COMMSCHOOL-ში დაწყებული წარმატების ისტორიები – ამბები Introduction to Programming -ის კურსიდან

ყველა, ვინც ყოყმანობს და ფიქრობს, რომ თავს ვერ გაართმევს, ვურჩევ აუცილებლად სცადოს, ერთადერთი აუცილებელი წინაპირობა მონდომებაა

თუ პროგრამირებით დაინტერესდი, გსურს საბაზისო ცოდნიდან დიდ კომპანიებში მუშაობამდე გზა გაიკვალო, მაგრამ მოტივაცია გჭირდება, რომ შენი მიზნები რეალობად აქციო, მაშინ სწორ ადგილას ხარ, რადგან ჩვენი კურსდამთავრებულები მზად არიან, რომ პროგრამირების კურსის ამბები გიამბონ.

პროგრამული უზრუნველყოფის შექმნა დიდი და მრავლისმომცველი საკითხია, რომლის ერთ-ერთი განუყოფელი ნაწილი სასერვერო მხარის პროგრამირებაა, რომელსაც Back-End დეველოპმენტს ვუწოდებთ. ჩვენი კურსი ამ პროგრამულ მოგზაურობაში საუკეთესო გზამკვლევი იქნება შენთვის, რადგან Commschool-ში შეძლებ 0-დან შეისწავლო დეველოპერობისთვის საჭირო უნარები და დააგროვო კარიერული გამოცდილება.

გაიცანი, ჩვენი კურსდამთავრებული გოჩა დარჯანია, რომელიც Introduction to Programming-ის კურსის N1 სტუდენტი გახდა და კურსზე გადახდილი თანხა სრულად დაიბრუნა. გარდა ამისა, გოჩა კურსის დასრულების შემდეგ BDO დიჯითალში RPA დეველოპერის პოზიციაზე დასაქმდა.

იგი გვიყვება, რომ მუდმივად გადასაჭრელი ამოცანებისა და პრაქტიკული დავალებების ხარჯზე მოახერხა სუფთად კოდის წერა:

„პროგრამირება ერთ-ერთი ყველაზე მოთხოვნადი და მაღალანაზღაურებადი პროფესიაა და ამასთან ერთად, საინტერესოა, რადგან მუდმივად გიწევს გადაჭრა რაღაც კონკრეტული ამოცანა. ქომსქულში კი 0-დან შეგიძლია დაიწყო პროგრამირების შესწავლა"

მიშო ჯაფარიძემ პროგრამირებისკენ ნაბიჯები სწორედ ჩვენი კურსის მეშვეობით გადადგა, ახლა კი განვითარებას TBC დაზღვევაში ჯუნიორ დეველოპერის პოზიციაზე განაგრძნობს. იგი ფიქრობს, რომ ეს კურსი განკუთვნილია მათთვის, ვინც მოწადინებულია „სწავლისთვის, შრომისთვის და არა დანებებისთვის“

"Commschool-ს იმიტომ ვურჩევდი, რომ ეს კურსი დამეხმარა გამერკვია ნამდვილად მინდოდა თუ არა პროგრამირების სწავლა და მომცა ძალიან კარგი გამოცდილება და რა თქმა უნდა, განათლება ამ სფეროში, კერძოდ კი C#-ში და .Net დეველოპმენტში."

Introduction to Programming-ის კურსი პრაქტიკული დავალებებითაა სავსე, მაგრამ ყველაზე მნიშვნელოვანი გამოწვევა ფინალური პროექტია, სადაც სტუდენტები ქმნიან პროექტს, Web-Api-ს, რომელიც მოიცავს იუზერების რეგისტრაციას, ავტორიზაციას, Crud ოპერაციებს და ყველაფერ იმას, რასაც ნებისმიერი რეალური პროექტი ითვალისწინებს. ამავდროულად სტუდენტებს აქვთ გასაუბრება, რომელიც მაქსიმალურადაა მიმსგავსებული რეალურ გასაუბრებებს დამასქმებელთან.

გიორგი ვაჩნაძე კი გვიყვება, რომ მისთვის ფინალურ პროექტზე მუშაობა საინტერესო, სახალისო პროცესი იყო და გასაუბრების ნაწილმა მიახლოებული წარმოდგენა შეუქმნა კარიერული განვითარების გზაზე:

„დამჭირდა თითქმის ყველაფრის გამოყენება, რაც კურსის განმავლობაში გავიარეთ. პროექტზე მუშაობამ და წარდგენამ კარგად დამანახა, თუ რა უნარები შევიძინე და რამდენად განვვითარდი ამ განხრით“

ასევე, თუ შენთვისაც ბარიერს წარმოადგენს საკუთარი უნარების ეჭვქვეშ დაყენება, გიორგი გირჩევს, რომ არ დაუჯერო სტერეოტიპებს და ყველაფერი გააკეთო შენი მიზნების ასრულებისთვის:

„ბევრი მითი არსებობს პროგრამირების შესახებ, მაგალითად, რომ აუცილებლად უმაღლესი მათემატიკის ცოდნას მოითხოვს, რომ წარმოუდგენლად რთულია, და ა.შ. ყველას, ვინც ყოყმანობს და ფიქრობს, რომ თავს ვერ გაართმევს, ვურჩევ აუცილებლად ცადოს, ერთადერთი აუცილებელი წინაპირობა, მონდომებაა“

ასე რომ, თუ შენც გინდა, რომ ისწავლო პროგრამირება 0-დან და გინდა გადადგა პირველი ნაბიჯი, შემოგვიერთდი! Introduction to Programming-ის კურსს 22 აპრილს ვიწყებთ!