ძველ ვერსიაზე გადასასვლელად დააჭირე აქ

"ციფრული მარკეტინგის სფერო არის გასაოცრად დინამიკური, ვერტიკალური და თან სქროლვადი" - გაიცანი Digital Advertising-ის ლექტორი, ტატიანა ბაშელეიშვილი

blog-detail-img

რა ვიცით, რამდენჯერ მოგიწევს თითით ჩასქროლო მობილურის ეკრანი, რათა ტატიანა ბაშელეიშვილის სამუშაო გამოცდილებაზე ინფორმაცია ბოლომდე ჩაიკითხო? ალბათ, იკითხავ – რატომ უნდა დაგაინტერესოს მისმა გამოცდილებამ.

ვიდრე გიპასუხებდე, ჯერ ჩვენ გკითხავთ: გიყვარს სიახლეები, ექსპერიმენტები და რიცხვები? შეგიძლია დეტალებზე კონცენტრირება, მიზნის მისაღწევად სტრატეგიული გეგმების შემუშავება და თანაც ამ ყველაფერს კრეატივით აკეთებ? თუ ესეა, მაშინ, მოგვყევი. ის, რასაც Digital Advertising-ის ლექტორ ტატიანა ბაშელეიშვილზე გაიგებ, ალბათ დაგაინტერესებს.

ხომ გსმენია ZARA-ზე, Sheraton-ზე, Lavazza-ზე, Lenovo-ზე, Galleria Tbilisi-ზე, Avon-ზე, Wolt-ზე, KFC-სა და Miniso-ზე, მათ შორის ქართულ სტარტაპებზე Carfest, Lunchoba? ეს ჩამონათვალია იმ კომპანიებისა, რომელთანაც ტატიანას უთანამშრომლია. იგი Redberry-ში ციფრული მედია დამგეგმავის პოზიციასაც იკავებდა, ასევე ხელმძღვანელობდა  Growth Marketing-ის დეპარტამენტს. ამჟამად კი თავისსავე დაარსებული კომპანია HURO-ს თანადამფუძნებლისა და აღმასრულებელი დირექტორის პოზიციას იკავებს. 

გამოცდილების შეძენა, კარიერული განვითარება პროცესია, რომელიც ერთი წერტილით იწყება, რაც შემდეგ შედეგად გარდაიქმნება ხოლმე. პასუხი კითხვაზე, თუ საიდან დაიწყო ეს ტატიანას შემთხვევაში, ერთისტყვიანი და მარტივია: “აღფრთოვანება”

ყველაფერი დაიწყო აღფრთოვანებით იმ ადამიანებისადმი, ვისაც უბრალოდ თავისი საქმე უყვარდა. 

უნივერსიტეტის პერიოდშიც ჩემში ყოველთვის უდიდეს აღფრთოვანებას იწვევდა იმ პრაქტიკოსი ლექტორების მოსმენა, ვინც შეყვარებულია საკუთარ საქმეზე და თან არ იშურებს ძალისხმევას ამ საქმისთვის აუცილებელი ფუნდამენტური ცოდნის გაზიარებით სიყვარულის გაბევრებაზე.

არ ვიცით, რამდენად დამაჯერებლად ჟღერს, თუმცა ეს მარტივი მიზეზი გახდა საფუძველი იმის, თავადაც მიეღო მონაწილეობა ისეთ პროგრამაში, როგორიცაა Digital Advertising.

Digital Advertising-ის პროგრამა

14 ლექცია | 42 საათი | 7 კვირა
გაიგე მეტი

ციფრული მარკეტინგის სფერო არის გასაოცრად დინამიკური, ვერტიკალური და თან სქროლვადი. ციფრული მარკეტერების მიზანია, ციფრული აუქციონერების წითელ ოკეანეში, ყოველდღიური ვერტიკალური სქროლვის პროცესში ადამიანებს თითი რამდენიმე წამით მაინც შეაჩერებინონ. სწორედ ეს რამდენიმე წამი არის კრიტიკული მომხმარებლისა და ბრენდის ურთიერთობაში და განსაზღვრავს მოვლენების სამომავლო განვითარებას.

შენი ინტერესი, სიყვარული ამ სფეროსადმი ფუნდამენტურია, მაგრამ არა საკმარისი – შესაძლოა კრეატიული, ინოვაციური ხარ და გაქვს ბიუჯეტიც, მაგრამ, დაგვეთანხმები, ყოველი ტიპის რესურსს ეფექტური მართვა სჭირდება.

კრეატივი ვერ იქნება სრულფასოვანი, თუკი მისი განთავსება ხდება არასწორად, და ასევე კრეატივის წყაროც ხშირად სწორედ განთავსების შესაძლებლობებშია.

ტატიანა ხსნის, რომ რეკლამირება არაა თვითმიზანი – იგი მექანიზმია თავისებური შინაარსითა და კონტექსტით, რომელიც მიმართულია ერთი მიზნისკენ და შენ სწორედ ამ მიზნამდე მისასვლელი სტრატეგია გჭირდება. 

 

Digital Advertising არის კურსი, რომელიც მოგცემს ყველა საჭირო თეორიულ და პრაქტიკულ ცოდნას, რაც დაგეხმარება ეფექტური რეკლამის დაგეგმვაში, გაშვებაში, მონიტორინგში, ანალიტიკასა და ოპტიმიზაციაში. კურსი შედგება თეორიული ნაწილისგან, რაც ასევე პრაქტიკულ დავალებებს მოიცავს, რომელიც საბოლოოდ შენი ცოდნის პრაქტიკაში გარდაქმნისა და გამოცილების მიღების საშუალებას მოგცემს. 

მეტიც. თბილისის კომუნიკაციის სკოლაში მოქმედებს Alumni Club, რომელშიც ყოველი კურსდამთავრებული ავტომატურად ირიცხება პროგრამის დასრულების შემდეგ. კლუბი  უზრუნველყოფს ყოველი კურსდამთავრებულის კარიერულ განვითარებაში მხარდაჭერას. იგი სთავაზობს მათ ექსკლუზიურ სამუშაო შესაძლებლობებსა და სტაჟირებას პარტნიორ კომპანიებში.

მსოფლიოში 5.7 მილიარდი ადამიანი იყენებს ინტერნეტს, შესაბამისად, უხეშად რომ ვთქვათ, მოცემულ სფეროში 4 მილიარდ 660 მილიონი პოტენციური მომხმარებელი არსებობს. ტატიანას მიხედვით, ესაა საასპარეზო სივრცე, სადაც მუშაობს ისეთი პრინციპი, როგორიცაა განთავსებული რეკლამის გაზომვადობა – რიცხვებზე დაყრდნობით შეგიძლია თითოეული მარკეტინგული ინიციატივა შეაფასო და ბიზნეს შედეგებში თარგმნო. შეიმუშავო და დახვეწო საკუთარი სტრატეგია და ტაქტიკა, ხელწერასავით, რომელიც მხოლოდ შენ გეკუთვნის.

სწორედ ციფრული განმთავსებელი ხედავს ამ, ერთი შეხედვით, მცირე განსხვავებებს და პოულობს შესაძლებლობებს იქ, სადაც სხვა ვერასოდეს დაინახავს. ოპტიმალური მიგნება არის ფორმატებზე, პლატფორმებზე, აუდიტორიებზე ექსპერიმენტების შედეგი.

საინტერესოა, არა? Digital Advertising-ის პროგრამაზე შეძენილი უნარები საშუალებას მოგცემს გასაქანი მისცე შენს კრეატივს და მისი რეალიზებისთვის ჩადებული რესურსები  ეფექტურად გამოიყენო. შემოგვიერთდი Digital Advertising-ის კურსზე!

გაეცანი Digital Advertising-ის პროგრამის სილაბუსს
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

დამწყები
1100₾
Creative Advertising
რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.
11 ლექცია
33 საათი
საშუალო
1400₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
ექსპერტი
1200₾
Sense of Branding
თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება