამისი მონაცემების მოძიებას, მათ გაწმენდასა და დამუშავებას SQL-ის გამოყენებით, მონაცემთა ანალიზსა და ვიზუალიზაციას Power BI-ს გამოყენებით, მიღებული მიგნებების კომუნიკაციასა და ანალიტიკაზე დაყრდნობით გადაწყვეტილებების მიღებას.

სწავლების მეთოდი

პროგრამის სწავლების მეთოდი ყველა სხვა თეორიულ საკითხებთან ერთად მოიცავს პრაქტიკული ცოდნის მიღებას, რასაც თან დაერთვება ლექტორების რჩევები და მათი გამოცდილების გაზიარება. 

აღსანიშნავია ისიც, რომ პროგრამის განმავლობაში იქნება 4 შეხვედრა, რომელიც მოიცავს: პროექტის გახსნით ღონისძიებას, კარიერული განვითარების დღეს, დემო დღესა და სერტიფიკატების გადაცემის/პროექტის დახურვის ცერემონიას.

პროექტი დაიწყება 2022 წლის 26 ნოემბერს და დასრულდება 2022 წლის 20 დეკემბერს.


B2BGitaბიზნესისთვის



გამოიწერე სიახლეები

გაიარე კონსულტაცია

გაგზავნა