AI IN CONTENT CREATION - ის კურსდამთავრებულები: მარიამ ბენაშვილი და ანა არშილავა

დღეს, როცა ხელოვნური ინტელექტი სულ უფრო აქტიურად იკავებს ადგილს კრეატიულ ინდუსტრიებში, მისი შესაძლებლობები კონტენტის შექმნისა და დიზაინის მიმართულებით განსაკუთრებულ მნიშვნელობას იძენს. თანამედროვე პროფესიონალებისთვის AI აღარ არის მხოლოდ ტექნოლოგიური სიახლე – ის იქცა აუცილებელ ინსტრუმენტად, რომელიც ამარტივებს სამუშაო პროცესებს, აჩქარებს იდეების განხორციელებას და ქმნის პირობებს ინოვაციური და კონკურენტუნარიანი პროექტების შესაქმნელად.

commschool-ის AI in Сontent Сreation-ის კურსი სწორედ ამ მიზანს ემსახურება – დაეხმაროს სტუდენტებს პრაქტიკული მაგალითებით გაიაზრონ, როგორ შეიძლება ხელოვნური ინტელექტის ინტეგრირება დიზაინსა და კონტენტის შექმნაში.

ამ ბლოგში გაგიზიარებთ AI in Сontent Сreation-ის კურსის კურსდამთავრებულების – მარიამ ბენაშვილისა და ანა არშილავას – გამოცდილებასა და შთაბეჭდილებებს.

მარიამ ბენაშვილი დიდი ხანია დიზაინითა და კონტენტის შექმნით არის დაინტერესებული. сommschool-ში გრაფიკული დიზაინის კურსის დასრულების შემდეგ მან გაიაზრა, რომ აუცილებელი იყო AI-ის შესაძლებლობების შესწავლაც. სწორედ ამიტომ გადაწყვიტა მეორე კურსზე სწავლის გაგრძელება.

AI-ით მარიამი მაშინ დაინტერესდა, როცა შეამჩნია, რამდენად სწრაფად ცვლის ეს ტექნოლოგია კრეატიულ ინდუსტრიას და როგორ ამარტივებს როგორც დიზაინის, ისე კონტენტის შექმნის პროცესს. მიუხედავად იმისა, რომ ამ მიმართულებით დიდი გამოცდილება არ ჰქონდა, დარწმუნებული იყო, რომ ეს მომავალის სფეროა და სურდა შეეძინა რეალური, პრაქტიკული ცოდნა ინოვაციური და კონკურენტუნარიანი პროექტების შესაქმნელად.

ანა არშილავა ჯუნიორ გრაფიკოსი დიზაინერია. მან ხელოვნური ინტელექტის სწავლა გადაწყვიტა იმისთვის, რომ მიღებული ცოდნა ეფექტურად გამოეყენებინა გრაფიკულ დიზაინში, სხვადასხვა დავალების უფრო სწრაფად და ხარისხიანად შესასრულებლად. ასევე სურდა, მის მიერ შექმნილი ვიზუალები ყოფილიყო უფრო საინტერესო და ვიზუალურად გამორჩეული.

მანამდე ანას ხელოვნური ინტელექტის შესახებ მცირე ინფორმაცია ჰქონდა, თუმცა ინტერესის გამო პერიოდულად ეცნობოდა მასთან დაკავშირებულ მასალებს. საბოლოოდ, გააცნობიერა, რომ სიღრმისეულად შესწავლისთვის აუცილებელი იყო პროფესიონალის დახმარება და სწორედ ამიტომ მიიღო გადაწყვეტილება, ამ სფეროს უფრო საფუძვლიანად გაცნობოდა.

მოლოდინები

მარიამის თქმით, კურსმა სრულად გაამართლა მისი მოლოდინები. მისთვის განსაკუთრებით საინტერესო და დასამახსოვრებელი იყო პრაქტიკული დავალებები, რომელთა დახმარებითაც მან უკეთ გაიაზრა, თუ რა პოტენციალი აქვს ხელოვნურ ინტელექტს და როგორ შეიძლება მისი ინტეგრირება რეალურ პროექტებში.

ანა აღნიშნავს, რომ AI in Сontent Сreation-ის კურსმა, მისი მოლოდინები არათუ გაამართლა, არამედ გადააჭარბა კიდეც. განსაკუთრებულად მოეწონა Cursor-ის გამოყენებით პრეზენტაციების შექმნის პროცესი – თუ აქამდე პრეზენტაციების მომზადება მოსაწყენი და მონოტონური ეჩვენებოდა, ახლა ეს უკვე სწრაფი და მარტივი გახდა. ასევე, Cursor-ის დახმარებით ანამ კოდის დაწერის გარეშე შექმნა ვებსაიტის მონახაზი, რაც მისთვის ძალიან საინტერესო და სასიამოვნო გამოცდილება აღმოჩნდა. საბოლოოდ კი შეძლო საკუთარი პორტფოლიო საიტის შექმნაც.

„ავიღე კურსი, რომელმაც ჩემი მოლოდინები არათუ გაამართლა არამედ გადააჭარბა კიდეც ჩემს მოლოდინებს.“

ანა არშილავა

ფინალური პროექტი

მარიამი ამბობს, რომ ფინალური პროექტის დავალება იყო მარკეტინგული კამპანიის სტრატეგიის, ვიზუალის და კონტენტის შექმნა ან გარდაქმნა AI ინსტრუმენტების გამოყენებით. მისთვის ყველაზე საინტერესო ნაწილი სწორედ მუშაობის პროცესი აღმოჩნდა. მიიჩნევს რომ პროცესი ერთდროულად სახალისო და გამოწვევებით სავსე იყო და მან შეძლო, როგორც კრეატიულობის გამოვლენა, ისე ახალი ტექნოლოგიების პრაქტიკაში გამოყენება.

