რეგისტრაცია | 1400₾

Art Direction

  • 13 ლექცია

  • 39 საათი

  • 7 კვირა

ნებისმიერი ვიზუალური გადაწყვეტის მიღმა, იქნება ეს პოსტერი, ანიმაცია, ლოგო და თუ სხვა, დგას ძლიერი კონცეფცია და ექსპერიმენტული მიდგომები. Art Direction-ის ეს კურსი გაძლევთ შესაძლებლობას დაინახოთ და გაიაროთ გზა რომელიც წარმატებული ნამუშევრების საფუძველია.

პროგრამის განმავლობაში თქვენ ისწავლით ინდივიდუალურობის შენარჩუნებას კონკურენტულ გარემოში, ძლიერი კონცეფციების შექმნას თანამედროვე ვიზუალურ სამყაროში და ამბის თხრობის გაძლიერებას კონცეფციის ისეთი ელემენტებით, როგორიცაა პერსონაჟი, სიუჟეტი, ტონი და ვიზუალური მხარე. შეისწავლით კლიენტის პრობლემის ვიზუალურ გადაწყვეტას და ჩაერთვებით კრეატიული კამპანიის შექმნის მთლიან პროცესში - მიღებული ბრიფის შემოქმედებითი გადაწყვეტიდან მის აღსრულებამდე.

კურსი ფოკუსირებულია პრაქტიკულ გამოცდილებაზე, სადაც იმუშავებთ კამპანიის შექმნის სრულ პროცესზე, რაც მოგცემთ ინდუსტრიაში არსებული გამოწვევების გადაჭრის გამოცდილებას.

კურსის დასრულების შემდეგ შეგეძლება

დამატებითი უნარები: კრეატიული ფიქრი, კონცეპტუალური აზროვნება,

  • კონცეფციების შექმნა სხვადასხვა ინდივიდუალური და კომერციული პროექტისთვის;

  • ვიზუალური იდეების ეფექტიანად განხორციელება, საწყისი კონცეფციიდან საბოლოო შესრულებამდე;

  • ყოველდღიური გამოცდილების გამოყენებას იმისთვის, რომ შთააგონო თავი და შექმნა უნიკალური პროექტები;

  • თეორიული და პრაქტიკული ცოდნის დახმარებას ვიზუალური გამოწვევების გადაჭრაში;

  • ექსპერიმენტების ჩატარებასა და ინდივიდუალური პროექტების კონცეპტუალური მიდგომით მართვას;

  • ინსპირაციის მიღებას, კრეატიული იდეის დამუშავებასა და მის კლიენტამდე/მომხმარებლამდე მიტანას;

  • კლიენტის ბრიფისს სტრატეგიულად შეხედვას, პროექტის კონცეპტუალურად და ვიზუალურად დაგეგმვას.

24 აპრილი 1400₾

სამშ-ხუთშ | 20:00-23:00

რეგისტრაცია
სექტემბერი 1400₾

სამშ-ხუთშ | 20:00-23:00

წინასწარ ჩაწერა
გადაანაწილე გადასახადი
TBC განვადება
BOG განვადება

ვისთვის არის კურსი

შემოქმედებითი ადამიანებისთვის

თუ ხართ შემოქმედებითი ადამიანი (გრაფიკოს დიზაინერი, ფოტოგრაფი, ა.შ), რომელსაც აინტერესებს არტ დაირექშენი და გსურთ იდეების გენერირების პროცესის გამრავალფეროვნება, კონცეპტუალური პროექტების შექმნა.

ვიზუალური კომუნიკაციით დაინტერესებული ადამიანებისთვის

მათთვის, ვისთვისაც საკმარისი აღარ არის მხოლოდ ხელსაწყოების ტექნიკური ცოდნა და კონცეპტუალური აზროვნების ჩამოყალიბება და ვიზუალური პროექტების მართვის უნარის გაუმჯობესება სურთ.

პროგრამა მოიცავს

კურსდამთავრებულთა კლუბი

ფინალური გამოცდის წარმატებით ჩაბარების შემთხვევაში, კურსდამთავრებული ავტომატურად ირიცხება Alumni Club-ში, შემდეგ კი იღებს წვდომას ექსკლუზიურ ივენთებზე, კონტენტზე და შემოთავაზებებზე ჩვენი პარტნიორი კომპანიებიდან.

პრაქტიკული პროექტები

პრაქტიკაზე დაფუძნებულ სწავლება, რაშიც იგულისხმება დავალებები / სავარჯიშოები და ინდივიდუალური პროექტი.

