რითი გამოირჩევა Webflow სხვა ვებ-ტექნოლოგიებისგან?
როდესაც საქმე ეხება დინამიკური, ინტერაქციული და მომხმარებლების საჭიროებებზე მორგებული ვებ-გვერდის შექმნას კომპლექსური კოდის წერის გარეშე, Webflow საუკეთესო არჩევანია. ეს თანამედროვე ვებ-ტექნოლოგია საშუალებას იძლევა, drag-and-drop პრინციპის მიხედვით ააწყო შენთვის სასურველი დიზაინის მქონე ციფრული პლატფორმა.
საინტერესოა, თუ რა გამოარჩევს Webflow-ს სხვა კონკურენტი ვებ-ტექნოლოგიებისგან, მაგალითად, როგორებიცაა WordPress და Shopify. ამ ბლოგში სწორედ იმ უპირატესობებზე ვისაუბრებთ, რომლებიც ამ ტექნოლოგიას დიდ პოპულარობას ანიჭებს.
პირველ რიგში, Webflow-ს გამოარჩევს მისი ვიზუალური განვითარების ინტერფეისი, რომელიც აერთიანებს კრეატიული ხედვის თავისუფლებასა და ინტუიციურ ფუნქციებს, რომლებსაც არ სჭირდება კოდირება. ამ მიზეზით იგი საკმაოდ პოპულარულია როგორც დიზაინერებს, ასევე დეველოპერებს შორისაც კი. ჩაშენებული ფუნქციონალები, ანიმაციები თუ სხვა ვიზუალური ელემენტები მნიშვნელოვნად ამარტივებს 0-დან სრულად ფუნქციური ვებ-გვერდის შექმნას.
მეორე მხრივ, სხვა ვებ-ტექნოლოგიებთან შედარებისას მნიშვნელოვანია კომპანიის ბიზნეს საჭიროებების გათვალისწინება. ფუნქციონალები, მომსახურების საფასური თუ მოქნილობა – ამ ფაქტორების მიხედვით ტექნოლოგიების ერთმანეთთან შედარების საფუძველზე შეძლებ საუკეთესო გადაწყვეტილების მიღებას.
ახლა კი უფრო დეტალურად მიმოვიხილოთ Webflow და მისი კონკურენტი ვებ-ტექნოლოგიები.
Webflow vs Shopify
ელექტრონული კომერციის მიმართულებით, Shopify ერთ-ერთი წამყვანი ვებ-ტექნოლოგიაა, რასაც მისი მარტივი ინტერფეისი განაპირობებს. მისი დახმარებით მცირე ზომის ონლაინ მაღაზიის შესაქმნელად, მინიმალური რაოდენობის ნაბიჯის გადადგმაა საჭირო. თუმცა, Shopify-სგან განსხვავებით, Webflow კომპანიებს მრავალფეროვან შესაძლებლობას აძლევს დიზაინისა და კრეატიული მიმართულებით. ის მომხმარებლებს აძლევს თავისუფლებას ვიზუალის მხრივ და სთავაზობს სხვადასხვა ინსტრუმენტს, რომელთა მოდიფიცირებაც კოდის დახმარებითაც არის შესაძლებელი.
ამგვარად, Webflow გაძლევს შესაძლებლობას, შენს ონლაინ მაღაზიას უნიკალური, სხვებისგან გამორჩეული ვიზუალი ჰქონდეს, Shopify კი უკვე არსებულ ჩარჩოებში გაქცევს.
რაც შეეხება უშუალოდ ბიზნესის საწარმოებლად საჭირო ფუნქციონალებს (მაგალითად, ონლაინ გადახდა, კატეგორიების მართვა), Shopify ჩაშენებულ სისტემებს გთავაზობს. შესადარებლად, Webflow თავისი ჩაშენებული CMS-ისა (Content Management System) და მოქნილი დიზაინის დახმარებით იდეალური ხელსაწყოა იმ კომპანიებისთვის, რომლებიც ზრუნავენ ბრენდის ესთეტიკასა და ამბის თხრობაზე. ამიტომ, ხარისხიანი და ვიზუალურად მიმზიდველი ელ-კომერციის მაღაზიის შესაქმნელად, Webflow სწორი გადაწყვეტილებაა.
Webflow vs WordPress
ამ შემთხვევაშიც Webflow-ის მთავარი უპირატესობა დიზაინია. იგი კარგი არჩევანია მათთვის, ვისაც სურს ვებ-გვერდის აწყობა მხოლოდ ვიზუალური გამოსახულებების მიხედვით, კოდის წერის გარეშე. ეს პროცესი ‘ლეგოს’ აწყობასაც კი წააგავს – drag-and-drop რედაქტორი თავისუფლებას განიჭებს, მოარგო შენთვის სასურველი ელემენტი პლატფორმას, პროგრამა კი ავტომატურად დააგენერირებს შესაბამის კოდს.
WordPress მოითხოვს ისეთი პროგრამული ენების ცოდნას, როგორებიცაა PHP, CSS და JavaScript. თუ პროგრამირება და კოდის წერა არ იცი, ამ ტექნოლოგიის არჩევის შემთხვევაში მოგიწევს, რომ ითანამშრომლო დეველოპერებთან, რაც დაკავშირებულია მეტი ფინანსური რესურსების ქონის საჭიროებასა და პროექტის მართვის სირთულეებთან.
კონტენტის შესაქმნელად, Webflow მარტივად გამოსაყენებელი ტექნოლოგიაა, რადგან მას აქვს ჩაშენებული CMS, რაც ნაკლები ტექნიკური გამოცდილების მქონე კონტენტის შემქმნელებს საქმეს უმარტივებს. მაგალითად, თუ ქმნი ბლოგებს ვებ-გვერდისთვის, CMS საშუალებას გაძლევს, შექმნა ერთგვარი შაბლონი, რომელსაც აქტიურად გამოიყენებ კონტენტისთვის.
ამის საპირისპიროდ, WordPress შეუზღუდავ შესაძლებლობებს გთავაზობს ვებ-გვერდის ასაწყობად. თუმცა მისი შესწავლა, შესაძლოა, არც თუ ისე მარტივი იყოს, განსაკუთრებით, თუ გავითვალისწინებთ განახლებებსა და ჩასაშენებელი ფუნქციონალების შეთავსებადობის უზრუნველყოფას.
სხვა უპირატესობები
განხილული ფუნქციების გარდა, Webflow სხვა მნიშვნელოვანი უპირატესობებითაც გამოირჩევა. იგი აერთიანებს სხვადასხვა ხელსაწყოს, რაც საშუალებას იძლევა, ერთ პლატფორმაზე მართო ვებგვერდის დიზაინი და მისი კოდი. ჩაშენებული დიზაინის, დეველოპმენტისა და CMS-ის ხელსაწყოს დახმარებით, შეგიძლია ააწყო ვებ-გვერდი ვიზუალურად, რის პარალელურადაც ავტომატურად დაიწერება საჭირო სუფთა კოდი HTML, CSS და JavaScript-ის პროგრამული ენების გამოყენებით. ეს თავიდან აგარიდებს დეველოპერებთან თანამშრომლობას და სწრაფად და მარტივად შეძლებ ბაზრისთვის გამზადებული ხარისხიანი ციფრული პროდუქტის შექმნას.
სხვა no-code პლატფორმებისგან განსხვავებით, Webflow-ს მომხმარებლებს შეუძლიათ არსებული შაბლონების მათი სურვილისა და საჭიროების შესაბამისად რედაქტირება. იგი სრულ კონტროლს გაძლევს ვებგვერდის CSS-ის დონეზე. ეს კი შესაძლებლობას გაძლევს, შექმნა უნიკალური და გამორჩეული პლატფორმა და ამისთვის, კოდშიც კი შეიტანო ცვლილება.
განსაკუთრებით მიმზიდველია ვებ-გვერდის ჩატვირთვის მაღალი სიჩქარე, რაც ნამდვილად გამოარჩევს ამ ტექნოლოგიას. ეს ზრდის კმაყოფილი მომხმარებლების რიცხვს და ამასთანავე, SEO პოზიციებსაც კი.
როგორც ხედავ, Webflow არაერთი სასარგებლო ფუნქციონალითა და შესაძლებლობებით გამორჩევა, რომლებიც ბიზნესებს ეხმარება, თანამედროვე პროფესიონალური და ფუნქციონალური ვებგვერდის შექმნაში. მომხმარებლის საჭიროებებზე მორგებული ციფრული პლატფორმა კი ზრდის მათ ერთგულებას, რაც ბიზნესის წარმატებისთვის მნიშვნელოვანი ფაქტორია.
თუ შენც გსურს ისწავლო, როგორ შექმნა მარტივად ფუნქციური ვებგვერდი კოდის წერის გარეშე, Commschool-ში საინტერესო კურსს აღმოაჩენ Webflow-ს სახით.
ამ პროგრამის ფარგლებში, ისწავლი ამ ვებ-ტექნოლოგიის ინტერფეისის სრულყოფილად გამოყენებასა და კომპლექსური ვებ-პროექტების დამოუკიდებლად განხორციელებას.
უფრო დეტალურად პროგრამის სილაბუსის შესახებ ინფორმაციას შეგიძლია ქვემოთ მოცემულ ბმულზე გაეცნო.
შესაძლოა გაინტერესებდეს
დამწყები
საშუალო
საშუალო
შესვლა Google-ით
შესვლა Facebook-ით