დაწერე IOS და Android აპლიკაციები ერთი კოდით! #separator

ერთი კოდით Android და IOS აპლიკაციების დაწერა ნამდვილად არ ჟღერს ცუდად, მაგრამ როგორ არის ეს შესაძლებელი?

ორი სიტყვით განგიმარტავ რა არის Flutter და შემდგომ დაგისახელებ 5 მიზეზს, რატომაც შეიძლება იგი მომავალ პროფესიად აირჩიო

ორი სიტყვა: Flutter – ეს არის Google-ს მიერ შემუშავებული cross-platform ფრეიმვორკი, რომლის საშუალებითაც შესაძლებელია აპლიკაციების შექმნა სხვადასხვა პლატფორმისთვის, როგორიცაა Android, iOS, Linux, Mac, Windows, Google Fuchsia და სხვები მხოლოდ და მხოლოდ ერთი კოდით. პროგრამირების ენად იყენებს Dart-ს, რაც სხვა ენებთან შედარებით მეტად განახლებული და დახვეწილია.

ზოგადი ინფორმაცია, ალბათ ბევრს არაფერს გეტყვის, ამიტომ მომყევი მისი ყველა უპირატესობა ერთად გადავიაროთ.

მოთხოვნადი და პერსპექტიულია

2021 წელს დაისვა კითხვა – არის თუ არა Flutter მომავალი? ამგვარი დაშვების გაკეთებას, სოლიდური საფუძველიც ჰქონდა.

GitHub-ის მონაცემებით Flutter მეორე ადგილს იკავებს პოპულარობით React Native-ის შემდეგ.

Monterail-ის უახლესი, 2021 წლის 21-27 ნოემბრის კვლევის მონაცემებით კი Flutter-ისადმი გამოვლენიმა ინტერესის მასშტაბებმა React Native-ს გადაუსწრო.

Statista-ს ამავე წლის კვლევების მონაცემებით Flutter ყველაზე ხშირად მოხმარებადი მობილური ფრეიმვორქია მსოფლიოში.

Linkedin-ის ბოლო კვლევის მიხედვით, Flutter N1 Software უნარია, რასაც დეველოპერები სწავლობენ.

ეს ყველაფერი კი მაშინ, როდესაც Flutter სულ რაღაც ოთხი წელია არსებობს.

შესაბამისად, მაღალანაზრაურებადია

ProCoders-ის უახლოესი მონაცემებით, აღმოსავლეთ ევროპაში Flutter დეველოპერების საშუალო საათობრივი ანაზღაურება 30-დან 65 დოლარამდე მერყეობს. Flutter დეველოპერებზე ვაკანსიები ყოველდღიურად ქვეყნდება ისეთ პლატფორმებზე, როგორიცაა Freelancer და Upwork, სადაც მათი საათობივი ანაზღაურება 100 დოლარამდე აღწევს.

განახლებული და სწრაფად განვითარებადია

Flutter სხვა მობაილ ფრეიმვორკებთან შედარებით ბევრად სწრაფია. აპლიკაციის წერისას იგი იყენებს Just in Time კომპილაციას, რომლის „hot reload” ფუნქციის საშუალებით, შეგიძლია ჩაატარო ექსპერიმენტები, შექმნა სამომხმარებლო ინტერფეისები, დაამატო ან გააუქმო ფუნქციები, გატესტო ან გამოასწორო შეცდომები. სწორედ მისი ამ განახლებული მახასიათებლების საშუალებით, აპლიკაციების შექმნა და გამოშვება ბევრად ნაკლებ დროს მოითხოვს.

მოქნილი და კომფორტულია

Flutter-ს არქიტექტურა საშუალებას გაძლევს ეკრანის ყოველი პიქსელი შენი სურვილით მართო. სწორედ ამიტომ, Android-სა თუ iOS-ზე აპლიკაციები ერთი და იმავე განლაგებისა და ვიზუალისაა, რასაც შექმნისას ჩაიფიქრებ. მისი მექანიზმები, საშუალებას გაძლევს აპლიკაციაში თავისუფლად შეიტანო და ანიმაცია დაადო ნებისმიერ გრაფიკას, ტექსტს, ვიდეოს თუ სხვა ელემენტს, რასაც კი შენი ფანტაზია და სურვილები გასწვდება.

ექსპრესიული და მიმზიდველია

შეიცავს დიზაინსა და ვიდჯეტებს, რომლებიც უზრუნველყოფენ Android-ისა და iOS-ის პიქსელებთან ერთად გამართულ მოქმედებას. თუ არასდროს გსმენია Material.io – ესაა ასევე Google-ს ინიციატივა, რომლითაც შესაძლებელია ესთეტიური, კომფორტული ციფრული პროდუქტების შექმნა, რაზეც Flutter წარმატებით მუშაობს.

Flutter-ის შესწავლა ჩვენთანაც შეგიძლია, Commschool-ში, ლექტორი ნატალი ალიბეგაშვილის ხელმძღვანელობით. მას პროგრამირების სფეროში 5-წლიანი გამოცდილება აქვს. სწორედ Flutter-ის გამოყენებით შექმნა და გამოუშვა 7-ზე მეტი აპლიკაცია, ამჟამად კი Flutter Developer-ის პოზიციას იკავებს Sociosoftware-ში.

კურსი დატვირთულია უამრავი თეორიული თუ პრაქტიკული მასალებით, რაც დაგეხმარება ახალი უნარების გამომუშავებაში. შეგეძლება:

1. Dart პროგრამირების ენაზე კოდის დამოუკიდებლად დაწერა.
2. Flutter framework-ის გამოყენებით საშუალო ზომის აპლიკაციის შექმნა.
3. სწორი მიდგომებისა და პრაქტიკების ეფექტურად გამოყენება რეალურ სამუშაო გარემოში.

პროგრამის განმავლობაში მიიღებ კონსულტაციებსა და რჩევებს კარიერული დაგეგმარებისა და განვითარების კუთხითაც.

რა ბედი ეწევა შენს კარიერულ განვითარებას Flutter-ის კურსის დასრულების შემდეგ? ამისთვისაც მზად ვართ.

Commschool-ში მოქმედებს Alumni Club, რომელშიც კურსის წარმატებით დამთავრებისთანავე ავტომატურად ჩაირიცხები. იგი უზრუნველყოფს შენს მხარდაჭერას სამომავლო კარიერის განვითარებაში, დაგეხმარება მიიღო ექსკლუზიური სამუშაო შესაძლებლობები და გაიარო სტაჟირება პარტნიორ კომპანიებში. თუ მეტი გინდა გაიგო, ჩვენს სხვა ბლოგებს გადახედე, კურსდამთავრებულების ისტორიებს ნახავ, სადაც Alumni Club-ზე და მათ გამოცდილებაზე ინფორმაციას მიიღებ.

არ უნდა გამოგვრჩეს კურსის წინაპირობებიც. თუ მის გავლას გადაწყვეტ, გაითვაისწინე, იგი განკუთვნილია ადამიანებისთვის, რომლებსაც ჰქონიათ გამოცდილება რომელიმე ობიექტზე ორიენტირებულ პროგრამირების ენაში, როგორიცაა Java, C++, C#, Javascript, ესმით ან უმუშავიათ რომელიმე დეველოპმენტის ფრეიმვორკთან, როგორიც არის Android, IOS ან React Native, Xamarin ან სხვა.

დასასრულისთვის კი მხოლოდ იმის დამატებაღა შემიძლია, რომ თუკი შენი Flutter-ით დაინტერესება მოვახერხე, გიტოვებ შესაბამის ბმულს და გულითად „აბა, წარმატებები!“-ს.