რატომ AI, რატომ ახლა?

რატომ არის დღეს AI-ს ცოდნა მნიშვნელოვანი

ხელოვნური ინტელექტი წარსულში თითქოს მხოლოდ ფანტასტიკურ ფილმებში არსებობდა – რობოტები, რომლებიც ადამიანებს სჯობნიდნენ. დღეს კი, AI უკვე რეალურია. ის არა მხოლოდ ჩვენს ყოველდღიურობაშია, არამედ ცვლის ყველაფერს – როგორ ვსწავლობთ, ვმუშაობთ და ვცხოვრობთ.

რატომ გახდა AI ასეთი აქტუალური ბოლო 2-3 წელიწადში და რატომ იყენებენ მას თითქმის ყველა სფეროში? ბოლო წლების განმავლობაში ხელოვნური ინტელექტი იმდენად სწრაფად განვითარდა, რომ ექსპერიმენტებიდან პირდაპირ ჩვენს ყოველდღიურ ცხოვრებაში გადმოვიდა. გენერაციულმა მოდელებმა, როგორიცაა ChatGPT, GEMINI და სხვა, რეალურად აჩვენა, რა პოტენციალი აქვს AI-ს — ტექსტის შექმნაში, დიზაინში, ბიზნეს პროცესებში, მომხმარებლის გამოცდილებაში და სხვა მიმართულებებში.

სწორედ ამიტომ, ამ ბლოგში განვიხილავთ იმ მიზეზებს, რამაც ხელი შეუწყო AI-ს აქტუალურობას და ვნახავთ, როგორ გახდა ის გარდამტეხი ძალა თითქმის ყველა სფეროსთვის — ტექნოლოგიებიდან დაწყებული, განათლებითა და კრეატიული ინდუსტრიებით დამთავრებული.

გენერაციული AI - ტექნოლოგია, რომელმაც ყველაფერი შეცვალა

წარსულში AI ძირითადად გამოიყენებოდა მონაცემების ანალიზსა და ავტომატიზაციაში, მაგრამ სწორედ გენერაციული AI გახდა ის, რამაც ყველაფერი შეცვალა. ChatGPT, Midjourney, Gemini, Claude – ეს მხოლოდ რამდენიმე ხელსაწყოა გენერაციული ხელოვნური ინტელექტისა, რომელსაც შეუძლია:

შექმნას ტექსტი და პრეზენტაციები
დაგეგმოს მარკეტინგული კამპანია
დაალაგოს მონაცემები Excel-ში
დაგეხმაროს გრაფიკული დიზაინის იდეების გენერირებაში
დაწეროს კოდი სხვადასხვა პროგრამულ ენაზე

ეს ყველაფერი ხელმისაწვდომია ყველასთვის – სტუდენტებისთვის, დიზაინერებისთვის, კონტენტ კრეატორებისთვის, მარკეტინგის მენეჯერებისთვის და დამწყები თუ გამოცდილი პროგრამისტებისთვისაც.

თუ გინდა, რომ საკუთარ სფეროში წარმატებული და სამუშაო ბაზარზე მოთხოვნადი დარჩე, გენერაციული AI-ის გამოყენება უკვე ერთ-ერთი პირველი უნარია, რომელიც უნდა შეიძინო. AI Essential–ს კურსი კი სწორედ ამაში დაგეხმარება.

ტექნოლოგიური საფუძველი გენერაციული AI-ს წარმატებისთვის

ერთ-ერთი მთავარი მიზეზი, რატომაც ახლა ხდება AI-ს ბუმი, არის ტექნოლოგიური მზაობა:

გააფართოვდა გამოთვლითი სიმძლავრე, განსაკუთრებით GPU ტექნოლოგია, რომელიც საჭიროა დიდი AI მოდელების გასაშვებად.
იზრდება იმ მონაცემების რაოდენობა, რომლითაც ალგორითმები სწავლობენ. სოციალურ ქსელებში, საიტებზე და აპლიკაციებში დატოვებული ციფრული კვალი ყოველდღიურად კვებავს AI სისტემებს.
ინტერნეტზე წვდომა და Cloud ტექნოლოგიები AI-ს განაწილებას ამარტივებს – ახლა შეგიძლია შენი AI ასისტენტი ნებისმიერ მოწყობილობაზე გამოიყენო.

ეს ყველაფერი ნიშნავს იმას, რომ ტექნოლოგიურად ყველაფერი მზადაა იმისთვის, რომ AI გახდეს უნივერსალური სამუშაო ინსტრუმენტი, როგორც თავის დროზე ელექტროენერგია, კომპიუტერი ან ინტერნეტი გახდა ადამიანების ცხოვრების განუყოფელი ნაწილი.

AI-ს გამოყენება ბიზნესში

AI-ს რეალური ბუმი სწორედ მაშინ დაიწყო, როდესაც მისი გამოყენება არა მხოლოდ ტექნოლოგიურმა კომპანიებმა, არამედ მარკეტინგის სააგენტოებმა, დიზაინის სტუდიებმა, ან თუნდაც უბრალოდ საოფისე სამსახურებმა დაიწყეს. ხელოვნური ინტელექტის ბუნებრივი ენის დამუშავების, მანქანური სწავლებისა და კომპიუტერული ხედვის წყალობით, ბიზნესებს ახლა აქვთ საშუალება, რომ ოპტიმიზაცია გაუკეთონ თავიანთ ოპერაციებს, გახადონ ისინი ავტომატური, გაზარდონ პროდუქტიულობა და მინიმუმამდე დაიყვანონ ხარჯები.

AI უკვე:

ამარტივებს მომხმარებელთა მომსახურებას (AI ჩატბოტებით),
ეხმარება ბრენდებს კამპანიების დაგეგმვაში,
ამზადებს კონტენტს TikTok-სა და Instagram-ისთვის,
ანალიზებს მონაცემებს Power BI-ში და Excel-ში.
ეხმარება კომპანიებს მონაცემების უფრო მარტივად გაანალიზებაში
ხდის პროდუქტსა და სერვისს უფრო მეტად პერსონიფიცირებულს

მიუხედავად იმისა, თუ რომელი სფეროთი ხარ დაინტერესებული, შეგიძლია დღესვე დაიწყო AI-ს გამოყენება ყოველდღიურ საქმიანობაში. ეს ზრდის პროდუქტიულობასა და სარგებელს – სწორედ ამიტომ ბიზნესებიც აქტიურად იწყებენ AI-ს საკუთარ საქმიანობაში გამოყენებას.

როგორ გამოიყურება AI-ს მომავალი

AI-ს მომავლის შესახებ ბევრი სხვადასხვა აზრი არსებობს, ბევრი ტექ ლიდერი მიიჩნევს, რომ პროგრესს წინ ვერ აღვუდგებით და რაც უფრო ვითარდება AI, მით უკეთესია ეს ყველაფერი ჩვენთვის. მაგრამ ეს მიდგომა ბევრ გაუთვალისწინებელ რისკს შეიცავს, როგორებიცაა – დეზინფორმაცია, ადამიანური რესურსების ჩანაცვლება, ეთიკური ხარვეზები და საბოლოოდ – ნდობის დაკარგვა.

მეორეს მხრივ, AI შეიძლება, რომ ადამიანის მხარდამჭერად იქცეს. ეს გულისხმობს, რომ მომხმარებელები ისწავლიან, როგორ გამოიყენონ AI ეთიკურად, კომპანიები უკვე ქმნიან AI guide-ებს, პოლიტიკას, ფეხს უწყობენ პროცესებს, ხოლო საზოგადოება ხდება AI-ს თანაშემოქმედი და არა მისი მსხვერპლი.

AI უკვე აქ არის!

დღეს ხელოვნური ინტელექტი არ არის მხოლოდ ტექნოლოგიური ინსტრუმენტი, მისი ცოდნა გაძლევს უპირატესობას და გხდის კონკურენტუნარიანს.

AI ცვლის ჩვენი ცხოვრების თითქმის ყველა სფეროს, დაწყებული მედიცინითა თუ განათლებით, დამთავრებული მედიითა და მარკეტინგით. სწორედ ახლაა დრო, რომ AI-თან მეგობრობა დავიწყოთ.

რატომ AI? იმიტომ, რომ ის ცვლის თამაშის წესებს.
რატომ ახლა? იმიტომ, რომ მისი გამოყენებით შესაძლებლობები უკვე არსებობს.

სწორედ ამიტომ არის AI-ს საფუძვლების შესწავლა მნიშვნელოვანი. AI Essentials -ის კურსის გავლისას უბრალოდ არ სწავლობ როგორ სთხოვო ChatGPT-ის ტექსტის დაწერა ან შექმნა ვიზუალი Midjourney-ით. კურსი მოგცემს ცოდნას, რომელიც ჩვენი დროის უდიდესი ტექნოლოგიური ცვლილების ნავიგაციასა და სიახლეებისთვის მომზადებაში დაგეხმარება.

გაუზიარე მეგობრებს

რელევანტური ბლოგები

პრაქტიკული მაგალითები: AI-ს გამოყენება და ავტომატიზაცია...

განსხვავება აგენტურ AI-სა და გენერაციულ AI-ს შორის...

თბილისის კომუნიკაციის სკოლა Ad Black Sea-ს ფესტივალზე...

შესაძლოა გაინტერესებდეს

საშუალო

1400₾

AI Agents & Automations

აგენტური ხელოვნური ინტელექტი მსოფლიოში დღეს ყველაზე გავრცელებულ და მოთხოვნად ტექნოლოგიად ითვლება. ის შექმნილია იმისთვის, რომ იმოქმედოს ავტონომიურად და მიიღოს გადაწყვეტილებები ადამიანის მინიმალური ჩარევით. ანუ, მას შეუძლია შეასრულოს კომპლექსური ამოცანები, როგორიცაა დაგეგმვა, პრობლემის გადაჭრა და კომუნიკაცია. AI აგენტები და no-code ავტომატიზაცია საშუალებას გვაძლევს, შევქმნათ სისტემები, რომლებიც აზროვნებენ, მოქმედებენ და რეაგირებენ ცვლად, დინამიურ გარემოზე. კურსის დასრულების შემდეგ სტუდენტები შეძლებენ პერსონალურ საჭიროებებზე მორგებული AI სისტემების დაგეგმვასა და პროცესების ავტომატიზაციას ისე, რომ ნაკლები დროითი დანახარჯით მეტ ეფექტურობას მიაღწიონ.

8 ლექცია

24 საათი

საშუალო

1400₾

AI in Content Creation

ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.

10 ლექცია

25 საათი

დამწყები

1400₾

AI ბიზნესის განვითარებაში

ხელოვნური ინტელექტი აღარ არის მხოლოდ ტექნოლოგიური ტრენდი - ის დღითიდღე უფრო მნიშვნელოვან როლს თამაშობს თანამედროვე ბიზნეს სამყაროში. AI ეხმარება ბიზნესებს, გააანალიზონ დიდი მოცულობის მონაცემები, გააუმჯობესონ გადაწყვეტილებების მიღების პროცესი, გაზარდონ ეფექტურობა, შეამცირონ ხარჯები და შექმნან ინოვაციური პროდუქტები თუ მომსახურებები. მეტიც, კომპანიები, რომლებიც AI-ის იყენებენ, შემოსავლების 2.5-ჯერ, ხოლო პროდუქტიულობის 50%-მდე ზრდას აჩვენებენ. სწორედ ამიტომ, AI ტექნოლოგიების ცოდნა და მათი ბიზნეს პროცესებში ინტეგრაციის უნარი დღეს კრიტიკულად მნიშვნელოვანია ნებისმიერი ორგანიზაციის წარმატებისა და კონკურენტუნარიანობისთვის. ამ პროგრამის ფარგლებში თქვენ შეისწავლით, თუ როგორ შეარჩიოთ და მოარგოთ ხელოვნური ინტელექტის ხელსაწყოები თქვენი ბიზნესის უნიკალურ საჭიროებებს, როგორ გაამარტივოთ და გააუმჯობესოთ სამუშაო პროცესები AI-ის დახმარებით და რაც მთავარია, ტექნიკური ექსპერტიზის გარეშე, შეძლებთ, თქვენი კომპანიის მონაცემები სტრატეგიულ უპირატესობად აქციოთ.

12 ლექცია

36 საათი