SEO-ს ლექტორი, ნიკო სამხარაძე პროფესიის, გამოცდილებისა და მნიშვნელოვანი პროექტების შესახებ

SEO (Search Engine Optimization) არის საძიებო სისტემაში ვებ-გვერდის ოპტიმიზაციის პროცესი. იგი ბიზნესებს ეხმარება, მომხმარებლების საძიებო გვერდზე მოწინავე პოზიციები დაკავებაში, რაც მნიშვნელოვან როლს თამაშობს კომპანიის წარმატებაში. დღეს SEO სპეციალისტი მარკეტინგის სფეროში ერთ-ერთი მაღალშემოსავლიანი პროფესიაა, რომლის დაუფლებაც უკვე Commschool-ში შეგიძლია. ამ ბლოგში გაგაცნობ ნიკო სამხარაძეს, სფეროს წამყვან სპეციალისტს, რომელიც SEO-ს კურსს გაუძღვება.

ნიკო მე-6 წელია, რაც ციფრული მარკეტინგის მიმართულებით საქმიანობს. მისი კარიერა დაიწყო კომპანია Alpaca-ში, პირველ SEO-ზე სპეციალიზებულ სააგენტოში საქართველოში, სადაც სხვადასხვა დროს იყო WordPress დეველოპერი, SEO სპეციალისტი, ხელმძღვანელობდა SEO-სა და დეველოპმენტის გუნდებს და იკავებდა კომპანიის COO-ს პოზიციას. ნიკოს პორტფოლიო მოიცავს 20+ პროექტს როგორც ლოკალურ, ისე გლობალურ ბაზარზე – ისეთ ინდუსტრიებში, როგორებიცაა Adtech, Igaming, ტურიზმი, ფინანსური სექტორი, E-commerce, ჯანდაცვა, ონლაინ მედია და სხვ. 2023 წლიდან ნიკო მუშაობს კომპანია Upgaming-ში SEO სპეციალისტად და ციფრული ტრანსფორმაციის სააგენტო Redberry-ში ფრილანს SEO სპეციალისტად.

ნიკო გვიყვება რა გზა გაიარა დღევანდელ კარიერამდე და როგორია SEO სპეციალისტის ყოველდღიურობა

კარიერის დასაწყისი

ჩემი კარიერა დაიწყო, როდესაც 23 წლის ვიყავი. უნივერსიტეტში ვსწავლობდი სამართალმცოდნეობის ფაკულტეტზე, თუმცა ალბათ როგორც მრავალ ჩვენგანს მინდოდა მუშაობა სხვა ინდუსტრიაში გამეგრძელებინა.

იმ პერიოდში თითქმის არ მქონდა სამუშაო გამოცდილება, თუმცა ბავშვობიდან ჩემი მთავარი გატაცება წერა იყო. ამიტომაც გადავწყვიტე მარკეტინგის განხრით ქოფირაითერად მეცადა ბედი. ყველაზე მეტად რაც მხიბლავდა ქოფირაითინგში იყო, რომ ტექნიკურად შეზღუდულ მოცემულობაში, სადაც მცირე ტექსტით ისე მიიტანო აუდიტორიამდე კომპანიის ან ბრენდის მესიჯი, რომ დადებითი მათზე დადებითი ზეგავლენა მოახდინო.

გამიმართლა და ქოფირაითერად დავიწყე მუშაობა, რაც რეალურად აღმოჩნდა ჩემი კარიერის დასაწყისი. ამან შემდეგი წლების განმავლობაში ბევრი სხვა კარი გამიხსნა.

SEO-ს კურსი

16 ლექცია I 48 საათი I 8 კვირა

გაეცანი სილაბუსს

გზა SEO სპეციალისტობამდე

როგორც ვახსენე, ქოფირაითინგი იყო ჩემი პირველი ნაბიჯები კარიერაში. წლების განმავლობაში ვებ-დეველოპმენტში მივიღე გამოცდილება, სადაც ათეულობით პროექტი შემისრულებია და ძალიან კარგი მენტორებისგან ვისწავლე SEO-ც და მახსოვს რამდენად მოხიბლული ვიყავი, როდესაც პირველად გავიაზრე რაოდენ მნიშვნელოვანი, მრავლისმომცველი და საინტერესო მიმართულებაა საძიებო სისტემის ოპტიმიზაცია.

გარდა ტექნიკური უნარებისა რაც შევიძინე, უამრავ ადამიანთან, დამკვეთთან, კომპანიასთან კომუნიკაციამ მომცა ისეთი Soft Skill-ები, რაც ნებისმიერ SEO სპეციალისტისთვისან მარკეტერისთვის ერთ-ერთი ყველაზე ძვირფასი შენაძენია.

SEO სპეციალისტად მუშაობის ერთ-ერთი ყველაზე დიდი ბენეფიტი არის, რომ გიწევს უამრავ სხვადასხვა იმ დროს შენთვის უცნობ ინდუსტრიასთან მუშაობა და იმისათვის, რომ პროექტი წარმატებული გამოდგეს აუცილებელია შენც შეისწავლო იმ ინდუსტრიის თავისებურებები, რაც საბოლოო ჯამში გძენს მრავალმხრივ ცოდნას.

SEO სპეციალისტად მუშაობის ერთ-ერთი ყველაზე დიდი ბენეფიტი არის, რომ გიწევს უამრავ სხვადასხვა იმ დროს შენთვის უცნობ ინდუსტრიასთან მუშაობა და იმისათვის, რომ პროექტი წარმატებული გამოდგეს აუცილებელია შენც შეისწავლო იმ ინდუსტრიის თავისებურებები, რაც საბოლოო ჯამში გძენს მრავალმხრივ ცოდნას.

ამჟამად ვმუშაობ კომპანია Upgaming-ში, ძალიან მაგარ გუნდთან ერთად სადაც ვმუშაობთ შიდა პროექტებზე, მათ განვითარებაზე და საძიებო სისტემებში ოპტიმიზაციას, სადაც 6 წლის შემდეგაც ყოველდღე ახალ რაღაცას ვიგებ და ვსწავლობ.

თუმცა, SEO პრაქტიკულად ამოუწურავი თემაა და თუ შეწყვეტ სწავლას და ფეხის აყოლას ტენდენციებისთვის აუცილებლად ჩამორჩები. ამიტომაც, ახლა პარალელურად ვსწავლობ პროგრამირებას, რომელიც ჩემთვის იქნება დამატებითი ხელსაწყო, რომლის მორგებასაც შემდგომ შევძლებ SEO პროცესებზე.

როგორია SEO სპეციალისტის ტიპური სამუშაო დღე?

ჩემი სამუშაო დღე იწყება წინა საღამოს, როდესაც ვგეგმავ მომდევნო დღის სამუშაოებს. თუმცა, რეალურად დილა იწყება Google Search Console-ში პროექტების განახლებული მონაცემების გადავლით. ძალიან სასიამოვნოა შეგრძნებაა, როცა ყოველდღიურად დღეს იწყებ პროექტის პროგრესის ნახვით. თუმცა, არის დღეები როდესაც დადებითი დინამიკის ნაცვლად უარყოფითი დინამიკა გვხვდება, მაგრამ ესეც ძალიან საინტერესოა, ვინაიდან ასეთ დროს ვინიშნავთ და ვიძიებთ რაში შეიძლება იყოს პრობლემა და დღითიდღე მცირედით მაინც ვაუმჯოსებთ პროცესებს.

სამსახურში მიმავალ გზაზე ვუსმენ Seth Godin-ის პოდკასტს Akimbo, რომლის ფორმატიც ისეთია, რომ ადმიანში ცნობისმოყვარეობას აღვივებს და გიბიძგებს რომ შექმნა ისეთი პროდუქტი/სერვისი, რომელიც საბოლოო ჯამში კეთილის მომტანი იქნება ადამიანებისთვის როგორც მოგების მხრივ, ისე ზოგადად, რომ მცირედით უკეთესი მაინც გავხადოთ სამყარო.