ანამ ფინალური დავალებისთვის აირჩია LEGO-ს კამპანია, რომელსაც მან დაარქვა Build solution/ააშენე გამოსავალი. მისი მთავარი მიზანი იყო ისეთი კრეატიული ინიციატივის შექმნა, რომელიც მომხმარებლებს წაახალისებდა ჩართულიყვნენ კამპანიაში და LEGO-ს გამოყენებით სხვადასხვა პრობლემის გადაჭრის გზები მოეძებნათ. გარდა ამისა, კამპანია განსაკუთრებით ორიენტირებული იყო ბავშვების კრეატიულობის განვითარებაზე.

ანამ ხელოვნური ინტელექტის დახმარებით შექმნა ხარისხიანი პრეზენტაციული ტექსტები და მოამზადა ვიზუალები. ყველაზე რთული ნაწილი მისთვის ვიდეოს გენერირება აღმოჩნდა, თუმცა დიდი ძალისხმევის შედეგად ამ გამოწვევასაც წარმატებით გაუმკლავდა. საბოლოოდ, ანა მიიჩნევს, რომ დავალებას კარგად გაართვა თავი და შეძლო სასურველი შედეგის მიღება.

„ყველაზე მეტად კი გამიჭირდა ვიდეოს დაგენერირების ნაწილი, რაც ნამდვილად ყველაზე რთული აღმოჩნდა ჩემთვის თუმცა თავი ვფიქრობ მაინც კარგად გავართვი“

ანა არშილავა

რჩევა და სამომავლო გეგმები

მარიამი მომავალში კონტენტის შექმნისა და დიზაინის მიმართულებით მუშაობის გაგრძელებას გეგმავს. მას განსაკუთრებულად მოსწონს კრეატიული პროცესის ეს ორი სფერო და ახლა, როდესაც ხელოვნური ინტელექტის გამოყენებაც აითვისა, მეტი იდეის რეალიზაციის შესაძლებლობა აქვს. მისი მიზანია, განავითაროს საკუთარი უნიკალური სტილი და შექმნას ნამუშევრები, რომლებიც ვიზუალურად მიმზიდველი და შინაარსობრივად ეფექტური იქნება.

“ ახლა, როცა AI-ის გამოყენებაც ვისწავლე, უფრო მეტი იდეის რეალიზაცია შემიძლია.”

მარიამ ბენაშვილი

ანა ყველას ურჩევს AI in Content Creation-ის კურსის გავლას, რადგან სტუდენტებს ეძლევათ შესაძლებლობა შექმნან ისეთი ნამუშევრები, რომელთა შექმნასაც ადრე ვერ წარმოიდგენდნენ. თანაც, ეს ყველაფერი უმოკლეს დროში ხდება.

ეს უკვე მისი მეორე კურსია commsсhool-ში, რაც კიდევ ერთხელ უსვამს ხაზს მის კმაყოფილებას. იგი აღფრთოვანებულია, როგორც commsсhool-ის მიდგომებით, ისე ლექტორების მაღალი პროფესიონალიზმით. მისი თქმით, მისი მოლოდინები კვლავ სრულიად გამართლდა.

კურსის განმავლობაში ანას ბევრი ახალი იდეა მოუვიდა, რაზეც აქამდე არც უფიქრია, და თანდათან გაუჩნდა ინტერესი სხვადასხვა მიმართულების მიმართ. კურსის დაწყებამდე მას უკვე ჰქონდა ოცნება საკუთარი მცირე ბიზნესის შექმნის შესახებ, თუმცა ახლა ფიქრობს, რომ მიღებული ცოდნა ამ მიზანს ბევრად უფრო რეალურსა და მიღწევადს ხდის, ვიდრე ეს აქამდე ეჩვენებოდა.

AI in Content Creation-ის კურსის შესახებ

AI in Content Creation-ის კურსი შეისწავლის, როგორ გამოვიყენოთ ხელოვნური ინტელექტი კონტენტის – ტექსტის, ფოტოსა და ვიდეოს – სწრაფად და ხარისხიანად შესაქმნელად. მონაწილეები ეცნობიან prompt ინჟინერიას, ვიზუალური იდენტობის შექმნასა და სხვადასხვა AI ინსტრუმენტის ინტეგრაციას სამუშაო პროცესში. პროგრამა პრაქტიკაზეა ორიენტირებული: სტუდენტები ასრულებენ რეალურ დავალებებს და ქმნიან ინდივიდუალურ პროექტებს. კურსის დასრულების შემდეგ გაიცემა ორენოვანი სერტიფიკატი, რაც განსაკუთრებით მნიშვნელოვანია მარკეტერებისთვის, კონტენტ-მენეჯერებისთვისა და მცირე ბიზნესის მფლობელებისთვის, რომელთაც სურთ ვიზუალური მასალის დამოუკიდებლად და პროფესიონალურად შექმნა.

მარიამისა და ანას გამოცდილება ცხადყოფს, რომ ხელოვნური ინტელექტი დიზაინსა და კონტენტის შექმნაში მნიშვნელოვან როლს თამაშობს. იგი იქცა ინსტრუმენტად, რომლის დახმარებითაც კრეატიული ადამიანები თავიანთ იდეებს სწრაფად, ეფექტიანად და მაღალი ხარისხით ახორციელებენ.

თუ გინდა რომ, AI შენს საიდუმლო იარაღად აქციო – commsсhool-ის AI in Content Creation-ის კურსი სწორედ შენთვისაა.