ორენოვანი სერტიფიკატი

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.

სილაბუსი

არტ დაირექშენის როლი ინდუსტრიაში
არტ დირექტორის როლი და გუნდის წევრები
საკუთარ გუნდთან კომუნიკაცია
ხელოვნური ინტელექტი არტ დაირექშენში - AI, როგორც კრეატივის განვითარების ერთ-ერთი ხელსაწყო
ბრიფის არსი და მნიშვნელობა
ბრიფის გაცნობის მეთოდები
კითხვარის შედგენა კლიენტისთვის
ინსაითების მნიშვნელობა
კონცეფციისა და იდეის დაფუძნება ინსაითებზე
განსხვავება იდეასა და ინსაითს შორის
იდეის განვითარება ინსაითიდან
იდეის გადმოცემა სხვადასხვა მედიუმში
ონლაინ ვორქშოპი: იდეების გენერირება
კრეატივი ყოველდღიურ საგნებში

აარჩიე შენთვის სასურველი დრო

ლექტორები

სალი ნიკოლაიშვილი

Art Direction

სალი ნიკოლაიშვილი

Art Direction

სალის 7+ წლიანი გამოცდილება აქვს შემოქმედებით ინდუსტრიაში. ამ წლების განმავლობაში, სალი თანამშრომლობდა ისეთ სააგენტოებთან, როგორებიცაა: JWT METRO, Holmes & Watson და Windfors. ასევე, ის არის მოძრაობა ნიკოსა და illustrator club georgia-ს წევრი. სალი გამოცდილი ფრილანს ილუსტრატორი და არტ დირექტორია. მისი პორტფოლიო მოიცავს მრავალფეროვან პროექტებს, კომერციული ილუსტრაციებიდან დაწყებული - BOG, TBC, TBC Insurance, MC, Galleria Tbilisi, EU - პირადი მხატვრული პროექტებით დამთავრებული.

Behance

ხშირად დასმული კითხვები კურსის შესახებ

A: არა, კურსში ჩასართავად წინასწარი გამოცდილება სავალდებულო არ არის, თუმცა დიზაინის ინსტრუმენტებისა და შემოქმედებითი პროცესების ცოდნა სასარგებლო იქნება.
A: კურსი მოიცავს ლექციებს, ვორქშოპებს, ინდივიდუალურ დავალებებსა და ფინალურ პროექტს. იგი აერთიანებს თეორიას და პრაქტიკულ სწავლებას მაქსიმალური შედეგისთვის.

Your search Digital Designer did not match any documents

ვერ მიიღე შენთვის საინტერესო ინფორმაცია?

ჩაეწერე უფასო კონსულტაციაზე

შესაძლოა გაინტერესებდეს

საშუალო
1100₾
AI ვიზუალურ კომუნიკაციაში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1400₾
Art Direction
ნებისმიერი ვიზუალური გადაწყვეტის მიღმა, იქნება ეს პოსტერი, ანიმაცია, ლოგო და თუ სხვა, დგას ძლიერი კონცეფცია და ექსპერიმენტული მიდგომები. Art Direction-ის ეს კურსი გაძლევთ შესაძლებლობას დაინახოთ და გაიაროთ გზა რომელიც წარმატებული ნამუშევრების საფუძველია. პროგრამის განმავლობაში თქვენ ისწავლით ინდივიდუალურობის შენარჩუნებას კონკურენტულ გარემოში, ძლიერი კონცეფციების შექმნას თანამედროვე ვიზუალურ სამყაროში და ამბის თხრობის გაძლიერებას კონცეფციის ისეთი ელემენტებით, როგორიცაა პერსონაჟი, სიუჟეტი, ტონი და ვიზუალური მხარე. შეისწავლით კლიენტის პრობლემის ვიზუალურ გადაწყვეტას და ჩაერთვებით კრეატიული კამპანიის შექმნის მთლიან პროცესში - მიღებული ბრიფის შემოქმედებითი გადაწყვეტიდან მის აღსრულებამდე. კურსი ფოკუსირებულია პრაქტიკულ გამოცდილებაზე, სადაც იმუშავებთ კამპანიის შექმნის სრულ პროცესზე, რაც მოგცემთ ინდუსტრიაში არსებული გამოწვევების გადაჭრის გამოცდილებას.
13 ლექცია
39 საათი
საშუალო
1300₾
Motion Design
ფინალური პროექტის შედეგების მიხედვით, საუკეთესო კურსდამთავრებული გაივლის გარანტირებულ სტაჟირებას პარტნიორი კრეატიული სააგენტოებიდან ერთ-ერთში. Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი
დამწყები
1400₾
UI დიზაინი
დიზაინის აქტიური გაციფრულების ერაში ჩნდება მზარდი და გადაუდებელი საჭიროება ისეთი პროდუქტების, სისტემებისა და სერვისების შექმნის, რომელიც ადამიანებს კომპიუტერთან ინტერაქციას გაუმარტივებს.ინტერფეისის დიზაინი, როგორც დისციპლინა, შეისწავლის ადამიანის ქცევას და უნივერსალური გამოსახულების მეთოდებს, რათა შეიმუშაოს ინტერაქციის ისეთი პრაქტიკები, რომლებიც უკეთ მოერგება მომხმარებლის ინტუიციას, პრინციპებს, საჭიროებებსა და გადაწყვეტილებებს.კურსის ფარგლებში სრულად განვიხილავთ და გავივლით ყველა იმ ეტაპს და მეთოდს, რასაც ინტერფეისის დიზაინერის მოვალეობა და სამუშაოს სპეციფიკა ითვალისწინებს: ბრიფისა და კონცეფციის ანალიზიდან დაწყებული, კომპლექსური wireframe-ის, დიზაინ სისტემის, flow-ს, სტრუქტურის შემუშავებით, ტესტინგით და პროტოტაიპის პრეზენტაციით დასრულებული.
14 ლექცია
42 საათი
საშუალო
1700₾
UX კვლევა & დიზაინი
მას შემდეგ, რაც ციფრულმა პროდუქტებმა ბევრი ყოველდღიური საქმე ჩაანაცვლა, გაჩნდა საჭიროება, რომ ეს პროდუქტები მაქსიმალურად მორგებული იყოს ადამიანების მოთხოვნებს და შესაძლებლობებს. პროდუქტებიდან მიღებული გამოცდილება(UX) ერთ-ერთი გადამწყვეტი ფაქტორია წარმატებისთვის. შესაბამისად, მნიშვნელოვანია ამ სფეროში კომპეტენტური კადრის ყოლა.კურსი დაფუძნებულია მომხმარებელზე ორიენტირებული დიზაინის (HCD), კერძოდ, კი Design Thinking-ის პროცესზე (Framework-ზე) და იძლევა ცოდნას ყველა იმ მეთოდზე, რომელიც ციფრული პროდუქტების შექმნაში გამოიყენება.
21 ლექცია
63 საათი
დამწყები
1250₾
გრაფიკული დიზაინი
ფინალური პროექტის შედეგების მიხედვით, საუკეთესო კურსდამთავრებული გაივლის გარანტირებულ სტაჟირებას პარტნიორი კრეატიული სააგენტოდან ერთ-ერთში. პროგრამა სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტებს საშუალება ექნებათ, გაეცნონ სხვადასხვა ტიპის პროექტზე მუშაობის პროცესს, ვიზუალის კეთების სწორ პრინციპებსა და დიზაინის მიმართულებებს; 0-დან შეისწავლიან გრაფიკული რედაქტორების იმ აუცილებელ ტექნიკურ ნაწილს, რომელიც საჭიროა სხვადასხვა მიმართულებით სამუშაოდ. Adobe Photoshop-ისა და Adobe Illustrator-ის ტექნიკური ცოდნის მიღებით, ისწავლიან ვიზუალების შექმნას სხვადასხვა მედია არხისთვის, ბრიფის სწორად გაანალიზებას, მუდბორდების შექმნას და დიზაინ-პროექტების დაგეგმვას.პროგრამის განმავლობაში თითოეული ლექციის შემდეგ სტუდენტები დამოუკიდებლად შეასრულებენ შესაბამის პრაქტიკულ სავარჯიშოს. ასევე,  მიიღებენ რჩევებს/კონსულტაციებს კარიერული განვითარების კუთხით, კურსის დასასრულს კი შექმნიან ინდივიდუალურ პროექტს, რომლითაც შეკრავენ კურსის განმავლობაში შექმნილ პორტფოლიოს.
14 ლექცია
48 საათი

