ძველ ვერსიაზე გადასასვლელად დააჭირე აქ

ციფრული რეკლამირება: ანი იმედაშვილი და სალომე ჯინჭარაძე კურსზე მიღებული გამოცდილების შესახებ

blog-detail-img

რატომ არის ციფრული რეკლამირება ასეთი მნიშვნელოვანი?

ციფრული რეკლამირება რამდენიმე მიზეზის გამო აუცილებელია: ის საშუალებას გაძლევთ დაუკავშირდეთ სამიზნე აუდიტორიას სხვადასხვა ონლაინ პლატფორმის საშუალებით, ზრდის ბრენდის ცნობადობას, ეხმარება ახალ მომხმარებლების მოზიდვაში და, საბოლოოდ, ზრდის გაყიდვებსა და შემოსავალს.

თუ გაინტერესებს, როგორ გამოიყენო სოციალური არხები ეფექტური მარკეტინგული კამპანიებისთვის, ეს ბლოგი სწორედ შენთვისაა. გაიცანი ანი იმედაშვილი და სალომე ჯინჭარაძე, რომლებმაც Commschool-ში ციფრული რეკლამირება შეისწავლეს და გაგიზიარებენ საკუთარ შთაბეჭდილებებს კურსის შესახებ.

ანი რამდენიმე წელია, რაც მარკეტინგის სფეროშია დასაქმებული. ამიტომ ციფრული რეკლამირება მისთვის უცხო ნამდვილად არ იყო. თუმცა, მიუხედავად იმისა, რომ დამოუკიდებლად მართავდა სარეკლამო ანგარიშებს, მაინც ფიქრობდა, რომ არასაკმარისი ცოდნა და გამოცდილება ჰქონდა. სწორედ ამიტომ, თავდაჯერებულობის ასამაღლებლად, გადაწყვიტა, ეს მიმართულება უკეთ შეესწავლა. ასე აღმოჩნდა ანი Commschool-ში.

კურსზე რეგისტრაციის პირველივე დღიდან ვგრძნობდი კოორდინატორის ყურადღებას, რაც კიდევ ერთხელ დამარწმუნა, რომ სწორი არჩევანი გავაკეთე. გადაწყვეტილების მიღების პროცესში ყველაზე მნიშვნელოვანი სწორედ სწორად დაგეგმილი და დროული კომუნიკაციაა.

ანი იმედაშვილი

ციფრული რეკლამირება: რას მოიცავს კურსი?

მიუხედავად იმისა, რომ კურსის დაწყებამდე ანის უკვე ჰქონდა ციფრული რეკლამირების ხელსაწყოების გარკვეული ტექნიკური ცოდნა და პრაქტიკაშიც აქტიურად იყენებდა მათ, პროგრამის ფარგლებში მან ცოდნა კიდევ უფრო გაიღრმავა და პრაქტიკული სავარჯიშოების დამხმარებით, მიიღო რეალურ ქეისებზე მუშაობის გამოცდილებაც.

განსაკუთრებით სასარგებლო აღმოჩნდა ლექტორის პირადი გამოცდილება, რადგან ანის აზრით, პრაქტიკული ცოდნა ყოველთვის უფრო მნიშვნელოვანია, ვიდრე თეორია. მისი თქმით, ლექციები ინფორმაციულად დატვირთული იყო, მათ შორის ჯგუფური დავალებებითა და საშინაო სამუშაოებით, რაც განსაკუთრებით ეხმარება იმ ადამიანებს, ვისაც თვითმენეჯმენტი უჭირს.

კურსი ძირითადად პრაქტიკული ცოდნის გადაცემაზეა აგებული და რეალურ სამუშაო გარემოსთვის გაწვრთნის. პირადად მე, ის თეორიული და პრაქტიკული ცოდნა, რომელიც Commschool-ში მივიღე, ყოველდღიურად ვიყენებ ჩემს სამუშაო პროცესში.

ანი Commschool-ის მთავარ კონკურენტულ უპირატესობად პროფესიონალ და გამოცდილ ლექტორებს, ასევე სწორ და ინდივიდუალურ კომუნიკაციას მიიჩნევს. ლექტორები ყოველთვის მზად არიან დახმარებისთვის და პასუხობენ ყველა კითხვას. მიუხედავად იმისა, რომ კურსი ციფრულ რეკლამირებას ეხება, ის მარკეტინგის ზოგად პრინციპებსაც მოიცავს.

გარდა ამისა, კოორდინატორი მუდმივად აკონტროლებს მონაწილეთა გამოცდილებას, უსმენს მათ აზრს და უკუკავშირს, ხოლო კურსის დასრულების შემდეგ კარიერულ განვითარებაში ეხმარება.

ამჟამად ანი მარკეტინგის სფეროში საქმიანობას უფრო თავდაჯერებულად აგრძელებს, რაშიც მნიშვნელოვანი როლი Commschool-ის კურსმა შეასრულა.

თუ ადრე მხოლოდ დამოუკიდებლად შეძენილი უნარებით ვმუშაობდი, ახლა დადასტურებულად ვიცი, რომ რასაც ვაკეთებ, სწორია და სარეკლამო მიზნების მისაღწევად ეფექტურ მეთოდებს ვიყენებ.

ციფრული რეკლამირების კურსიდან Maverik-ში

სალომე ჯინჭარაძე ციფრული რეკლამირებით განსაკუთრებით მას შემდეგ დაინტერესდა, რაც მისმა მშობლებმა საოჯახო ბიზნესი წამოიწყეს და ამ მიმართულებით განვითარება საჭირო გახდა. სწორედ ამიტომ, მეგობრებისა და ოჯახის წევრების რეკომენდაციით, მან Commschool-ის კურსის გავლა გადაწყვიტა.

ნდობა და მოლოდინები ნამდვილად გამიმართლდა - Commschool-ში სტუდენტებს ყოველ ნაბიჯზე უჭერენ მხარს, რაც მე გულწრფელად ვაფასებ. ჩემთვის ყველაზე საინტერესო და სასარგებლო Google Ads-ისა და Facebook Ads Manager-ის პრაქტიკული ნაწილები იყო. დარწმუნებული ვარ, რომ შეძენილი უნარები როგორც უახლოეს, ისე შორეულ მომავალში გამომადგება.

სალომე

სალომეს თქმით, ციფრული რეკლამირების კურსის ერთ-ერთი ყველაზე დიდი მოტივაციური ფაქტორი არის შესაძლებლობა, რომელიც ფინალური გამოცდის შედეგების მიხედვით N1 კურსდამთავრებულს ენიჭება – სტაჟირება Commschool-ის ერთ-ერთ პარტნიორ ორგანიზაციაში. სწორედ ამ კარიერული განვითარების პროგრამის ფარგლებში სალომეს Maverik-ში სტაჟირების გავლა შესთავაზეს.

სტაჟირების გარდა, ამ კურსმა მეტი თავდაჯერებულობაც შემმატა. ახლა ზუსტად ვიცი ჩემი შესაძლებლობები, რომლებიც Commschool-მა დამანახა. კურსმა შესანიშნავად მომამზადა ყველა სამომავლო კარიერული გამოწვევისთვის.

ციფრული რეკლამირების კურსი

Facebook/Instagram Ads, Google Ads, Linkedin Ads
გაიგე მეტი

პროგრამა მოიცავს მნიშვნელოვან თემებსა და პრაქტიკულ საკითხებს, როგორიცაა:

  • სარეკლამო ხელსაწყოების გამოყენება – Meta Ads, LinkedIn Ads, Google Ads, Google Analytics, Looker Studio;
  • სარეკლამო სტრატეგიის შედგენა;
  • კომპანიის სამიზნე აუდიტორიის განსაზღვრა;
  • ბიუჯეტის დაგეგმარება და შეზღუდული რესურსების ოპტიმალური გამოყენება;
  • რეკლამის დაგეგმვა და განხორციელება წამყვან ონლაინ პლატფორმებზე – Facebook, Instagram, LinkedIn;
  • რეკლამის ეფექტურობის შეფასება და ოპტიმიზაცია;
  • გაშვებული რეკლამის მონიტორინგი და რეპორტინგი Looker Studio-ის გამოყენებით.

მომავალ სტუდენტებს სალომე ურჩევს, მაქსიმალურად გამოიყენონ ყველა რესურსი, რომელსაც კურსი სთავაზობს. მისი თქმით, თქვენ გაქვთ შესაძლებლობა, დაეყრდნოთ საკუთარ ცოდნას და განვითარებას, ხოლო ამ პროცესში Commschool-ისა და ლექტორის მუდმივი მხარდაჭერა თქვენს გვერდით იქნება.

ლექტორი - ტატიანა ბაშელეიშვილი

ციფრული რეკლამირების კურსს Commschool-ში ტატიანა ბაშელეიშვილი უძღვება – გამოცდილი პროფესიონალი, რომელიც მრავალი წლის განმავლობაში მუშაობდა ისეთ ცნობილ ბრენდებთან, როგორებიცაა ZARA, Sheraton, Lavazza, Lenovo, Galleria Tbilisi, Avon, Wolt, KFC, Miniso და სხვ.

ტატიანას კარიერული გზა Redberry-ში ციფრული მედიის დამგეგმავის პოზიციით დაიწყო, შემდეგ კი Growth Marketing-ის დეპარტამენტს ხელმძღვანელობდა. დღეს ის HURO-ს თანადამფუძნებელი და აღმასრულებელი დირექტორია.

მისი გამოცდილება აერთიანებს ციფრული რეკლამის სტრატეგიულ დაგეგმვას, მონაცემთა ანალიზს და ეფექტური კამპანიების შექმნას, რაც კურსის თითოეული მონაწილისთვის ფასდაუდებელი ცოდნის წყაროა.

ასე რომ, რას ელოდები? გამოიყენე ეს შესაძლებლობა, შემოგვიერთდი Commschool-ში და შეისწავლე ციფრული რეკლამირება პროფესიონალ ლექტორთან ერთად!

გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

დამწყები
1200₾
Creative Advertising
რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.
11 ლექცია
33 საათი
საშუალო
1500₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
ექსპერტი
1300₾
Sense of Branding
თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება