“ლექტორის დახმარებით, თავში მუდმივად გიტრიალებს “მე ამისგან გავაკეთებ!” – გვანცა რაზმაძე

კითხვაზე, „რა გავაკეთო იმისთვის, რომ ჩემი ცხოვრება უკეთესი გავხადო?“ ალბათ, რამდენ ადამიანსაც მიმართავ, იმდენ განსხვავებულ პასუხს მიიღებ. კურსდამთავრებული, რომელზეც ამ ბლოგში მოგიყვები, არ ართულებს, მისი პასუხი ღია და პირდაპირია:

გვანცა რაზმაძე Content Management-ის კურსდამთავრებულია, რომლის ფინალურ პროექტსაც სწორედ ზემოთ მოცემული იდეა დაედო საფუძვლად. იგი ქმნის ადგილს სხვადასხვა ოთახით, რომლებსაც სრულიად სხვადასხვა დანიშნულება, თუმცა ერთი მიზანი აქვს: არ მოიწყინო.

და, იცი, კიდევ რა?

„მთავარია სურვილი, მონდომება და ჯადოსნური ჯოხი, რომ დედამიწაზე მოწყენილობა აღარ არსებობდეს!“

ჯადოსნური ჯოხით თუ მის გარეშე, გვანცა ფინალური ნაშრომის მომზადებისასაც ერთობოდა და არც მოუწყენია. მისივე თქმით, მისთვის ეს პროცესი უდიდესი სიამოვნება იყო.

„ზიხარ და არსაიდან მოგდის უამრავი აზრი… გეღიმება უზომოდ და იწყებ ამ ფიქრებთან ერთად დიდ მოგზაურობას. იწყებ სტრატეგიის აწყობას და თან თავში მუდმივად გიტრიალებს ,,მე ამისგან გავაკეთებ“!“

„ამისგან“ „იმის“ გასაკეთებლად უნარები კი მან ჩვენთან, Commschool-ში გამოიმუშავა Content Management-ის კურსის გავლისას.

 Content Management ეს არის პროგრამა, რომელიც განკუთვნილია მომავალი, ან ამჟამინდელი შემოქმედი ადამიანებისთვის, ვისაც სურთ გამოიმუშავონ ისეთი უნარები, როგორიც არის:

  • განსაზღვრო რა დროს, როგორი კონტენტია საჭირო აუდიტორიისთვის
  • დაგეგმო და აღსრულო სხვადასხვა კონტენტ კამპანია დამოუკიდებლად და მათი ჩაშლა სხვადასხვა სოციალურ მედია არხში
  • დამოუკიდებლად შექმნა ბლოგის, ფოტოს და ვიდეო მასალის ბრენდისთვის

Content Management-ის დასრულების შემდეგ ყოველი კურსდამთავრებული ავტომატურად ირიცხება Alumni Club-ში. ეს არის კლუბი, რომელიც მათ დაეხმარებათ მათთვის მისაღებ სამუშაო პირობებით დასაქმებასა და სტაჟირების გავლაში სხვადასხვა, პარტნიორ კომპანიებთან.

გვანცა, რომელიც უკვე არის Alumni Club-ის წევრი, კურსის პირველ დღეს იხსენებს, როდესაც სხვადასხვა პროფესიის ჯგუფელებთან ერთად იწყებდა კონტენტის შესწავლას. ამბობს, რომ ბევრს ნერვიულობდნენ, არ იცოდნენ რამდენად გაართმევდნენ თავს. თუმცაღა, მისი თქმით, ლექტორთან პირველივე კომუნიკაციამ, მალევე დაარწმუნა, რომ აუცილებლად ყველაფერი გამოვიდოდა და მთავარი:

„...მივხვდით რომ ჩვეულებრივ ადგილას არ მოვხვედრილვართ. ყველაზე სასიამოვნო იყო დამოკიდებულება სტუდენტებისადმი, ყურადღება და ძალისხმევა, რომ რაც შეიძლება მეტი ცოდნა გაზიარებულიყო.“

Commschool არ არის გვანცასთვის ჩვეულებრივი ადგილი და ამიტომ მასში ჩაბარებას ურჩევს,

„ყველას, ვისაც კი ერთხელ მაინც უფიქრია, რომ არაფრისგან უნდა შექმნას დიდებული რამ, სწორედ ეს ადგილია ამისთვის. დაგხვდებათ გარემო, სადაც ერთი სული კი არ გექნებათ როდის დამთავრდება ლექციები, პირიქით 3 საათიანი ლექციის მერე შეიძლება გეწყინოთ კიდეც უფრო დიდხანს რომ არ გაგრძელდა.“

თუკი შენც დაინტერესდები Content Management-ით, გადაწყვეტ მეტი გაიგო მასზე, ან სულაც თავადაც გაიარო, მაშინ, აღარ დააყოვნო.. „წამო!“ 

კურსზე ჩარიცხვა

 

ავტორი: ღონღაძე სოფიკო


content managementგვანცა რაზმაძეფინალური პროექტი



გამოიწერე სიახლეები

გაიარე კონსულტაცია

გაგზავნა