Commschool-დან Maverik-ში – ბექა მათიაშვილის კარიერული განვითარების გზა

ამ ბლოგში Content Management-ის კურსდამთავრებულზე, ბექა მათიაშვილზე მინდა გიამბო, რომელიც Alumni Club-ის ფარგლებში კარიერულ განვითარებას კრეატიულ სააგენტო Maverik-ში განაგრძობს.

უკვე სამი დღეა სტაჟირებას გავდივარ და მიღებული ცოდნის რეალიზება უდიდეს სიამოვნებას მანიჭებს. აქ არსებული გარემო კი ჩემი განვითარების ტემპს ზრდის, რაც საოცრად სასიამოვნოა.

ბექამ კურსის ფარგლებში თავისი შესაძლებლობების გამოსაცდელად ფინალურ პროექტზე იმუშავა, რომლის ფარგლებშიც განსხვავებული კონცეფციის მქონე ბრენდი, აკათისტო შექმნა.

ფინალურ პროექტზე მუშაობისას თავი ძალიან კომფორტულად ვიგრძენი. კურსის მიმდინარეობისას შესრულებული დავალებების შეჯამება სწორედ ფინალური პროექტი გახლდათ, რამაც ყველაზე მნიშვნელოვანი - თავდაჯერება შემძინა და ამავდროულად, მიღებული სქილების რეალიზებაში/განვითარებაში დამეხმარა.

ინდივიდუალურობა, შემოქმედებითობა, იდეებისა და ინიციატივების განხორციელების უნარი კონტენტ კრეატორისთვის უმნიშვნელოვანესი უნარ-ჩვევებია. სამუშაო გარემო, რომელიც შენს ფასეულობებთან ჰარმონიაშია, აუცილებელია პროფესიონალისთვის. ბექას თქმით, სწორედ ქომსქულია ადგილი, სადაც თითოეული სტუდენტის შესაძლებლობებს სწორ მიმართულებას აძლევენ და მუშაობის პროცესს კომფორტულს ხდიან.

ეს არის გარემო, სადაც ისწავლი პროფესიონალებისგან, იქნები თავისუფალი, შეინარჩუნებ ნიშას და გეცოდინება, როგორ მისცე კრეატიულ იდეებს სწორი მიმართულება

Content Management-ის კურსი, რომელზეც ბექა საუბრობს, განკუთვნილია ყველასთვის, ვისაც აინტერესებს სოციალური მედია და ამ სფეროში ხედავს საკუთარ თავს, ვისაც აქვს საკუთარი ბრენდი ან ემუშავება სხვადასხვა ბიზნესს.

პროგრამის განმავლობაში მიიღებ საჭირო ცოდნას იმისთვის, რომ კონტენტ კამპანია შექმნა ნებისმიერ იდეაზე, სასურველ ბრენდზე / კომპანიაზე / სტარტაპზე, რომელსაც ექნება მთავარი მესიჯი, Background, Tone of Voice და Insight. რაც მთავარია, ისწავლი, როგორ ჩაუშვა იგი სხვადასხვა სოციალურ მედია არხში და გაეცნობი თითოეულ შემთხვევასთან დაკავშირებულ განსხვავებულ მიდგომას.

თუ შენც ჩაგითრია მარკეტინგის „ბრჭყვიალა, მიმზიდველმა და დაუსრულებელი შესაძლებლობების“ სამყარომ, მაგრამ არ იცი, საიდან დაიწყო, დიდხანს ნუ იყოყმანებ, Content Management-ის კურსს 18 ოქტომბერს ვიწყებთ!