სამსახურში მაქვს ორი რეჟიმი – ერთი, როდესაც ტექნიკური სამუშაოებია გასაკეთებელი, ამ დროს დროის მაქსიმალური ოპტიმიზაციის მიზნით ვიყენებ პომოდოროს ტექნიკას და საკუთარ თავს ვუწესებ გამოწვევას, რომ რაც შეიძლება მეტი მოვასწრო დღის განმავლობაში და საბოლოო ჯამში რაღაც თამაშის სახე აქვს და გამწვანებული To-do ლისთის ყურება ძალიან სასიამოვნოა.

მეორე ტიპის დღეები არის – როდესაც ახალი სტრატეგია გვაქვს შესამუშავებელი, ახალი გამოწვევები დასაძლევი და ასეთ დღეებში ძირითადად გუნდთან ერთად ვმსჯელობ რა შეგვიძლია გავაკეთოთ, რა ვარიანტები გვაქვს რომ გავხადოთ ჩვენი საიტი უკეთესი და მოვიფიქროთ გამოსავლები ჩარჩოებს მიღმა. ზუსტად ჩარჩოებს მიღმა აზროვნება და კრეატიული მიდგომები შეიძლება აღმოჩნდეს კატალიზატორი პროექტის წარმატებაში და განსაკუთრებით მიყვარს ასეთი დღეები.

წარმატებული პროექტები

ჩემი ყველაზე წარმატებული და ამავდროულად საყვარელი პროექტია Georgia.travel ვებ-საიტის SEO ოპტიმიზაცია, რომელმაც საფუძვლიანად დაიკავა ჩემში განსაკუთრებული ადგილი რამდენიმე მიზეზის გამო:

ვებ-საიტი რეალურად წარმოადგენს მთავარ ჰაბს უცხოელების თუ ქართველებისთვის, ვისაც სურს რომ მეტი გაიგონ საქართველოზე და მიიღონ ნებისმიერი ინფორმაცია ჩვენს ქვეყანაზე და კულტურაზე. ამიტომაც ძალიან დიდი პატივი იყო ეროვნული მასშტაბის პროექტზე მუშაობა და ჩემი წვლილის შეტანა ქვეყნის პოპულარიზაციაში.

ასევე, პროექტი იყო საკმაოდ მასშტაბური, რა დროსაც ერთობლივი მუშაობა მომიწია 4 კომპანიასთან, რომლებიც სხვადასხვა პროფილებით იყვნენ ჩართულები პროექტში და მქონდა კომუნიკაცია ბევრ დარგის სპეციალისტთან, რომლებისგანაც ბევრი რამე შევისწავლე.

ასევე, პროექტის მასშტაბურობიდან გამომდინარე აუცილებელი იყო ოპტიმალური გამოსავლების ძიება, რესურსების სწორად განაწილება და პროექტის ყველა პროცესზე პულსზე ხელის ჭერა, რაც ძალიან საინტერესო გამოცდილება აღმოჩნდა.

საბოლოო ჯამში შრომამ ნაყოფი გამოიღო და ვებ-საიტს დღეისთვის აქვს დაახლოებით 1000%-იანი ზრდა ტრაფიკის მხრივ და ყოველთვიურად ასიათასობით ადამიანი სტუმრობს ვებგვერდზე მსოფლიოს ნებისმიერი წერტილიდან.

უცხოურ პროექტს რაც შეეხება, ერთ-ერთი ყველაზე საინტერესო პროექტია, რომელზეც ამჟამადაც ვმუშაობ კომპანია Lineate-თან ერთად. ინდუსტრია, სადაც ლინეითი ოპერირებს ჩემთვის სრულიად ახალია და ძალიან დიდი სიამოვნებაა გაეცნო ახალ სფეროს სიღრმისეულად და მიიღო ახალი გამოწვევები.

რეკომენდაციები:

სფეროზე სიახლეების გასაცნობად აქტიურად ვიყენებ ვებ-საიტებს, რომლებიც ერთ-ერთი ყველაზე ავტორიტეტულები არიან SEO სფეროში: Search Engine Journal და Search Engine Roundtable.

