6 თვე ასისტენტობიდან სტრატეგობამდე – კურსდამთავრებულის კარიერული განვითარება

ქეთი ორაგველიძე მათ შორისაა, ვინც კომფორტის ზონიდან უშიშრად გამოდის და პროფესიულ სიახლეეებს არ უშინდება. მან 29 წლის ასაკში  საერთაშორისო კომპანია GIZ-ში პროგრამის ასისტენტის პოზიცია დატოვა  და კარიერა ახალ სფეროში ნულიდან დაიწყო. ამ საქმეში მისი მთავარი თანამებრძოლი თბილისის კომუნიკაციის სკოლა იყო,  სადაც სტრატეგიული კომუნიკაციის 6-თვიანი კურსი გაიარა.  ეს დრო მისი პროფესიის შესაცვლელად საკმარისი აღმოჩნდა:

“GIZ-ში მუშაობა საინტერესო და ბევრის მომცემი იყო, თუმცა დიდი და ბიუროკრატიული ორგანიზაცია გარკვეულ დისკომფორტს მიქმნიდა, ამიტომ ვიცოდი, რომ კამპანიის დასრულების შემდეგ ეს სამსახური უნდა დამეტოვებინა. სწორედ ამ პერიოდში  ფეისბუქ გვერდზე წავაწყდი COMMSCHOOL-ის განცხადებას, რომელმაც  ჩემი ყურადღება მიიპყრო. მივხვდი, რომ თუ ამ პროგრამაზე მოვხვდებოდი, ჩემი ცხოვრების ახალი თავი დაიწყებოდა, რაშიც თურმე არ ვცდებოდი”

“ამ სკოლამ ჩემ ცხოვრებაში ახალი პერსპექტივები გაშალა. შთამაგონა ადამიანებთან შეხვედრამ, ვინც ძალიან კარგად იცის თავისი საქმე, ვნებით აკეთებს იმას, რასაც აკეთებს და სწავლასა თუ განვითარებას არ წყვეტსს. ამან მომცა ძალა და მოტივაცია, რომ ჩემი თავისთვისაც მიმეცა შანსი, გავმხადარიყავი ასეთი. ეს სკოლა პროფესიული ცხოვრების ახალ ეტაპზე გადასვლის დასაბამი გახდა. საბოლოოდ, ისე გამოვიდა, რომ ამ ექვსმა ძალიან ინტენსიურმა თვემ რადიკალურად შეცვალა ჩემი ცხოვრება”- იხსნებს ქეთი და მისი სიტყვების დასტურად ახლანდელ სამსახურზეც გვიამბობს: 

 „ყველაზე მეტად პროგრამის დამაგვირგვინებელი თეზისი გახდა ის, რომ სამსახურის შემოთავაზება მივიღე ძალიან მაგარი კრეატიული სააგენტოსგან JWT METRO-სგან სტრატეგის პოზიციაზე“, – სიამაყით ამბობს ის.

თბილისის კომუნიკაციის სკოლაში კურსდამთავრებულთა კლუბი, alumni club მოქმედებს, რომლის ერთ-ერთი მიზანი კურსდამთავრებულთა დასაქმების ხელშეწყობაა. ქეთიმ დასაქმების სასურველი სფერო კურსის ბოლოს ჩატარებულ კვლევაში დაწერა. როგორც ის ამბობდა,  ისეთ სფეროში მუშაობა უნდოდა, რომელიც მუდმივად განვითარებისკენ უბიძგებდა. სწორედ ამ მიმართულებით მუშაობის დაწყებაში შეუწყო ხელი თბილისის კომუნიკაციის სკოლამ.

ახლა ქეთი იმ ფაზაშია,  რომ ყველა პროექტი და  შესრულებული სამუშაო მისთვის აღმოჩენაა, თუმცა ეს ამ საქმისთვის დამახასიათებელია:

“ყველა შემთხვევა რაღაცით განსხვავდება დანარჩენებისგან და ყოველ ჯერზე ახალი პრობლემის გადაწყვეტა გიწევს – ეს ერთ-ერთი მთავარია, რაც ახალ პროფესიაში განსაკუთრებით მომწონს. თუ მაინცდამაინც უნდა გამოვყო რამდენიმე პროექტი, ეს იქნებოდა “თეთრი კვადრატის” და ახალი ფიტნეს კლუბის “მეთოდიკას” ბრენდინგზე მუშაობა, რომელიც მალე იხილავს დღის სინათლეს. ასევე, ამჟამად ვმუშაობ ძალიან საინეტერესო კამპანიაზე, რომელიც ქვეყანაში არსებულ მნიშნელოვან პრობლემას უნდა დაუპირისპირდეს და შეიძლება ითქვას, რომ ამ ეტაპზევე ვამაყობ ამ პროექტით”- გვიზიარებს იგი. 

ქეთი კიდევ ერთ რჩევას და “უამრავ შესაძლებლობას” გვიტოვებს – “COMM SCHOOL სტუდენტებს აძლევს შანსს მოხვდნენ სფეროს ყველაზე ნათელ გონებათა გარემოცვაში და ეს გარემოება უამრავ შესაძლებლობას ბადებს“

ავტორი: მარიამ ელიაშვილი