ძველ ვერსიაზე გადასასვლელად დააჭირე აქ

ოთო მიქაძე - გრაფიკული დიზაინის ლექტორის პორტფოლიო

blog-detail-img

“სარეკლამო მესიჯები და ვიზუალები ყოველთვის მიზიდავდა, მიკვირდა ხოლმე როგორ შეიძლება ასე ზუსტად ხვდებოდეს ხალხი ჩემს გრძნობებს – რისი გაგონება ან წაკითხვა მჭირდება დროისა თუ სივრცის გარკვეულ მონაკვეთში. ბილბორდზე ერთ-ერთი მესიჯი დღემდე მახსოვს “იღბალი არ არსებობს, არსებობს მხოლოდ ის ვინც იღბალი შექმნა” – ეს იყო “მარტინის” კამპანიის ნაწილი, რამაც მაშინ დიდი შთაბეჭდილება მოახდინა.” – ოთო მიქაძე

ოთო მიქაძე

აქვე გკითხავ, შენზე შთაბეჭდილება  ბოლოს რომელმა ეტიკეტმა, პოსტმა, ბილბორდმა ან თუნდაც ლოგომ მოახდინა? ალბათ, ოთოს მსგავსად შენც გაიხსენებ რამეს. ბლოგში სწორედ მას გაგაცნობ, Commschool-ის გრაფიკული დიზაინის ლექტორს, რომელიც თავის გამოცდილებასა და ხედვებს გაგვიზიარებს.

როგორც ოთო ამბობს, ხატვას ბავშვობიდან გატაცებული ჰყავდა, კომიქსის გმირებს იხატავდა ან სულაც ახლებს იგონებდა. რვეულის უკანა ფურცლები სკეჩებით ჰქონდა სავსე, რის გამოც არაერთი შენიშვნაც მიუღია – “ყოველდღიურად 10-ობით სკეჩს ვაკეთებდი, ფანქრით, კალმით მარკერით, ყველაფრით, რაც ხელში მომყვებოდა.

"დაახლოებით 19 წლის ასაკში გადავწყვიტე, რომ გრაფიკულ დიზაინს გავყოლოდი, თავისუფალ დროს სრულად დიზაინის შესასწავლად ვიყენებდი და მგონი მაგ დროისთვის არსებული ყველა Youtube ტუტორიალი ვნახე"

Previous
Next

ოთოს კარიერა მრავალფეროვანი მიმართულებების კომპანიებთან თანამშრომლობისა და მსხვილ პროექტებზე მუშაობის გამოცდილებას აერთიანებს. ამ გზის დასაწყისი კრეატიულ სააგენტო Holmes & Watson-ში დიჯითალ დიზაინერად სტაჟირების დაწყება იყო:

“თავიდან სხვა დიზაინერებისგან განცალკავებულად ვიჯექი, მაგრამ ავდიოდი ხოლმე, ვუჯდებოდი და საათობით ვუყურებდი როგორ მუშაობდნენ, როგორ განსხვავებულად იყენებდა ერთსა და იმავე თულებს სხვადასხვა დიზაინერი, ვესწრებოდი ბრეინშტორმინგებს და ვაკვირდებოდი, თუ როგორ ფიქრებდნენ იდეაზე და მის გაშლებზე“

ოთო მალევე შეუერთდა კრეატივის გუნდს, სადაც არაერთ საინტერესო და მნიშვნელოვან პროექტზე იმუშავა, მათ შორის იყო თიბისის კამპანია “შენ”, თიბისი დაზღვევის “ახალი წელი მოსულა”, აისი, თბილისის კომუნიკაციის სკოლა და სხვა. 

ბოლო პერიოდში ოთო Senior Graphic Designer-ის პოზიციას იკავებდა საქართველოს ბანკში – “პირველივე დღიდან გამოწვევებით სავსე პროექტებზე ვმუშაობდი, სადაც დაგროვებული გამოცდილებისა და ცოდნის გამოყენების მაქსიმალური საშუალება მომეცა, როგორც ციფრულ, ასევე ბეჭდურ მედიაში.” საქართველოს ბანკში 3 წელი იმუშავა ისეთ პროექტებზე, როგორიცაა “არ გაჩერდე”, “შესაძლებლობები უსაზღვროა”, “გავშლით ფრთებს”, “update”, “500 Startups Georgia”

ოთოს აზრით, კარიერის დასაწყისში რამდენიმე მნიშვნელოვან საკითხს განსაკუთრებული ყურადღება უნდა მიექცეს:

• დავალების სწორად მიღება, პრობლემის პოვნა და განსაზღვრა – პრობლემა არის ამომავალი წერტილი, საიდანც იწყებ ფიქრის.

• მიუხედავად იმისა, რომ შეიძლება კარგად გქონდეს გრაფიკული რედაქტორი ათვისებული, ერთ-ერთი ყველაზე მნიშვნელოვანია კონცეპტი და კონცეპტუალურად ფიქრი.

• პრეზენტაციის სწორად აწყობა, სადაც გვერდებს და მათ კონტენტს ლოგიკური ბმა აკავშირებს. ასევე, ძალიან მნიშვნელოვანია სწორად გადმოსცე თუ როგორ მიხვედი ამა თუ იმ გადაწყვეტილებამდე.

მრავალფეროვანი გამოცდილების შედეგად ოთოს სხვებისთვის გასაზიარებლადაც ბევრი რამ დაუგროვდა, ახლა უკვე მზად არის, საკუთარი გამოცდილება სხვებს გადასცეს და მათ ისევე შეაყვაროს ეს პროფესია, როგორც თავად უყვარს. 

დიზაინი არ შემოიფარგლება მხოლოდ გამოსახულებით - ძალიან მნიშვნელოვანია შინაარსი, რომელიც დგას ამა თუ იმ გრაფიკის უკან, ის, თუ რაზეა დაფუძნებული ვიზუალური გამოსახულება

ალბათ, გაინტერესებს, რის მოცემას შეძლებს შენთვის ეს კურსი ოთოსთან ერთად. აქვე უნდა ავღნიშნოთ, რომ ინტენსიური შრომა მოგიწევს, ყველა ლექციას პრაქტიკული დავალება მოყვება, სამაგიეროდ 14 სამსაათიანი ლექციის ბოლოს ყველა ის უნარი გექნება, რომელიც დიზაინის ტექნიკურად, შინაარსობრივად და სტილისტურად გამართვას სჭირდება. 

ასევე გეტყვი, რომ თეორიის პრაქტიკაში გამოყენება პროგრამის დასრულების შემდეგაც შეგიძლია განაგრძო. Commschool-ის ნებისმიერი წარმატებული კურსდამთავრებული Alumni Club-ის წევრი ხდება. რაც იმას ნიშნავს, რომ ჩვენი პარტნიორი კომპანიების ვაკანსიებზე ექსკლუზიურ წვდომას იღებს.

დაბოლოს, თუ ახლა იწყებ  ამ პროფესიის დაუფლებას, ოთოსგან რამდენიმე რჩევასაც გიტოვებთ პოსტერების სახით: 

ამდენად, თუ მზად ხარ, ბევრი იშრომო და დიზაინის სამყაროში შეაბიჯო, კურსზე რეგისტრაცია უკვე შეგიძლია.

გაიგე მეტი კურსის შესახებ
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1000₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1250₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება