საძიებო სისტემები ადამიანების ყოველდღიურობის ნაწილად იქცა – მათი საშუალებით მომხმარებელთა ონლაინ გამოცდილების 93% იწყება. ეს სტატისტიკა კი საძიებო სისტემების ოპტიმიზაციის (SEO) მნიშვნელობაზე ნათლად მიუთითებს. სწორედ იგი უზრუნველყოფს სამიზნე აუდიტორიის საძიებო შედეგების გვერდზე მაღალი პოზიციების დაკავებას და ამით კომპანიის სერვისების პოპულარიზაციას ხელშეწყობას. სასურველი შედეგების მისაღწევად კი გარკვეული კრიტერიუმების დაკმაყოფილებაა საჭირო, რომლებსაც Google თუ სხვა საძიებო სისტემები შეიმუშავებენ.
მოთხოვნად ციფრულ პროფესიებს შორის SEO სპეციალისტი ერთ-ერთ წამყვან პოზიციებს იკავებს. ამიტომ, თუ მარკეტინგის სფერო გაინტერესებს და ახალი უნარების შეძენა გსურს, ამ ბლოგს გაეცანი. ნიკო სამხარაძე, Commschool-ის ლექტორი, დეტალურად მოგიყვება SEO კურსის შესახებ, რომელსაც იგი თავად გაუძღვება.
ნიკო სფეროს ერთ-ერთი წამყვანი სპეციალისტია, 5 წელზე მეტი გამოცდილებით SEO-ს მიმართულებით. მისი პორტფოლიო 20+ პროექტს მოიცავს როგორც ლოკალურ, ისე გლობალურ ბაზარზე ისეთ ინდუსტრიებში, როგორებიცაა Adtech, Igaming, ტურიზმი, ფინანსური სექტორი, E-commerce, ჯანდაცვა, ონლაინ მედია და სხვ. ამჟამად, ნიკო კომპანია Upgaming-ში SEO სპეციალისტად, ხოლო ციფრული ტრანსფორმაციის სააგენტო Redberry-ში ფრილანს SEO სპეციალისტად მუშაობს.
კურსის ფარგლებში ნიკო მის მიერ დაგროვებული ცოდნისა და გამოცდილების გაზიარებას გეგმავს. როგორც თავად აღნიშნავს, დღეს ინტერნეტის დახმარებით ყველაფრის სწავლა არის შესაძლებელი, მათ შორის, SEO-ს. თუმცა რეალური ქეისების გაცნობა და პრაქტიკული დავალებების შესრულება ცოდნის მიღების ყველაზე ეფექტური გზაა.
ძალიან ბევრ პროექტზე მიმუშავია და შესაბამისად, ბევრ წინააღმდეგობრივ ქეისთან მქონია საქმე. ბევრი ექსპერიმენტი ჩამიტარებია და ვფიქრობ, ისეთ კითხვებზე შევძლებ პასუხების გაცემას, რომლებზე პასუხის მოძიება არც ისე მარტივი იქნება.
პროგრამა თეორიული ნაწილის გარდა პრაქტიკული გამოცდილების მიღებაზეც იქნება ორიენტირებული. სტუდენტებთან ერთად ნიკო საინტერესო ქეისებს გაარჩევს და ერთობლივად იმსჯელებს მათთან ერთად. მისი მიზანია, კურსი რაც შეიძლება ინტერაქციული იყოს და სტუდენტებს მისცეს სტიმული, დასვან კითხვები, როგორც ზოგადი, ისე სპეციფიკურიც. როგორ დასვა კითხვები სწორად და სად ეძიო პასუხები – ეს უნარები მომავალ SEO სპეციალისტებს ძალიან გაუმარტივებთ სამუშაო პროცესს.
ჩემი მიზანია, SEO პროექტის აღების შემთხვევაში, კურსდამთავრებულებს შეეძლოთ მთლიანი პროექტის დამოუკიდებლად წარმართვა და შემდგომ გადასადგმელი ნაბიჯების ზუსტად განსაზღვრა.
კურსის განმავლობაში პრაქტიკული დავალებებიც ზუსტად ამ მიზანს მოემსახურება. სტუდენტებს მოუწევთ როგორც ვებ-გვერდის სრული აუდიტის ჩატარება, ისე საძიებო სიტყვების კვლევა, ვებ-გვერდის ტექნიკურად გამართვა, backlink-ების მოპოვება, რეპორტინგი და ანალიტიკა.
ნიკოს მიდგომა სწავლებისადმი დაახლოებით შემდეგნაირად გამოიყურება:
თუმცა ძალიან მნიშვნელოვანია, რომ სტუდენტებს კურსის განმავლობაში განვლილი თემები არ დაავიწყდეთ. იმისათვის, რომ სისტემურად გაითავისონ, რას და როგორ აკეთებენ პროექტზე მუშაობისას, ნიკო მუდმივად გამოიყენებს წინა ლექციებზე ნასწავლ მეთოდებსა და სამუშაო პროცესებს მომდევნო ლექციებშიც. შედეგად, კურსის ბოლოს, სტუდენტს ვებ-გვერდის SEO-ზე სამუშაოდ ინსტრუმენტებისა და მეთოდების სრულყოფილი არსენალი ხელთ ექნება.
კურსის დასრულების შემდეგ კარიერის განვითარების მრავალფეროვანი შესაძლებლობა გექნება. რადგანაც SEO სპეციალისტს ვებ-გვერდთან დაკავშირებულ ბევრ სხვა სფეროებთან უწევს შეხება, შეიძლება მისთვის საინტერესო მიმართულებით განვითარდეს. დამწყების პოზიციიდან კი მაღალი მენეჯერული როლის მორგებაც შეგეძლება (ტექნიკური/on-page/off-page გუნდის მენეჯერი, SEO დეპარტამენტის უფროსი, SEO კონსულტანტი). ციფრული მარკეტინგის სფეროში დასაქმებულთათვის კი ეს კიდევ ერთი ნაბიჯი იქნება სრულფასოვან ციფრულ მარკეტერად ჩამოსაყალიბებლად.
SEO ისეთი სფეროა, სადაც საკმარისი პრაქტიკის მიღების შემდეგ პროფესიული განვითარების მხრივ ძალიან ბევრი კარი იხსნება.
აქვე ნიკოს რეკომენდაციებს დაგიტოვებ. ეს იმ რესურსების ჩამონათვალია, რომელთა დახმარებითაც მან ის ფუნდამენტური უნარები აითვისა, რომლებიც ნებისმიერ მარკეტერს უნდა ჰქონდეს:
Youtube არხი: Matt Diggity
პოდკასტი: Seth Godin’s – Akimbo
ამგვარად, SEO კურსი საკმაოდ მრავალფეროვანი ცოდნისა და გამოცდილების მიღების შესაძლებლობას მოგცემს. ამიტომ, თუ მზად ხარ ახალი თავგადასავლებისთვის, Commschool-ში შემოგვიერთდი!
