გურამ ჯიბლაძის ფინალური პროექტი – Angular-ის კურსდამთავრებული

Angular-ის კურსის ფინალურ ნაშრომად სტუდენტები Angular ტექნოლოგიის გამოყენებით ფილმების, მუსიკის ან წიგნების კატალოგისთვის ვებ-აპლიკაციას აწყობენ. ამაში მათ კურსზე დაგროვილი გამოცდილება ეხმარებათ, რითაც თეორიულ ცოდნას პრაქტიკაში იყენებენ.


“ქომსქულელობა ჩემთვის კარიერაში წინ გადადგმულ ნაბიჯსა და დეველოპერული პროცესის სხვა კუთხით დანახვას ნიშნავს” 

გურამ ჯიბლაძე, Angular-ის კურსდამთავრებულია, რომელმაც კურსის დასრულების შემდეგ კარიერული შემოთავაზებები მიიღო:

“პროექტის დასრულების შემდეგ დაინტერესება მქონდა კომპანია Sweeft digital-გან. გასაუბრების შემდეგ Angular-ის გამოყენებით ქვიზ აპლიკაციის აწყობა დამავალეს, რასაც თავი წარმატებით გავართვი”

Sweeft Digital-ისგან დაინტერესება კი Commschool-ის Almuni Club-ის ფარგლებში მოხდა. რამდენიმე სიტყვით ამის შესახებ გეტყვით.

ჩვენი ნებისმიერი კურსის წარმატებული კურსდამთავრებულები Alumni Club-ში ავტომატურად წევრიანდებიან, ეს კი მათ Commschool-ის პარტნიორი კომპანიების ექსკლუზიურ ვაკანსიებზე აძლევს წვდომას. ამ კომპანიებს შორის ისეთებსაც იპოვი, როგორიც, მაგალითად, Sweeft Digital, Space, Adjara Sport, Omedia, ლიბერთი ბანკი თუ GPI Holding არიან. ახლა დროა, გურამის ფინალური პროექტი გაგაცნოთ.

გურამმა ფილმების კატალოგის ვებ-აპლიკაცია შექმნა, გამართა ფუნქციონალი და პროექტზე დამოუკიდებლად მუშაობის უნარები განივითარა:

“ჩემი ფინალური დავალება ფილმების კატალოგის შექმნა იყო. კატალოგს, იუზერისთვის შესაძლებლობა უნდა მიეცა, შეენახა უკვე ნანახი და მომავალში სანახავი ფილმები. ასევე, დაეწერა მცირე შეფასება და მიეცა რეიტინგი კონკრეტული ფილმებისთვის.”

როგორც გურამი აღნიშნავს, კურსის ფორმატი მისთვის ეფექტური აღმოჩნდა:

“სალექციო პროცესში მასალის სიღმისეულად გადმოცემას გამოვარჩევდი. ჩემთვის განსაკუთრებით საინტერესო კი უშუალოდ არქიტექტურული პატერნების გაცნობა იყო”

საერთო ჯამში, გურამის აზრით, Commschool-ში მიღებული ცოდნა მის კარიერულ განვითარებას დაეხმარება, ეს კი ის ფაქტორია, რის გამოც ის სხვებსაც ურჩევდა სკოლასა და Angular-ის კურსს:

“კურსზე მიღებული ცოდნა სიღრმისეული იყო, ამდენად, ვფიქრობ, მიღებული გამოცდილება კარიერულ წინსვლაში დამეხმარება. ამ ნაბიჯების გავლას ვურჩევდი ყველას, ვინც Angular-ით არის დაინტერესებული”

ცოდნა, რომელსაც გურამი ახსენებს, 20 სამსაათიანი ლექციისა და 10 კვირის განმავლობაში შეგიძლია მიიღო. Angular-ის კურსზე შენ ისწავლი და გამოიყენებ Angular-ის ყველა ძირითად კონცეფციასა თუ არსებულ best practice-ებს. TypeScript-საც სიღრმისეულად გაეცნობი:

კურსის ბოლოს TypeScript-ის ენაზე დამოუკიდებლად შეძლებ მუშაობას და მისი გამოყენება Angular-ის მიღმაც, ნებისმიერ TypeScript-Based ტექნოლოგიაში შეგეძლება. თანამედროვე JavaScript-საც შეეხები და სიღრმისეულად გაარჩევ რეაქტიულ პარადიგმასაც(RxJS). საერთო ჯამში, კურსის ბოლოს Angular-ის გამოყენებით single-page ვებ-აპლიკაციებს დამოუკიდებლად ააწყობ და Angular-ში დამოუკიდებლად განვითარების უნარებიც გექნება.

თუ front-end-ის საბაზისო ცოდნა(HTML, CSS, JavaScript) ჯერაც არ გაქვს, Angular-ის კურსამდე, ალბათ, აჯობებდა Introduction to Front-end Development-ის კურსი მოგენახულებინა. მაგრამ თუ ამაში უკვე ერკვევი, თან Angular-ის მიმართულებით დაინტერესდი და კარიერული წინსვლის შანსიც გხიბლავს, მაშინ გეტყვით, რომ Angular-ის კურსზე რეგისტრაცია უკვე შეგიძლია.

პროგრამაზე ჩარიცხვა


ავტორი: ანანო ფეიქრიშვილი


Angularგიორგი ბაზერაშვილიგურამ ჯიბლაძეფინალური პროექტი



გამოიწერე სიახლეები

გაიარე კონსულტაცია

გაგზავნა