ციფრული პროდუქტის შექმნისა და განვითარების პროცესში მნიშვნელოვანი როლი უჭირავს IT Project Management-ის მიმართულებას. ის უზრუნველყოფს პროექტის დაგეგმარებას, მართვას, ბიუჯეტის გაწერას, რაც საბოლოოდ ნიშნავს წარმატებულ IT პროექტსა და კომპანიის ტექნოლოგიურ წინსვლას.
თუ მენეჯერული უნარ-ჩვევებით გამოირჩევი და თანამედროვე ტექნოლოგიები გიზიდავს, ეს სფერო აუცილებლად დაგაინტერესებს. გაეცანი ბლოგს და შეიტყვე უფრო მეტი IT პროექტების მართვაზე სოფი ბარამაშვილისგან, რომელმაც Commschool-ში IT პროექტების მართვის კურსი გაიარა.
სოფის კურსის დაწყებამდე ამ სფეროში გამოცდილება არ ჰქონია. მას მხოლოდ მცირე შეხება ჰქონდა პროექტებთან და ძირითადად, სხვადასხვა ბაზრის კვლევა ევალებოდა. IT პროექტების მენეჯერის პროფესიას ელექტრონულ პლატფორმებზე გაეცნო და დაინტერესდა. სოფის ძალიან იზიდავს ციფრული პროდუქტები და მათზე მუშაობის პროცესი. ამიტომ, გადაწყვიტა, ეს სფერო უფრო ახლოს გაეცნო.
კურსების ძიებისას Commschool-ზე არჩევანი სილაბუსის გაცნობისა და მეგობრების რეკომენდაციების შემდეგ შეაჩერა. მოლოდინები გამართლდა და სოფიმ პროგრამის დასრულების შემდეგ ღირებული ცოდნა და გამოცდილება შეიძინა:
რეალურად, კურსის აღების მიზანი იყო, ამ სფეროზე უფრო მეტი რამ გამეგო, ვიდრე ამას რომელიმე ვებ-გვერდზე წავიკითხავდი ან პოდკასტში მოვუსმენდი. ასეც მოხდა - ლექტორმა მაქსიმალურად გაგვიზიარა თავისი გამოცდილება. ლექციების დროს გაკეთებული დავალებები თეორიის უფრო კარგად გააზრებაში გვეხმარებოდა. საბოლოო ჯამში კი, კურსმა ყველაფერი მომცა იმისთვის, რომ ამ მიმართულებით უფრო მეტად განვვითარდე.
სწავლების პროცესი განსაკუთრებით სასიამოვნო გამოცდილებად ლექტორის დამსახურებით იქცა. სოფი აღნიშნავს, რომ ის უშუალო იყო, ყველა საკითხს გასაგებ ენაზე ხსნიდა, ლექციები კი იყო ინტერაქციული. ასევე, სოფისთვის მნიშვნელოვანი აღმოჩნდა Commschool-ის წარმომადგენლის ჩართულობაც, რომელიც მუდმივად იღებდა მათგან უკუკავშირს.
Commschool-ის კურსები პრაქტიკაზე დაფუძნებული სწავლების მეთოდით გამოირჩევა. პროგრამის განმავლობაში სტუდენტები არაერთ პრაქტიკულ სავარჯიშოს ასრულებენ, რომლებიც თეორიული ცოდნის უკეთ ათვისებაში ეხმარებათ. ფინალური ინდივიდუალური პროექტი კი კურსის ერთგვარი შეჯამება და მნიშვნელოვანი გამოცდილებაა.
IT პროექტების მართვის კურსის ბოლოსაც სოფიმ საკუთარ ფინალურ პროექტზე იმუშავა. ამ პროცესს პროგრამის ერთ-ერთ ღირებულ კომპონენტად მიიჩნევს და შემდეგნაირად აფასებს:
პირველ რიგში, ფინალური პროექტი საკუთარი თავის გამოცდა იყო. მთელი კურსის მასალა თავიდან გავიაზრე. მივხვდი, თუ რა საკითხები ვიცოდი უფრო კარგად და რა უფრო ცუდად. ყველაფრის გადამეორებაც გამოვიდა და საბოლოო ჯამში, საკმაოდ კარგი შედეგიც დავინახე.
თუკი სოფის მსგავსად შენც გსურს IT სფეროს ერთ-ერთ მოთხოვნად პროფესიას დაეუფლო სფეროს პროფესიონალ ლექტორთან ერთად, ეს კურსი საუკეთესო არჩევანია. აქ საშუალება გექნება, შეისწავლო პროექტის მართვის ის მეთოდოლოგიები და ინსტრუმენტები (Jira, Confluence, Clickup, Trello, Miro), რომლებიც ამჟამად გამოიყენება IT ინდუსტრიაში. გაეცნობი პროექტის მართვის სხვადასხვა მიდგომას. ძირითადი აქცენტი კი გაკეთდება Agile მეთოდოლოგიის Scrum Framework-ზე. გარდა ამისა, მიიღებ მონაწილეობას სალექციო ვორქშოფებსა და სიმულაციებში, რომლებიც მოგამზადებს სამომავლო კარიერული გამოწვევებისთვის.
აქვე კი სოფის რჩევასაც გაგიზიარებ:
განვითარება და სწავლა არ უნდა შევწყვიტოთ. ყველა პროფესია მუდმივად მზარდი და განვითარებადია. IT პროექტების მართვა ძალიან საინტერესოა და ვფიქრობ, რომ ის სფეროა, სადაც ერთფეროვნებით ვერასოდეს მოიწყენ.
მე კი იმას გეტყვი, რომ აუცილებლად გაეცანი კურსის სილაბუსს, გამოიყენე ეს შესაძლებლობა და შემოგვიერთდი Commschool-ში!
