სალომე ზანდუკელის ფინალური პროექტი – Content Management-ის კურსდამთავრებული

“პირველი, რაც Commschool-ზე გამახსენდება ის ყურადღებაა, რაც სტუდენტების მიმართ კურსის ნებისმიერ ეტაპზე იგრძნობოდა. “ქომსქულელობა” ჩემთვის ხარისხსა და პროფესიონალიზმთან ასოცირდება. ძალიან მომწონს ის ფაქტიც, რომ კურსის დასრულების შემდეგ სკოლა ჩვენთან კომუნიკაციას არ წყვეტს და პროფესიული მიზნების ასრულებაშიც გვეხმარება. რაც მთავარია, შეგრძნება მაქვს, რომ ძალიან კარგი გუნდის წევრი ვარ” – ამბობს სალომე ზანდუკელი, რომელიც Content Management-ის კურსდამთავრებულია.

პროგრამის ბოლოს სტუდენტებს ფინალურ პროექტზე მუშაობისთვის უნდა შეერჩიათ სასურველი ბრენდი/კომპანია/სტარტაპი და შესაბამისად უნდა შეექმნათ კონტენტ-კამპანია, რაც მოიცავდა სტრატეგიას (background, insight, tone of voice, big idea და ა.შ.) და იდეის ჩაშლას სამ სხვადასხვა სოციალურ მედია არხში.

ბლოგში სალომე თავისი ფინალური პროექტის შესახებ ვრცლად მოგვიყვება:

“ფინალურ პროექტად მიუსაფარი ძაღლების თემა ავირჩიე და თამაზ ელიზბარაშვილის თავშესაფარი ავიღე. ვფიქრობ, რომ ეს საკითხი ერთ-ერთი პრობლემატური თემაა საქართველოში, რადგან ადამიანებს ურჩევნიათ ოთხფეხა მეგობარი შეიძინონ და არა თავშესაფრიდან აიყვანონ. ამ უკანასკნელში კი უფრო და უფრო მეტი ძაღლი გროვდება. ერთ-ერთი პრობლემა არის ისიც, რომ ზოგჯერ ამ ადამიანებთან კომუნიკაცია მორალისტური კუთხით მიმდინარეობს, რაც გაჩუქების პროცესს უფრო ართულებს ხოლმე. ამიტომ, ჩემს სტრატეგიაში tone of voice უფრო მეგობრული და მხიარულია – თავშესაფრიდან ძაღლის აყვანის მსურველი გმირი ხდება, რომელსაც გმირობის ჩასადენად მხოლოდ მისკენ გამოწვდილი თათის დანახვა სჭირდება”.

სალომეს თქმით, მუშაობის პროცესში ყველაზე მეტად ის, სტრატეგიის წერამ გაიტაცა:

“შემიძლია თამამად ვთქვა, რომ საქმის მხრივ, ასე კომფორტულად თავი არასოდეს მიგრძვნია. მივხვდი, რომ კონტენტ სტრატეგიის წერა ერთი დიდი მოგზაურობაა, რომელიც იმდენად საინტერესოა, არც კი გინდა, რომ დასრულდეს. ძირითადად ამ პროცესში იმაზე დაკვირვება მომეწონა, თუ როგორ ფორმირდება ფიქრი აზრად, როგორ ანაცვლებს მას მეორე აზრი და საკუთარ თავთან ბრეინშტორმინგის შედეგად რაღაც განსაკუთრებულს როგორი ფორმით იღებ“.

სალომემ კურსის განმავლობაში საკმაოდ მნიშვნელოვანი ცოდნა დააგროვა, რაც შესაბამისი უნარების განვითარებაში დაეხმარა და მეტად თავდაჯერებულიც გახდა:

“კურსის დაწყების ერთ-ერთი მიზეზი საკუთარ თავში ნაკლები რწმენა იყო, თითქოს, რასაც ვსაქმიანობდი, იმას აკადემიური ცოდნა არ ედგა უკან. კურსის მიმდინარეობისას კი ლექტორის დახმარებით კონტენტის სფეროში ღრმად ჩავიხედეთ, გავეცანით მსოფლიოში ცნობილი ბრენდების კონტენტ-სტრატეგიებს, დასასრულს კი ჩვენ თვითონვე მოგვიხდა სტრატეგიის შექმნა. საკუთარი თავის რწმენაც ბევრად გამიმყარდა”.

Content Management-ის კურსის გავლა სულ 14 ლექციას მოიცავს კურსის ბოლოს კი გეცოდინება, თუ როგორ დაგეგმო და აღასრულო კონტენტ კამპანია დამოუკიდებლად, როგორ ჩაშალო კონტენტ კამპანია სხვადასხვა მედია არხებში, როგორ ეურთიერთო შენს აუდიტორიას, როგორ იმუშაო სწრაფად და ეფექტიანად და ა.შ.

მნიშვნელოვანია ისიც, რომ Commschool-ში ყველა კურსდამთავრებულისთვის ფუნქციონირებს Alumni Club, რომლის ფარგლებშიც ისინი პარტნიორი კომპანიებისგან იღებენ ექსკლუზიურ სამუშაო შეთავაზებებს, სტაჟირებებსა და კონსულტაციებს. ეს კომპანიების: Holmes & Watson, Adjarabet, Redberry, JWT Metro ა.შ. აქვე, შეგიძლია გაეცნო ერთ-ერთი Content Management-ის კურსდამთავრებულის, ანანო ჭელიძის, კარიერული განვითარების გზას, რომელიც კურსის დასრულებისთანავე “Redberry”-ის გუნდს შეუერთდა.

თუ შენც გინდა, მოკლე ხანში შეძლო ხარისხიანი და ეფექტური კონტენტის შექმნა, ამისთვის Content Management-ის კურსზე უკვე შეგიძლია გაიარო რეგისტრაცია.
შემოგვიერთი და თავადაც გახდი წარმატებული Commschool-ელი.