რელევანტური რესურსები

იხილე სრულად

Art Direction-ის ლექტორის, სალი ნიკოლაიშვილის პორტფოლიო

გსმენია Art Direction-ის შესახებ? თუ არა, გეტყვი, რომ შენი საყვარელი და წარმატებული სარეკლამო კამპანიების უკან, შემოქმედებითი ადამიანების გუნდი დგას, რომელსაც არტ დირექტორი ხელმძღვანელობს.საბოლოო პროდუქტის შექმნაში არტ დირექტორის როლი საკმაოდ დიდია. ის უძღვება კრეატიულ გუნდებს, ახდენს იდეების გენერირებას, მართავს დიზაინის შექმნის პროცესს და ვიზუალური კომუნიკაციის ენას ავითარებს. თუ შემოქმედებითი სამყაროს ნაწილი ხარ და არტ დირექტორის როლის შესახებ მეტის გაგება გსურს, ამ ბლოგს გაეცანი. აქ სალი ნიკოლაიშვილის შესახებ მოგიყვები, რომელიც commschool-ში Art Direction-ის ახალ კურსს გაუძღვება. სალი შემოქმედებითი სფეროთი და დიზაინით ყოველთვის იყო დაინტერესებული. არქიტექტორის განათლების მიღების შემდეგ, GIPA-ში რეკლამა და გრაფიკული დიზაინი შეისწავლა. ამ დროის განმავლობაში, მასზე დიდი გავლენა მოახდინეს ლექტორებმა და მიხვდა, რომ შემოქმედებითი სფერო ძალიან აინტერესებს. ამის შემდეგ, ნელ-ნელა, პატარა ნაბიჯებით დაიწყო კარიერის შენება ამ მიმართულებით. თავდაპირველად, სალი buyers.ge-ში დიზაინის დეპარტამენტის უფროსის პოზიციაზე მუშაობდა, რაც მისთვის საკმაოდ საინტერესო გამოცდილებად იქცა. დროთა განმავლობაში, სალი რეგიონის მასშტაბით წამყვან ისეთ სააგენტოებში იკავებდა არტ დირექტორის პოზიციას, როგორებიცაა Holmes & Watson, windfor's tbilisi და JWT Metro. ამ წლების მანძილზე სალიმ დიდი გამოცდილება და ცოდნა დააგროვა. ამჟამად ის ფრილანს არტ დირექტორი და ილუსტრატორია.  შუალედებში ე.წ. ფრილანსზეც ვმუშაობდი, რაც, ჩემი აზრით, ძალიან საინტერესოა ზრდისთვისა და თვითდისციპლინის გამომუშავებისთვის. სააგენტოებში მუშაობა მრავლის მომცემი იყო. ვგრძნობდი და ახლაც ვგრძნობ, პროექტიდან პროექტამდე როგორ ვიზრდები სალი ნიკოლაიშვილი შემოქმედებითი პორტფოლიო სალისთვის ყველაზე სამახსოვრო, საქართველოს ბანკის 2024 წლის საახალწლო კამპანია –  „საუკეთესო წინ არის” გახდა. მასში ყველასათვის საყვარელი გმირი, ჟირაფი ჟოზე მონაწილეობდა, რომელიც, თავისთავად დადებითი პერსონაჟია. იმ დროს კი, ყველას სჭირდებოდა იმის შეხსენება, რომ საუკეთესო მართლა წინაა. გარდა ამისა,  სალისთვის საკმაოდ საინტერესოა გრაფიკულ ნოველებზე მუშაობაც. საკუთარი პორტფოლიოდან გამოარჩევდა ევროკავშირთან პარტნიორობით, სკოლის მოსწავლეებისთვის შექმნილ გრაფიკულ ნოველას. სალიმ გამომცემლობა “ზოლიან კატასთან”, წიგნის სახელწოდებით “ყოჩაღი გოგონები საქართველოდან” ფარგლებში ითანამშრომლა. მისთვის ძალიან საინტერესო და საპასუხისმგებლო იყო ამ წიგნზე მუშაობა. სალიმ 30 ქართველი ქალის ილუსტრაცია შექმნა, რომლებიც ბავშვებისთვის იყო განკუთვნილი. სალის პორტფოლიო მისი პირადი პროექტებითაცაა გამორჩეული. სალის შთაგონების წყარო ულევია. ეს შეიძლება იყოს მხატვრული ლიტერატურა, ფილმი, მუსიკალური ვიდეო რგოლი, რეკლამა, ცნობილი ვებგვერდი, ქუჩა, ადამიანი თუ სხვა რამ. შემოქმედებითი აზროვნების ჩამოყალიბებაში ყოველი წამი მნიშვნელოვან როლს თამაშობს. სალის თქმით, ჩვენ გარშემო უამრავი ინფორმაციაა, საიდანაც ინსპირაციის მიღებაა შესაძლებელი. მისი თქმით, მთავარია, დააკვირდე, გაიაზრო და შემდეგ სწორად გამოიყენო ეს ყველაფერი. პროფესია - არტ დირექტორი არტ დირექტორი, იგივე შემოქმედებითი ხელმძღვანელი, არის ადამიანი, რომლის მოვალეობაც პრობლემის შემოქმედებითად გადაჭრაა. მასზე მოთხოვნა მზარდია, რადგან შემოქმედებითი ინდუსტრია ბიზნესებისთვის ძალიან მნიშვნელოვანია. ყველაფერი ძალიან სწრაფად ვითარდება და იზრდება. ჩემი აზრით, შემოქმედებითი აზროვნება ყოველთვის ძალიან საჭირო და მოთხოვნადი იქნება. შესაბამისად, ამაზე მეტად მუშაობა და განვითარებაა საჭირო, სალი ნიკოლაიშვილი რა თქმა უნდა, ხელოვნური ინტელექტის განვითარება ამ სფეროშიც საინტერესო საკითხს წარმოადგენს.სალი მიიჩნევს, რომ რეალურად, AI-ის სახით არტ დირექტორებს ახალი ხელსაწყო გაუჩნდათ. გააჩნია, როგორ და რა სახით იყენებენ მას ინდივიდები. რაც შეეხება ექსპერიმენტებს, სალი ამის მომხრე გამუდმებითაა, ძირითადად კი პირად პროექტებში, სადაც მეტი თავისუფლება აქვს და თავიდანვე შეუძლია ექსპერიმენტული მიდგომა გამოიყენოს. როგორც სალი გვიზიარებს, შემოქმედებით ნაწილში ყოველთვის არის და იარსებებს რისკები, იდეებზე ფიქრიდან დაწყებული, აღსრულებით დამთავრებული. სალისთვის პრობლემის გადაწყვეტაზე ფიქრი ახლა უკვე ინსტინქტურია. სწრაფ, მაგრამ გადაჭრის ხარისხიან გზებზე ფიქრს ტვინი რისკების აღმოჩენის დროს ავტომატურად იწყებს. Art Direction: კურსის შესახებ როგორც უკვე გითხარი, commschool-ში Art Direction-ის შესახებ ახალი კურსი დაგვემატა.პროგრამა შესაძლებლობას მოგცემთ, ისწავლოთ წარმატებული ნამუშევრის შესაქმნელად საჭირო მეთოდიკა. კურსი იქნება პრაქტიკული, რითაც უფრო სიღრმისეულად შეისწავლი სფეროს. სალი სტუდენტებს თავის გამოცდილებას გაუზიარებს, რაც განსაკუთრებით მათ დაეხმარებათ, ვინც ახლა იწყებს კარიერას და ამ სფეროსთან დაკავშირებით ბევრი კითხვა აქვს. სტუდენტები გაიგებენ, რა არის რეალურად Art Direction და რამხელა მნიშვნელობა აქვს ამ პროფესიას. ისწავლიან მიდგომებს, როგორ შეიძლება მივიდნენ კონცეფციამდე, შეიმუშაონ იდეა, მოიყვანონ სისრულეში და მიიტანონ მომხმარებლამდე, სალი ნიკოლაიშვილი ასე რომ, თუ გსურს კრეატიული იდეების გენერირების პროცესი უფრო მრავალფეროვანი გახადო და შემოქმედებით პროექტებს წარმატებით უხელმძღვანელო, ეს კურსი შენთვისაა. გაეცანი Art Direction-ის პროგრამის სილაბუსს და შემოგვიერთდი commschool-ში! გაეცანი Art Direction-ის კურსის სილაბუსს

რა არის Art Direction?

ნებისმიერი შემოქმედებითი პროექტის წარმატებით აღსრულებაში, იქნება ეს სარეკლამო, ფილმის წარმოება, ვიდეო თამაშები თუ პროდუქტის შეფუთვა, არტ დირექტორი მნიშვნელოვან როლს თამაშობს.არტ დირექტორს შემოქმედებითი ხედვა და შესაძლებლობა, თარგმნოს მომხმარებლის სურვილი ვიზუალურ დიზაინში, ინდუსტრიის გადამწყვეტ პირად აქცევს.სწორედ ამიტომ, Art Direction-ის მიმართულება ერთ-ერთი ყველაზე საპასუხისმგებლო პროფესიაა.კონკრეტულად რას მოიცავს Art Direction და რა არის არტ დირექტორის მთავარი მოვალეობები? ამ კითხვებზე პასუხს ბლოგში იპოვი. დარეგისტრირდი კურსზე Art Direction - რას მოიცავს ეს სფერო? არტ დაირექშენი შეიძლება განვიხილოთ, როგორც შემოქმედებითი პროექტის ვიზუალური ასპექტების მართვა და გაძღოლა. ეს მოიცავს კრეატიული ხედვისა და ვიზუალური სტილის შემუშავებას, დიზაინერების გუნდთან მჭიდრო თანამშრომლობას, რომლებიც აცოცხლებენ იდეებს. კლიენტებთან და დაინტერესებულ მხარეებთან შეხვედრების დროს არტ დირექტორი წარმოადგენს და იცავს მის კრეატიულ კონცეფციას, განმარტავს, თუ როგორ აღწევს პროექტის მიზნებს გამოყენებული ვიზუალური ელემენტები.ისინი იღებენ გადაწყვეტილებებს ვიზუალური კონტენტისა და დიზაინის სტილის არჩევაში, რა დროსაც ითვალისწინებენ სამიზნე აუდიტორიასა და მარკეტინგულ ტრენდებს. რომ შევაჯამოთ, Art Direction არის შემოქმედებითი პროცესი, რომელიც აერთიანებს კრეატიულ ხედვასა და სტრატეგიულ აზროვნებას, რათა შეიქმნას ეფექტური ვიზუალური გამოცდილება. რას აკეთებს არტ დირექტორი? არტ დირექტორი ხელმძღვანელობს შემოქმედებით პროექტებს, ავითარებს კრეატიულ კონცეფციებს და თავის სამუშაო გუნდთან ერთად, იდეებს რეალობად აქცევს. არტ დირექტორი მუდმივად აძლევს უკუკავშირს შემოქმედებით გუნდს, მათ მიერ შექმნილი ნამუშევრების შესახებ, რათა საბოლოოდ საუკეთესო შედეგი მიიღონ. არტ დირექტორები მიმართავენ მათ ლიდერულ უნარ-ჩვევებს, რათა შთააგონონ და მოტივაცია აუმაღლონ გუნდის წევრებს. ისინი ახალისებენ ინოვაციებსა და თანამშრომლობას.კიდევ ერთი, მნიშვნელოვანი ასპექტი, მომხმარებლებთან ურთიერთობაა. თავდაპირველად, არტ დირექტორი შეხვედრას აორგანიზებს მომხმარებელთან, რათა გაიგოს მისი ხედვა, მოთხოვნები და სურვილები. შემდგომ კი, გუნდთან ერთად უზრუნველყოფს, რომ გზავნილი სწორად და ეფექტურად იქნას გადმოცემული.  როგორ გახდე არტ დირექტორი? იმისთვის, რომ შემოქმედებით სფეროში არტ დირექტორის როლი მოირგო, შემდეგი ნაბიჯები უნდა გადადგა:განათლება ხელოვნების ან დიზაინის მიმართულებით, მნიშვნელოვან თეორიულ საფუძველს შეგიქმნის ვიზუალური კომუნიკაციისა და დიზაინის პრინციპების შესხებ. ეს გამოცდილება შემოქმედებით ინდუსტრიას უკეთ გაგაცნობს;დააგროვე შესაბამისი სამუშაო გამოცდილება -  შეგიძლია, დაიწყო გრაფიკული დიზაინერის ან სხვა შემოქმედებითი როლით, რაც შესაძლებლობას მოგცემს, განივითარო საჭირო უნარები და შექმნა შენი ნამუშევრების მრავალფეროვანი პორტფოლიო;სასარგებლო იქნება გრაფიკული დიზაინის, ილუსტრაციის, ქოფირაითინგისა და ფოტოგრაფიის მიმართულებით გამოცდილების მიღება. განსაკუთრებით საჭიროა ლიდერული უნარ-ჩვევები, რადგან არტ დირექტორს აქტიურად უწევს დიზაინერების გუნდთან და მომხმარებლებთან კომუნიკაცია და თანამშრომლობა. დაგაინტერესა არტ დირექტორის როლმა? მაშინ შენთვის კარგი ამბავი მაქვს - შემოქმედებითი სფეროს წარმომადგენლებისთვის Commschool-ში ახალი კურსი შევიმუშავეთ Art Direction-ის სახით. პროგრამის ფარგლებში, მიიღებ საჭირო თეორიულ ცოდნას და განივითარებ პრაქტიკულ უნარებს, რომლებიც კრეატიული პროექტების მართვაში დაგეხმარება.ასე რომ, კრეატიულ ადამიანებს Commschool-ში გელით!

7 აუცილებელი უნარი არტ დირექტორებისთვის

ნებისმიერი ვიზუალური გადაწყვეტის მიღმა, იქნება ეს პოსტერი, ანიმაცია, ლოგო, ვიდეო და თუ სხვა, დგას ძლიერი კონცეფცია და ექსპერიმენტული მიდგომები. არტ დირექტორის მთავარი მოვალეობაც სწორედ ეს არის - შექმნას კონცეფციურად გამართული ეფექტური კამპანია, რომელიც ბრენდის კონკრეტულ მიზანს ემსახურება.ამ ბლოგში გაგიზიარებ 7 მნიშვნელოვან უნარ-ჩვევას, რომელიც ეხმარება არტ დირექტორს  პროფესიულ საქმნიანობაში 1. გუნდთან თანამშრომლობა არტ დირექტორი მარტო არასდროს მუშაობს.  შესაძლოა რეკლამა შენი ხედვის ან სულაც იმ იდეის ნაყოფია, რომელიც ღამის 2 საათზე სიზმრისგან გამოღვიძებულმა შეიმუშავე. შენ პროექტის მართვის სადავეები გიჭირავს, თუმცა იმისთვის, რომ საბოლოოდ წარმატებული პროექტი მიიღო, სხვა ბევრი ადამიანის ჩართულობა გჭირდება.ადამიანები, რომლებთანაც ითანამშრომლებ, არიან თავისებური კრეატიული გენიოსები. მათ აქვთ საკუთარი იდეები, ემოციები და ეგო, რომლებიც ამ პროცესს თან ახლავს. შენი, როგორც არტ დირექტორის, მოვალეობა სწორედ ამ მრავალი განსხვავებული იდეის მართვაა. წარმოიდგინე, რომ ხარ შეფი: შესაძლოა, კერძის რეცეპტი შენი შემუშავებული იყოს, თუმცა მის საბოლოოს გასაკეთებლად მზარეულები გჭირდება.როგორ გამოიმუშაო ეს უნარი? მოსმენისა და გაგების უნარი მნიშვნელოვანი ფაქტორია. დელეგირებაც დიდ დახმარებას გაგიწევს - კარგად იცნობდე საკუთარ შესაძლებლობებს და შეგეძლოს სხვების ნდობა ხედვის აღსრულებაში, რომელსაც ისინი საკუთარ პერსონალურ შტრიხს დაუმატებენ. გაიგე მეტი კურსის შესახებ 2. დეტალებზე ორიენტირებულობა ერთი დიდი შემოქმედებითი პროექტი მილიონი პატარა ნაწილაკისგან შეიძლება შეგდებოდეს. შესაძლოა, ერთ წამს ქოფირაითერს აძლევდე უკუკავშირს, მეორე წამს კი ერთ-ერთ ვიდეოკამერაში განათების დონეს ასწორებდე. ეს ყველაფერი ხელნაკეთი ნივთების შექმნას ჰგავს. თავიდან შესაძლოა დამღლელი იყოს, თუმცა საუკეთესო არტ დირექტორი უპირატესობას ფლობს: მას უყვარს ხელნაკეთი ნივთები.პროფესიულ ზრდასთან ერთად შესაძლოა ცვლილებაც შენიშნო: საუკეთესო პროდუქტის შექმნის სურვილით დაიწყო ძალიან პატარა დეტალებზე დაკვირვება და მათი შესწორება. ისეთი დეტალები, როგორებიცაა მუსიკა, განათება, კასტინგი, რეკვიზიტი, თვალთახედვუს არეს არ გამორჩება და თითოეულის შემთხვევაში რწმუნდები, რომ ყველაფერი მაღალ ხარისხშია; მაშინაც კი, როცა ბიუჯეტი მცირეა. 3. შენი იდეის (და შენი თავის) შეთავაზება არტ დირექტორს შესაძლოა გამორჩეული ხედვა და იდეა ჰქონდეს, მაგრამ ეს არაფერს ნიშნავს, თუ მას არ შეუძლია სხვა ადამიანების დარწმუნება. ყოველმა შემოქმედებითმა ადამიანმა კარგად იცის, რომ ხშირად ინოვაციური იდეები სხვებისთვის შემაშინებელი და სარისკოა. ამიტომ, სწორი და დამარწმუნებელი კომუნიკაციის წარმართვა არტ დირექტორისთვის უმნიშვნელოვანესი უნარია.ახალი იდეის გაგონებისას ადამიანებს სჩვევიათ მისი ავტორის გაკრიტიკება. ამიტომ, ის, თუ როგორ წარადგენენ საკუთარ თავს, მნიშვნელოვან გავლენას ახდენს პირველი შთაბეჭდილების ფორმირებაში. 4. კრიტიკასთან გამკლავება კრიტიკა შემოქმედებითი ცხოვრების განუყოფელი ნაწილია. ყოველი ახალი რამ სხვების განხილვის საგანი ხდება. ამასთან გასამკლავებლად კი საჭიროა საკუთარი ემოციების მართვა, რადგან შენი რექცია კრიტიკასთან დაკავშირებით განსაზღვრავს შენი განვითარების შესაძლებლობას.როდესაც პროექტზე დღე და ღამე მუშაობ, ეს ნიშნავს, რომ საბოლოო პროდუქტს ობიექტიურად ვეღარ უყურებ. ამიტომ მნიშვნელოვანია, რომ პატივი სცე და მიიღო სხვების აზრი მასთან დაკავშირებით. დაამყარე ნდობით სავსე ურთიერთობა - ისინი აუცილებლად გეტყვიან, როდის უშვებ შეცდომას. 5. შეზღუდული ბიუჯეტით მუშაობა შემოქმედებითი ადამიანისთვის, ალბათ, ნაკლებად საყვარელი ნაწილია პროექტის ბიუჯეტი. თუმცა, რაც არ უნდა იყოს, მას ვერ გაექცევი. ხშირად არტ დირექტორებს დიდი ორგანიზაციების შეკვეთაზე შეზღუდული ბიუჯეტით მუშაობა უწევთ. ამიტომ ეს მოცემულობა შესაძლებლობად უნდა გამოიყენო - ისწავლე, როგორ შექმნა კრეატიული პროექტი მცირე ბიუჯეტის პირობებში. გამოიყენე ეს შეზღუდვა შენი შემოქმედებითი გონების გამოსაწვევად და საინტერესო იდეების მოსაფიქრებლად. 6. მედია და პოპ კულტურა შემოქმედებითი არტ დირექტორი პოპ კულტურის ინჟინერია. შენ წარმატებას მიაღწევს შენს საქმეში მაშინ, როდესაც კარგად შეიმეცნებ იმ სამყაროს ძირითად კანონებს, რომელშიც თავად მუშაობ. არტ დირექტორის შემთხვევაში ეს მედიისა და პოპ კულტურის სფეროს ზედმიწევნით ცოდნაა. აქ მიმდინარე ტენდენციების შესახებ ინფორმაციის ფლობა მნიშვნელოვან დახმარებას გაგიწევს რელევანტური დიზაინისა და სტილის შერჩევაში, რომელიც აუცილებლად მიიქცევს მომხმარებლების ყურადღებას. 7. იდეებთან დამშვიდობება სავარაუდოდ, არტ დირექტორისთვის ეს ყველაზე ძნელად სასწავლი გაკვეთილია. შენ აუცილებლად გექნება ძალიან კარგი იდეა, რომელიც, შენი აზრით, იდეალურია წარმატებული პროექტის გასაკეთებლად. მაგრამ კლიენტს შესაძლოა იგი საერთოდ არ მოეწონოს. ის უარს გეტყვის შემოთავაზება ან უბრალოდ საკუთარი ხედვის განხორციელებას მოგთხოვს. შენ კი ეს ამბავი დაგამწუხრებს და იფიქრებ, რომ არასამართლიანად გაგაკრიტიკეს.ამ შემთვევაში უნდა ისწავლო შენს იდეებთან გამომშვიდობება. შენ ყოველთვის შეგიძლია, ისინი გადაინახო და სხვა დროს გამოიყნო, რადგან ახალი იდეები ხშირად ამარცხებს ძველს. გახსოვდეს, რომ ყოველ იდეას აქვს მომწიფების პერიოდი და ამიტომ, არაუშავს, თუ ისინი ცოტა ხნით 'შეისვენებენ'. ხშირად ძალიან კარგი იდეა უბრალოდ არ ესადაგება კონკრეტულ ადგილსა თუ დროს. იდეა კი ყოველთვის აქ იქნება და შესაბამის დროს იხილავს დღის სინათლეს. დაეუფლე არტ დირექტორის პროფესიას შემოქმედებითი სფეროთი დაინტერესებული ადამიანებისთვის საინტერესო ამბავი მაქვს - Commschool-ში ახალი კურსი გვაქვს - Art Direction. ამ პროგრამის ფარგლებში დააგროვებ იმ საჭირო ცოდნასა და გამოცდილებას, რომელიც არტ დაირექშენის მიმართულებით განსავითარებლად არის საჭირო. მეტი დეტალებისთვის გაეცანი კურსის სილაბუსს და შემოგვიერთდი გაიგე მეტი კურსის შესახებ