ილია ზატუაშვილის კარიერული განვითარება Angular-ის პროგრამიდან

Angular-ის პროგრამის ბოლოს სტუდენტები დამოუკიდებლად ფინალურ პროექტზე მუშაობენ, რომლის ფარგლებშიც კურსზე დაგროვებულ ცოდნა/გამოცდილებას იყენებენ – Angular-ის ტექნოლოგიით ვებ-აპლიკაციას აწყობენ, რომელიც შემდგომ დამოუკიდებლად განვითარებაში ეხმარებათ.

“აქ მიიღებენ საუკეთესო გამოცდილებას თავიანთი პროფესიის განხრით, რაც მომავალში კარიერული წინსვლაში დაეხმარებათ, ამიტომაც გავუწევდი Commschool-ს რეკომენდაციას”

ილია ზატუაშვილი Angular-ის კურსდამთავრებულია, რომელმაც საკუთარი თავის რეალიზება დეველოპმენტის სფეროში დაიწყო:

“კურსის დასრულების შემდეგ ანაზღაურებადი სტაჟირება დავიწყე საჯარო სექტორში, ეს კიდევ უფრო გამიღრმავებს ცოდნას Front-End დეველოპმენტის მიმართულებით”

თუმცა, კარიერულ წინსვლაში აქ მიღებულ გამოცდილებასთან ერთად ჩვენს კურსდამთავრებულებს Alumni Club-ის წევრობაც ეხმარებათ, ამიტომ ამის შესახებაც გეტყვით მოკლედ.

Commschool-ის ნებისმიერი წარმატებული კურსდამთავრებული ავტომატურად Alumni Club-ის წევრი ხდება. ეს იმითაა მნიშვნელოვანი, რომ კლუბის დახმარებით ისინი ჩვენი პარტნიორი კომპანიების ექსკლუზიურ ვაკანსიებზე იღებენ წვდომას. ამ კომპანიებს შორის ისეთებს იპოვი, როგორიც Space, Adjara Sport, Sweeft Digital, Omedia, ლიბერთი ბანკი და GPI Holding არიან. მაგალითად, ანა ლეჟავა სწორედ Alumni Club-ის დახმარებით შეუერდა Sweeft Digital-ის გუნდს. აქვე, გადახედე კოტე კირკიტაძის ბლოგს, რომელიც Angular-ის კურსის დასრულებისთანავე Omedia-ს გუნდს შეუერთდა.

როგორც ვთქვით, Angular-ის კურსის ფინალურ ნაშრომად სტუდენტებს Angular ტექნოლოგიის გამოყენებით ფილმების, მუსიკის ან წიგნების კატალოგისთვის აპლიკაცია უნდა შეექმნათ. ამაში მათ კურსის განმავლობაში განვლილი მასლა და შესრულებული დავალებები დაეხმარებოდათ:

"ფინალურმა დავალებამ დაგვანახა, თუ როგორ ხდება პროექტის არქიტექტურის დაგეგმვა და მისი ნაბიჯ-ნაბიჯ აწყობა. ამდენად, მასზე მუშაობაც ძალიან საინტერესო იყო"

ილიას შეფასებით, პროექტზე მუშაობამ მას აპლიკაციის ასაწყობი მთელი პროცესი ნაბიჯ-ნაბიჯ გაატარა:

“პროექტის ფარგლებში გავეცანით ყველა იმ ხელსაწყოს, რაც საჭიროა რეალური პროექტის კეთებისთვის.”

საერთო ჯამში, ილიას შეფასებით, კურსმა მას Angular ტექნილოგიის ეფექტური გამოყენებისთვის საჭირო ცოდნა მისცა:

"კურსმა შემძინა Angular-ის პატერნებისა და არქიტექტურის ცოდნა. მიღებული ცოდნა დამეხმარა, სწორად გამეაზრებინა, რატომ უნდა გამოვიყენოთ Angular და რა უპირატესობები გააჩნია მას. ეს მომავალში კარიერული წინსვლისთვის დამეხმარება"

ალბათ, გაინტერესებს, რა ცოდნის მიღება შეგიძლია ამ კურსის ფარგლებში, ე.ი. 20 სამსაათიანი ლექციისა და 10 კვირის განმავლობაში:

კურსზე შენ ისწავლი და გამოიყენებ Angular-ის ყველა ძირითად კონცეფციასა თუ არსებულ best practice-ებს. TypeScript-საც სიღრმისეულად გაეცნობი. კურსის ბოლოს TypeScript-ის ენაზე დამოუკიდებლად შეძლებ მუშაობას და მისი გამოყენება Angular-ის მიღმაც, ნებისმიერ TypeScript-Based ტექნოლოგიაში შეგეძლება. რა თქმა უნდა, თანამედროვე JavaScript-საც შეეხები და სიღრმისეულად გაარჩევ რეაქტიულ პარადიგმასაც(RxJS). საერთო ჯამში, კურსის ბოლოს Angular-ის გამოყენებით single-page ვებ-აპლიკაციებს დამოუკიდებლად ააწყობ და Angular-ში დამოუკიდებლად განვითარების უნარებიც გექნება.

Angular-ის კურსის გასავლელად შენ HTML, CSS და JavaScript-ის ცოდნა დაგჭირდება და ესეც გაითვალისწინე. (მაგრამ, თუ front-end-ის საბაზისო ცოდნა(HTML, CSS, JavaScript) ჯერაც არ გაქვს, მაშინ, შეიძლება Introduction to Front-end Development-ის კურსმა დაგაინტერესოს.

ამდენად, თუ ცდილობ, აირჩიო, ვებ-დეველოპმენტის რომელი მიმართულებით წახვიდე, კარიერული განვითარებაც გინდა და თან HTML, CSS და JavaScript-საც უკვე კარგად იცნობ, Commschool-ის Angular-ის კურსზე რეგისტრაცია უკვე შეგიძლია.

ავტორი: ანანო ფეიქრიშვილი