![](https://commschool.ge/wp-content/uploads/2024/05/Blog-Covers-13-300x200.png)
![](https://commschool.ge/wp-content/uploads/2024/05/Blog-Covers-13-300x200.png)
ჩვენი ყოველდღიურობის უკვე საკმაოდ დიდი ნაწილი ციფრულ სამყაროს ეთმობა. ვებ-გვერდებისა თუ მობილური აპლიკაციების საშუალებით სხვადასხვა სახის ოპერაციებს უფრო მარტივად ვახორციელებთ. მომხმარებლების საჭიროებებზე მორგებული ციფრული პროდუქტის შექმნაში კომპანიებს UX კვლევა & დიზაინი ეხმარება, რომელიც პროდუქტიდან მიღებულ გამოცდილებას საინტერესო მიგნებებში თარგმნის. ამიტომ ამ მიმართულებით პროფესიონალი კადრების ყოლა ყველა ბიზნესისთვის მომგებიანია.
თუ გაინტერესებს, როგორ იქმნება და ვითარდება ციფრული პროდუქტები, სწორად ადგილას მოხვდი. გაეცანი ბლოგს და გაიგე მეტი თამო ცინცაძისგან, რომელმაც UX კვლევა და დიზაინი Commschool-ში შეისწავლა.
თამო ყოფილი იურისტია და ამ მიმართულებით წლების განმავლობაში იყო დასაქმებული. ის დიზაინით რამდენიმე წლის წინ დაინტერესდა. UX/UI დიზაინი კი აღმოჩნდა ის პროფესია, რომელიც იდეალურად ერგებოდა მის პიროვნებასა და ინტერესებს. შესაბამისად, პროფესიის შეცვლა გადაწყვიტა.
აღმოვაჩინე UX დიზაინი და შევიძინე გარკვეული ცოდნა ამ სფეროში. თუმცა ყოველთვის ვგრძნობდი, რომ კვლევის მხრივ ინფორმაციის ნაკლებობას განვიცდიდი. ეს კურსიც ამიტომ ავარჩიე - ვეძებდი პროგრამას, რომელიც იქნებოდა მაქსიმალურად მოცულობითი და პრაქტიკული სავარჯიშოებით დატვირთული.
თამოს თქმით, კურსმა მისი მოლოდინები სრულად გაამართლა. Commschool-ში გარკვეული თეორიული ცოდნით მოვიდა. ეს კურსი კი დაეხმარა, სხვა თვალით შეეხედა მთელი ამ პროცესისთვის, მანამდე წაკითხული თუ გაგებული სხვადასხვა ინფორმაცია თავში უფრო კარგად დაელაგებინა. რაც მთავარია, თითოეული ფაზის პრაქტიკულად გავლამ დიდი ცოდნა და თავდაჯერებულობა შესძინა. პროგრამის დასრულების შემდეგ უკვე შეუძლია, პროდუქტი შექმნას ისე, რომ დიზაინ ფიქრის ყველა ფაზა დამოუკიდებლად გაიაროს. ამასთანავე, თამომ კარგად გააცნობიერა, თუ რამდენად საჭირო და მნიშვნელოვანია კვლევის ჩატარება და მომხმარებლის საჭიროებების სწორად განსაზღვრა. სწავლის დროს კი კვლევისთვის საჭირო ბევრი უნარ-ჩვევაც გამომიმუშავა.
ვფიქრობ, UX დიზაინერობა საკმაოდ შრომატევადი პროფესიაა, რომელიც მუდმივ ზრდას და განვითარებას მოითხოვს, ყოველთვის უნდა ეძებდე ახალ ინფორმაციას, სტატიებს, ახალ ტენდენციებს, ამიტომ მუდმივი განვითარება ამ პროფესიაში მნიშვნელოვანია.
როგორც თამო აღნიშნავს, ლექტორები პროფესიონალები, უშუალოები არიან და მუდმივად ცდილობდნენ, სტუდენტებისთვის რაც შეიძლება მეტი ახალი ინფორმაციის მიეწოდებინათ. ყოველთვის დროული და სასარგებლო იყო მათი უკუკავშირი სხვადასხვა დავალებაზე და მუდმივად მზად იყვნენ დასახმარებლად. ყოველი ლექცია საინტერესო დისკუსიებისგან შედგებოდა, ხშირად დროსაც კი აცილებდნენ, იმდენად ჩართულები იყვნენ პროცესში. თამო აღნიშნავს მთელი კურსის მანძილზე კოორდინატორის ჩართულობასაც, რომლისგანაც ყურადღებასა და მხარდაჭერას მუდმივად გრძნობდნენ.
ფინალური ინდივიდუალური პროექტი Commschool-ის კურსების გამორჩეული ნაწილია. მის ფარგლებში სტუდენტები მიღებულ ცოდნას აჯამებენ და საინტერესო პრაქტიკულ გამოცდილებას იღებენ. თამო მთელი კურსის განმავლობაში მუშაობდა ვეტერინართან ვიზიტის დაჯავშნის აპლიკაციაზე, რომელიც ამ პროცესს უფრო მარტივს და სახალისოს გახდის და დროს მნიშვნელოვნად დაზოგავს. ამ პროექტის შთაგონება მისი კატა, კია გახლდათ. თამოს მთავარი მიზანი, ამ პროექტის ფარგლებში დიზაინ ფიქრის მეთოდოლოგიის ყველა ფაზის დამოუკიდებლად გავლა და საბოლოოდ პროდუქტის შექმნა იყო.
პროექტზე მუშაობა თამოსთვის ძალიან საინტერესო აღმოჩნდა, განსაკუთრებით კი, კვლევის ნაწილი. შერჩეულ სამიზნე სეგმენტთან ინტერვიუების საშუალებით ძალიან ბევრი ინფორმაცია და მიგნებები შეაგროვა. პოტენციურ მომხმარებელთან უშუალოდ გასაუბრებისა და სიღრმისეული ინტერვიუების დახმარებით სულ სხვა თვალით შეხედა ამ პროექტს: ისწავლა მათი გადმოსახედიდან საკითხების აღქმა და ფიქრი.
საბოლოოდ, ძალიან კმაყოფილი ვარ. მომეცა საშუალება, მემუშავა ჩემთვის საინტერესო თემაზე, 0-დან დამეწყო მუშაობა და 3 თვის მანძილზე დამოუკიდებლად შემექმნა პროექტი კვლევის ჩატარებიდან დიზაინის შექმნასა და დატესტვამდე, რაც ჩემთვის ძალიან საინტერესო და მრავლისმომცემი გამოცდილება იყო.
მთელი კურსის მანძილზე ლექტორები ძალიან ჩართულები იყვნენ, ყველა დავალებაზე საინტერესო უკუკავშირს და რჩევებს იძლეოდნენ, რაც თამოს მისი პროდუქტის უკეთესად დახვეწაში ეხმარებოდა. ამ რჩევების გათვალისწინება კი მასაც, როგორც UX/UI დიზაინერს, ზრდიდა. შედეგად, ბევრი მნიშვნელოვანი უნარ-ჩვევა შეიძინა და განივითარა, რაც ფიქრობს, რომ ძალიან დაეხმარება, იმუშაოს იმ სფეროში, რომელშიც თავს ძალიან კომფორტულად გრძნობს.
თუ გსურს, ერთ-ერთ მოთხოვნად ციფრულ პროფესიას დაეუფლო, ახალი თავგადასავლებისთვის Commschool-ში გელოდებით! UX კვლევისა და დიზაინის შესწავლას 25 მაისიდან შეძლებ
კურსი განკუთვნილია მათთვის,...
თუ ხარ Digital Artist, ილუსტრატორი, ან...
ვისთვის არის კურსი სხვადასხვა...