ასევე, ინფორმაციას ბრაუზერის პირად Newsfeed-ში ვეცნობი (გუგლმა უკეთ იცის რას მინდა რომ ვკითხულობდე. ჰაჰა)

ასევე ძალიან აქტიურად ვიყენებ Reddit-ს და SEO თემატიკაზე არსებულ Subreddit-ებს, სადაც სფეროში მოღვაწე რეალური ადამიანებისგან ვიგებ რაღაც ახალს, ვკითხულობ საინტერესო მოსაზრებებს სტრატეგიებზე, ვეცნობი ქეის სთადებს და ა.შ.

დამატებით, ჩემი სოციალურ ქსელებში სქროლვა, მთლად უსარგებლო რომ არ იყოს აქტიურად ვადევნებ თვალყურს როგორც ქართულ, ისე უცხოურ SEO თემატიკაზე არსებულ FB ჯგუფებს.

ასე რომ, თუ ხარ დამწყები ან გამოცდილი ციფრული მარკეტერი და გსურს, გაიღრმაო ცოდნა SEO-ს მიმართულებით სფეროს სპეციალისტი ლექტორების დახმარებით, ეს კურსი შენთვისაა. შემოგვიერთდი Commschool-ში!

გაუზიარე მეგობრებს

რელევანტური ბლოგები

თბილისის კომუნიკაციის სკოლა Ad Black Sea-ს ფესტივალზე...

თბილისის კომუნიკაციის სკოლა Touch Platform-ის პარტნიორია...

მონაცემთა ანალიტიკა - რა არის და როგორ იყენებენ მას ბიზნესები...

შესაძლოა გაინტერესებდეს

დამწყები

1100₾

Creative Advertising

რეკლამას ერთი უცნაურობა ახასიათებს, როგორც წესი ვცდილობთ თავი ავარიდოთ მას, დავბლოკოთ, “დავსკიპოთ”, მეორე მხრივ კი შეიძლება მოუთმენლად ველოდებოდეთ საყვარელი ბრენდის ახალ კამპანიას და სიამოვნებით ვუყურებდეთ მაგალითად Nike-ის რგოლებს, McDonald’s-ის და Burger King-ის ორთაბრძოლებს, Coca-Cola-ს საახალწლო ქარავანს. როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? კურსის ფარგლებში ვეცდებით ამ კითხვებზე პასუხების პოვნას. ლექციებზე მიმოვიხილავთ სარეკლამო კომუნიკაციის საფუძვლებს, ძირითად პრინციპებს, ინსტრუმენტებს. გავეცნობით კრეატიული სააგენტოს მუშაობის მექანიკას, მოვალეობებსა და დამკვეთთან ჰარმონიულად ურთიერთობის წესებს. გავაანალიზებთ და განვიხილავთ გლობალურ თუ ქართულ ქეისებს. სტუდენტებს საშუალება ექნებათ შეიხედონ სარეკლამო ინდუსტრიის შიდა სამზარეულოში და გამოიმუშაონ კამპანიის დაგეგმვის, კრეატივის შეფასების და კრეატიულ გუნდთან მუშაობის მენეჯერული უნარ-ჩვევები.

11 ლექცია

33 საათი

საშუალო

1400₾

Data-Driven მარკეტინგი

ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.

14 ლექცია

42 საათი

ექსპერტი

1200₾

Sense of Branding

თანამედროვე ბრენდი წარმოადგენს რაღაც პოზიციას. ის არის განაცხადი. მას შეუძლია, ადამიანს თვალსაწიერი გაუფართოვოს, გარკვეული მიმართულებით გაახედოს, ყურადღება გაუმახვილოს, სურვილი აღუძრას. სტრატეგიული ბრენდინგი განსაზღვრავს ყველაფერ იმას, რაც ბრენდმა ცხოვრებაში უნდა დაგვმართოს.ქრეშ-კურსის გავლის შემდეგ შეგეძლება ბრენდის ელემენტებში გარკვევა და მათით მანიპულირება.შეხვედრები ჩატარდება D Block Workspace//@ Stamba-ში

4 ლექცია

20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება